តូចចិត្តប្រពន្ធលែងលះហើយយកកូនទៅបាត់ ជិះម៉ូតូមកលោតទឹកសម្លាប់ខ្លួនលើស្ពានជ្រោយចង្វារ

បុរសម្នាក់ព្រោះតែមានវិបត្តិគ្រួសារប្រពន្ធរត់ចោលព្រមទាំងយកកូនប្រុសស្រីទៅបាត់ទៀតក៏សម្រេចចិត្តជិះម៉ូតូមួយគ្រឿងមកលោតទឹកសម្លាប់ខ្លួនពីលើស្ពានជ្រោយចង្វារ តែមិនបានសម្រេច ត្រូវបានប្រជាពលរដ្ឋនិងនគរបាលជួុយឃាត់ខ្លួនទាន់ពេល។

ការប៉ុនប៉ងសម្លាប់ខ្លួននេះបានធ្វើអោយមានការភ្ញាក់ផ្អើលកាលពីល្ងាចថ្ងៃទី២០ ខែមីនា ឆ្នាំ២០២២ នៅលើស្ពានជ្រោយចង្វារ ក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសរូបនោះឈ្មោះ សួន វាសនា អាយុ២៥ឆ្នាំ មុខរបរជាសន្តិសុខយាមរោងចក្រ មានទីលំនៅក្នុងបុរីពិភពថ្មី សង្កាត់កំបូល ខណ្ឌកំបូល  រាជធានីភ្នំពេញ មានប្រពន្ធជាកម្មាការីនី កាត់ដេរនិងមានកូនស្រី២នាក់ ។
តាមព័ត៌មានអោយដឹងថា នៅមុនពេលកើតហេតុ គេឃើញបុរសរូបនោះបានជិះម៉ូតូម៉ាកហុងដា ធុនសេ១០០កូរ៉េ ពណ៌ទឹកប៊ិច មួយគ្រឿង ធ្វើដំណើរឡើងស្ពានក្នុងទិសដៅពីលិចទៅកើត ។ នៅពេលធ្វើដំណើរជិតដល់កណ្តាលស្ពានក៍បានឈប់ម៉ូតូ ដើរទៅតោងបង្កាន់ដៃ​ស្ពាន​ប្រុងលោតទឹកសម្លាប់ខ្លួន  តែហាក់ដូចជាពុំដាច់ចិត្ត ភ្លាមៗនោះប្រជាពលរដ្ឋធ្វើដំណើរក៏បានឃាត់សួរនាំ និងរាយការណ៍ ទៅនគរបាលចរាចរណ៍ ប្រចាំគោលដោះរង្វង់មូលគួចកាណុង នាំទៅសាកសួរ ។

តាមបុរសរូបនោះបានអោយដឹងថា ខ្លួនពុំចង់រស់នៅនោះទេ ដោយខូចចិត្តខ្លួនឯងដែលប្រពន្ធលែងលះហើយ អោយប្អូនមក យកកូនស្រីតូចៗ២នាក់ទៅខេត្តបាត់ដំបងបាត់ ។ ដោយសារតែតែលតោលប្រពន្ធលែងលះអស់សង្ឃឹមក្នុងជីវិតក៏បានជិះម៉ូតូ មកលោតទឹកសម្លាប់ខ្លួនតែពុំបានសម្រេច។ បន្ទាប់ពីឃាត់ខ្លួនសាកសួរនគរបាលក៏បានទាក់ទងទៅគ្រួសារ និងបានធ្វើការណែនាំ អប់រំកុំអោយគិតខ្លី រួចក៏ជិះម៉ូតូត្រឡប់ទៅផ្ទះវិញ៕

អត្ថបទ៖ រស្មី