សន្តិសុខសង្គម
វាយប្លន់យកម៉ូតូពីបុរសម្នាក់បានសម្រេច ក្បែរអធិការដ្ឋានខណ្ឌពោធិ៍សែនជ័យ
បុរសម្នាក់ជិះម៉ូតូចេញពីធ្វើការត្រូវបានជនសង្ស័យមួយក្រុមមានគ្នាពីរបនាក់ធ្វើសកម្មភាពវាយប្លន់យកម៉ូតូបានសម្រេចរួចគេចខ្លួនបាត់ដោយសុវត្តិភាព។
ករណីវាយប្លន់នេះ បានបង្កការភ្ញាក់ផ្អើលកាលពីវេលាម៉ោង១២និង២០នាទីរំលងអាធ្រាត្រឈានចូលថ្ងៃទី០៩ ខែកុម្ភៈ ឆ្នាំ២០២២ នៅផ្លូវបេតុងជាប់របងវត្តពោធិ៍ចិនតុងខាងកើត ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះមានឈ្មោះ សម្បត្តិ សីហា ភេទប្រុស អាយុ៣១ឆ្នាំ មុខរបរជាងដេគ័រតុទូ ស្នាក់នៅបន្ទប់ជួលនៅម្ដុំផ្សារដេប៉ូ ខណ្ឌទួលគោក និងមានស្រុកកំណើតនៅភូមិប្រសូត្រទី១ ឃុំកណ្តៀងរាយ ស្រុកស្វាយទាប ខេត្តស្វាយរៀង។ ជនរងគ្រោះជិះម៉ូតូម៉ាកស្មាក់វី ពណ៌ក្រហម មិនចាំស្លាកលេខ។
បើតាមការរៀបរាប់ពីជនរងគ្រោះបានប្រាប់ឲ្យដឹងថា មុនកើតហេតុ ខ្លួនបានខ្ចីម៉ូតូមិត្តភ័ក្ដិដែលស្នាក់នៅបន្ទប់ក្បែរគ្នាជិះទៅធ្វើការនៅកន្លែងដេប៉ូឈើមួយកន្លែងជាប់ផ្លូវរថភ្លើង ដែរជាកន្លែងធ្វើការ។ លុះចប់ម៉ោងការងារ រូបគេក៏បានជិះម៉ូតូទៅកន្លែងបន្ទប់ស្នាក់នៅវិញ ដោយធ្វើដំណើរទិសដៅពីជើងទៅត្បូង លុះមកដល់ចំណុចកើតហេតុខាងលើជាប់របងវត្តពោធិ៍ចិនតុង ក៏ប្រទះឃើញជនសង្ស័យចំនួនពីរនាក់ ឈក្បែររបងផ្ទះប្រជាពលរដ្ឋ ខណៈនោះជនសង្ស័យម្នាក់បានដើរមកស្ទាក់ពីមុខដោយប្រាប់រូបគេថា សុំដោយសារផង ទៅឈប់នៅម្ដុំមុខពេទ្យលោកសង្ឃ ចំណែកជនសង្ស័យម្នាក់ទៀតនៅពួនជាប់របងផ្ទះប្រជាពលរដ្ឋរួចបានធ្វើសកម្មភាព លោតធាក់ទៅលើរូបគេបណ្ដាលឲ្យដួលម៉ូតូ។ ខណៈនោះស្រាប់ជនសង្ស័យម្នាក់ទៀត ដែលស្ទាក់នៅពីមុខបានទាញខ្សែក្រវ៉ាត់វាយទៅលើរូបគេ តែមិនត្រូវរូបគេគេចទាន់ រួចរត់យករួចខ្លួនសិន ធ្វើឲ្យជនសង្ស័យមានឱកាសល្អ បាននាំគ្នាលើកយកម៉ូតូជិះគេចខ្លួនបាត់ដោយសុវត្ថិភាព ។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុ បាននាំជនរងគ្រោះទៅដាក់ពាក្យបណ្ដឹងនៅប៉ុស្តិ៍នគររដ្ឋបាលកាកាបទី១ ដើម្បីសមត្ថកិច្ចស្រាវជ្រាវចាប់ជនសង្ស័យយកមកផ្តន្ទាទោសតាមផ្លូវច្បាប់៕
អត្ថបទ៖ សុខា
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)