សន្តិសុខសង្គម
ឈ្មួញឈើប្រចាំស្រុកសំឡូត វាយគ្នាផ្អើលដល់ប៉ូលិស រឿងដណ្តើមម៉ូយលក់ដី
មនុស្សមួយក្រុមដែលដែលក្នុងនោះមានស្ត្រីម្នាក់ ជាមេឈ្មួញរកស៊ីឈើដ៏ធំប្រចាំតំបន់ក្បែរព្រំដែនថៃ បានប្រើហិង្សា ទាញគល់អុសវាយគ្នាទៅវិញទៅមក រហូតបែកឈាម និងត្រូវប៉ូលិសឃាត់ខ្លួនបាន២នាក់។
ហេតុការនៃអំពើហិង្សាឈានដល់ការបង្ករបួសស្នាមបានកើតឡើងកាលពីថ្ងៃទី៥ ខែមីនា ឆ្នាំ២០២២ វេលាម៉ោងប្រហែល ៧ព្រឹក នៅចំណុចភូមិអូរដើមចេក ឃុំកំពង់ល្ពៅ ស្រុកសំឡូត ខេត្តបាត់ដំបង ដែលជាករណីជម្លោះដណ្តើមគ្នាកាយដីដឹកចាក់លក់រវាង២ភាគី។

ករណីហិង្សាដោយចេតនាមានស្ថានទម្ងន់ទោស បានបង្កឡើងដោយជនសង្ស័យឈ្មោះ នូ សឿន ភេទប្រុសអាយុ៤៦ឆ្នាំ រស់នៅភូមិភ្នំរៃ ឃុំតាតោក ស្រុកសំឡូត ដោយសារតែដណ្តើមម៉ូយគ្នាដឹកដីលក់បានប្រើដុំភ្លើងសាកថ្មទូរស័ព្ទនៅក្នុងកាបូបវាយទៅលើឈ្មោះ គង់ ចាន់ថន ភេទប្រុស អាយុ៣៥ឆ្នាំរស់នៅភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង បណ្តាលអោយបែកម្រាមដៃម្ខាង។ ភ្លាមៗនោះដែរឈ្មោះ គង់ សុខជូ (ហៅធី) ភេទប្រុស អាយុ៣២ឆ្នាំ ត្រូវជាប្អូនបង្កើតរបស់ជនរងគ្រោះខាងលើបានយកឈើគល់អុសទៅវាយឈ្មោះនូ សឿន វិញ និងប្រពន្ធឈ្មោះ រើត សុខា ភេទស្រី អាយុ៥១ឆ្នាំ ហៅយាយមាន់ ( ជាមេឈ្មួញរកសុីឈើប្រចាំស្រុកសំឡូត ) បណ្តាលអោយរបួសបែកក្បាល ។

ករណីនេះសមត្ថកិច្ចបានអនុវត្តតាមបញ្ជារបស់ឯកឧត្តម កែវ សុជាតិ ព្រះរាជអាជ្ញាអមសាលាដំបូងខេត្តបាត់ដំបង ដោយបានឃាត់ខ្លួនជនសង្ស័យឈ្មោះ គង់ សុខជូ(ហៅធី) និងជនសង្ស័យឈ្មោះ នូ សឿន ដើម្បីកសាងសំណុំរឿងទៅការិយាល័យជំនាញខេត្តតាមនីតិវិធី ៕
អត្ថបទ៖ សោ និយមរ័ត្ន



-
ចរាចរណ៍៤ ថ្ងៃ ago
ស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ២ ថ្ងៃ ago
សមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៣ ថ្ងៃ ago
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ២៣ ម៉ោង ago
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ២៣ ម៉ោង ago
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
សុខភាព៥ ថ្ងៃ ago
ដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ៣ ថ្ងៃ ago
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សន្តិសុខសង្គម១ ថ្ងៃ ago
ម្ចាស់គណនីហ្វេសប៊ុក “You Ri” ដែលធ្វើទង្វើអសីលធម៌បង្ហាញលើបណ្តាញសង្គម ត្រូវហៅមកណែនាំ និងធ្វើកិច្ចសន្យា