សន្តិសុខសង្គម
រដ្ឋបាលខណ្ឌពោធិ៍សែនជ័យបន្តសំណូមពរពលរដ្ឋកុំរំលោភបំពានចំណីផ្លូវសាធារណៈ
បើទោះបីអាជ្ញាធរខណ្ឌពោធិ៍សែនជ័យ ជារឿយៗតែងតែដឹកនាំកម្លាំងសង្កាត់ ប៉ុស្តិ៍ ចុះរៀបចំសណ្តាប់ធ្នាប់ ព្រមទាំងធ្វើការណែនាំជាបន្តបន្ទាប់ទៅដល់ក្រុមអាជីវករដែលដាក់ទំនិញសម្ភារះលក់រំលោភបំពានទៅលើផ្លូវសាធារណៈយ៉ាងណាក៏ដោយ ក៏នៅតែឃើញមានប្រជាពលរដ្ឋមួយចំនួននៅតែមិនអនុវត្តតាមការណែនាំនោះឡើយ ។
ជាក់ស្តែងនៅតាមបណ្តោយមហាវិថី ឈ្នះឈ្នះ នៃសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ក្រុមអាជីវករលក់ប្រេងសាំង ប្រេងម៉ាស៊ូត ទាំងកានៗ ដាក់លក់ដង្ហែរគ្នានៅលើចំណីផ្លូវសាធារណៈជាហូរហែរ ដែលនាំអោយបាត់បង់សណ្តាប់ធ្នាប់ របៀបរាបរយសាធារណៈ ។
សកម្មភាពនេះ ត្រូវបានគេមើលឃើញថា ក្រុមយានយន្តធំៗ តែងតែចតនៅលើទ្រូងផ្លូវតែម្តង ដើម្បីទិញប្រេងសាំង ឬប្រេងម៉ាស៊ូត ចាក់រថយន្ត ដែលអ្នកផងទាំងពួងមើលទៅមិនសមរម្យនោះទេ ។
បញ្ហានេះមានគេសួរថា ប្រេងសាំង ឬប្រេងម៉ាស៊ូត ដែលដាក់រាប់សិបកានលក់នេះ តើក្រុមអាជីវករទាំងអស់នោះទិញមកប្រភពណា ??? ។
យ៉ាងណាក្តី អាជ្ញាធរខណ្ឌពោធិ៍សែនជ័យសំណូមពរម្តងហើយម្តងទៀត សូមប្រជាពលរដ្ឋ ឬ ក្រុមអាជីវករទាំងអស់ សូមកុំដាក់តាំងទំនិញគ្រប់ប្រភេទលក់រំលោភបំពាននៅលើចំណីផ្លូវសាធារណៈ ពីព្រោះផ្លូវសាធារណៈ គឺសម្រាប់ប្រជាពលរដ្ឋទូទៅធ្វើដំណើរ ។
យោងតាមសេចក្តីជូនដំណឹងរបស់រដ្ឋបាលខណ្ឌពោធិ៍សែនជ័យ ចុះថ្ងៃទី១៤ ខែកញ្ញា ឆ្នាំ២០២១ អោយដឹងថា ដើម្បីឱ្យមានសោភ័ណភាព និងសុវត្ថិភាពសាធារណៈ រដ្ឋបាលខណ្ឌពោធិ៍សែនជ័យ សូមធ្វើការណែនាំបងប្អូនប្រជាពលរដ្ឋ ម្ចាស់លំនៅដ្ឋាន ម្ចាស់អាជីវកម្មរោងចក្រ-សហគ្រាស និងម្ចាស់ ផែស្ងួត នៅតាមបណ្តោយមហាវិថី ឈ្នះឈ្នះ សង្កាត់ចោមចៅទី៣ សង្កាត់ត្រពាំងក្រសាំង និងសង្កាត់សំរោងក្រោម ខណ្ឌពោធិ៍សែនជ័យ ដែលបានដាក់តាំងទំនិញ របស់របរ សម្ភារៈផ្សេងៗ និងតសំយ៉ាប ព្រមទាំងការចតយានយន្តគ្រប់ប្រភេទប្រកបរបរលើចិញ្ចើមផ្លូវសាធារណៈ ៖ ១. ចំពោះសំណង់ហ្វែមដែក ការតសំយ៉ាប និងការចតយានយន្តរំលោភលើចិញ្ចើមផ្លូវសាធារណៈ៖
ម្ចាស់ទីតាំងត្រូវរុះរើចេញដោយស្ម័គ្រចិត្ត និងបញ្ចប់ការចតយានយន្តនៅលើចិញ្ចើមផ្លូវសាធារណៈ រួមទាំង របស់របរ សម្ភារៈផ្សេងៗ ។ ចំពោះទីតាំងអាជីវកស្របច្បាប់ ដែលមិនរំលោភលើចិញ្ចើមផ្លូវសាធារណៈ ត្រូវអនុវត្ត៖ – ត្រូវមានចំណតផ្ទាល់ខ្លួន ដោយមិនត្រូវយកទ្រូងផ្លូវសាធារណៈធ្វើជាចំណតជាច់ខាត ចំពោះការចតមធ្យោបាយគ្រប់ប្រភេទនៅលើចិញ្ចើមផ្លូវ ត្រូវទុកចំណែកនៃចិញ្ចើមផ្លូវសម្រាប់ប្រជាពលរដ្ឋធ្វើដំណើរបាន ។ នៅខាងមុខទីតាំងអាជីវកម្មរបស់ខ្លួនត្រូវសំអាតអនាម័យ ឱ្យបានស្អាតជានិច្ច ។ រាល់កាកសំណល់ផ្សេងៗត្រូវច្រកថង់ឱ្យជិត ឬ វេចខ្ចប់ឱ្យបានស្អាត និងទុកដាក់ឱ្យបានត្រឹមត្រូវ ។ – មិនត្រូវបញ្ចេញសំរាម ឬ លាងរថយន្ត ម៉ូតូ ឬសម្ភារៈផ្សេងៗបង្ហូរមកលើចិញ្ចើមផ្លូវឬទ្រូងផ្លូវសាធារណៈឡើយ។
សេចក្តីជូនដំណឹងដដែលបន្តថា ក្នុងករណី លោក/លោកស្រី មិនអនុវត្តតាមខ្លឹមសារសេចក្ដីជួនំដំណឹងនេះទេ រដ្ឋបាលខណ្ឌពោធិ៍សែនជ័យ នឹងមានវិធានការចុះរុះរើ និងដកហូតដោយមិនទទួលខុសត្រូវរាល់ការបាត់បង់ ខូចខាតទ្រព្យសម្បត្តិ និងសម្ភារៈផ្សេងៗ ដែលមាននៅ លើទីតាំងនោះឡើយ។ ចំពោះរាល់ការចំណាយក្នុងការអនុវត្តការងាររុះរើ និងដកហូតនេះ ជាបន្ទុករបស់លោក/លោកសី ដែលជាម្ចាស់ទីតាំងត្រូវទទួលខុសត្រូវទាំងស្រុង ករណីមានការរារាំង រឹងរូសមិនស្តាប់ការណែនាំ អាជ្ញាធរនឹងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធីច្បាប់ ៕
អត្ថបទ៖ រ៉ាវុទ្ធ
អ្នកនាំពាក្យអំពាវនាវពលរដ្ឋបរិភោគទឹកឲ្យបានច្រើន និងចំណីអាហារមានអនាម័យពេលអាកាសធាតុក្តៅខ្លាំងចៀសវាងកើតជំងឺផ្សេងៗ
ត្រាំ ព្រមាននិងផ្តាំផ្ញើពាក្យប៉ុន្មានម៉ាត់ទៅ ពូទីន ដែលនៅតែគឃ្លើនវាយប្រហារទីក្រុង កៀវ
បង្រ្កាបទីតាំងហាងយីហោ ត្នោត ផ្អែម ឃាត់ខ្លួនមនុស្សប្រុសស្រីច្រើននាក់ពាក់ព័ន្ធការបង្កប់សេវាកម្មផ្លូវភេទ
អភិបាលខេត្តកំពតលើកឡើងថា គោលនយោបាយលើវិស័យដីធ្លី គឺជាគោលនយោបាយចម្បងក្នុងអាណត្តិទី៧
លោកជំទាវទុយ សិរីរតនៈ នេត្រភក្រ្តា យកអំណោយអង្ករវីតាមីន៣០០កេស ស្មើប្រមាណជិត ៤ តោន ផ្តល់ជូនមន្ទីរពេទ្យតេជោសន្តិភាព
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
នគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម
ក្មេងស្រីអាយុ៤ឆ្នាំលក់ផ្កា៖ សម្ដេចតេជោ ស្នើកុំវែកញែករឿងកេងប្រវ័ញ្ចពលកម្មកុមារ មុនរឿងក្រពះ និងបញ្ហាគ្រួសារ
Breaking News៖ អគ្គិភ័យកំពុងឆេះឃ្លាំងស្តុកម៉ាស៊ីនត្រជាក់នៅខណ្ឌច្បារអំពៅ
ប៉ូឡូញ ចល័តយន្តហោះចម្បាំងយ៉ាងបន្ទាន់បំផុត ក្រោយរុស្ស៊ី វាយអ៊ុយក្រែន កៀកព្រំដែនខ្លួន
-
ចរាចរណ៍៣ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានអន្ដរជាតិ១ សប្តាហ៍ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១៨ ម៉ោង agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១ សប្តាហ៍ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ២ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម២៤ ម៉ោង agoនគរបាលរាជធានី ឃាត់ខ្លួនអនុប្រធានគណបក្សកម្លាំងជាតិ មួយរូប ពីបទ ញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម