សន្តិសុខសង្គម
នៅទីបំផុតតុលាការខេត្តសៀមរាប សម្រេចដាក់ពន្ធនាគារ មន្ត្រីព្រិន្ទបាលឯក លក្ខិណា វីរៈរិទ្ធ ដែលប្រើហិង្សាលើកូនចុង
សៀមរាប ៖ បន្ទាប់ពីមានការរិះគន់នៅក្នុងបណ្ដាញសង្គមយ៉ាងចាស់ដៃ កម្លាំងសមត្ថកិច្ចជំនាញនៃស្នងការរដ្ឋានខេត្តសៀមរាប បានឃាត់ខ្លួនមន្ត្រីនគរបាលដែលប្រើហិង្សាលើកូនចុង ហើយនៅទីបំផុត លោក ជួន សុ រាសី ចៅក្រមស៊ើបសួរ នៃសាលាដំបូងខេត្តសៀមរាប បានសម្រេចដាក់ពន្ធនា គារ នៅល្ងាច ថ្ងៃទី២៤ខែ មិនាឆ្នាំ ២០២២។
យោងតាមក្រមព្រហ្មទណ្ឌ ២១៩ ចំណុច ១ ចោទពី បទហឹង្សា ដោយមានស្ថានទម្ងន់ទោស ទាក់ទង និង ជនរងគ្រោះចាប់ពី ២ ឆ្នាំ ទៅ៥ឆ្នាំ និង ពិន័យជាទឹកប្រាក់ ពី ៤ លាន ទៅ១០ លាន រៀលដែលមានទីលំនៅភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។ចំណែក ម្តាយ កុមារីរងគ្រោះ មានឈ្មោះ តាំង សុខ ហ្គេច និង កូន ស្រី ឈ្មោះ អ៊ឹង សុខកណ្ណិកា អាយុ ១ ឆ្នាំ ៣ ខែ រស់នៅភូមិបន្ទាយចាស់ សង្កាត់ស្លក្រាម ក្រុងខេត្តសៀមរាប។
សូមបញ្ជាក់ថា លោកព្រិន្ទបាលឯក លក្ខិណា វីរៈរិទ្ធ មានតួនាទីជាព្រិន្ទបាលឯក អត្តលេខ 71848 ឋានៈនាយរងផ្នែកគ្រប់គ្រងសហគ្រាសគ្រឹះស្ថាន ឯកជន ដែល ខាំ ក្មេងស្រី ត្រូវបានកម្លាំងការិយា ល័យនគរបាលជំនាញនាំខ្លួនពីសាលា នគរបាលជាតិមិត្តភាព កម្ពុជា-វៀតណាម ក្នុងខេត្តកំពង់ស្ពឺ ដែលជននេះកំពុងរៀនវគ្គបំប៉នជំនាញសន្តិសុខផ្ទៃក្នុង។
សមត្ថកិច្ចជំនាញបានឲ្យដឹងថា មុនពេលកើតហេតុនៅថ្ងៃទី១៨ ខែមីនាឆ្នាំ២០២២ លោកព្រិន្ទបាលឯក លក្ខិណា វីរៈរិទ្ធ និង ម្តាយ ព្រមទាំងកុមារីជនរងគ្រោះ បាននាំគ្នាទៅ ដើរលេងនៅឯខេត្តព្រះសីហនុ ធ្វើដំណើររៀងៗខ្លួនដើម្បីទៅជួបគ្នា នៅសាលានគរបាលជាតិមិត្តភាព កម្ពុជា-វៀតណាម ក្នុងខេត្តកំពង់ស្ពឺ។ នៅពេលជួបគ្នាលោក លក្ខិណា វីរៈរិទ្ធ បានធ្វើសុំពរកុមារីជនរងគ្រោះ តែកុមារី មិនព្រមស្រាប់តែក្រោយមក ជនបង្កបានធ្វើសកម្មភាពខាំ និងដាល់ ទៅលើកុមារី ជាច្រើនកន្លែង លើរាងកាយ ខណៈពេលដែលម្តាយក្មេងរងគ្រោះចូលបន្ទប់ទឹក។ នៅពេលម្តាយមក ស្រាប់តែគេឆ្លើយដោះសារថា ខាំ កូនលេង ព្រោះខ្នាញ់ពេក។
លុះនៅថ្ងៃទី១៩ ខែមីនា លោក លក្ខិណា វីរៈរិទ្ធ បានឈ្លោះគ្នាជាមួយម្តាយក្មេងរងគ្រោះ ដែលក្នុងថ្ងៃនោះដដែល ជនបង្ក បានធ្វើសកម្មភាពខាំ និងវាយលើកុមារីបន្ថែមទៀត នៅពេលម្តាយជនរងគ្រោះមិននៅ ធ្វើឲ្យកុមារីទន់ខ្លួន និងអស់កម្លាំង រើបំរាស់ពុំរួច។
សមត្ថកិច្ចបន្តថា នៅថ្ងៃទី២០ខែមីនានេះ ម្តាយក្មេងរងគ្រោះ បានទាក់ទងរកមិត្តភ័ក្ត្រ ឲ្យមកទទួលខ្លួន និងកូន ចាកចេញពីខេត្តព្រះសីហនុ ទៅកាន់ខេត្តសៀមរាបវិញ។រីឯ ជនបង្ក បានធ្វើដំណើរតាមឡានក្រុងមកសាលានគរបាលជាតិមិត្តភាព កម្ពុជា- វៀតណាម មុន ម្តាយកុមារី រងគ្រោះ។
សមត្ថកិច្ច បានបន្ថែមថា បន្ទាប់នាំខ្លួនពីខេត្តកំពង់ស្ពឺមកកាន់ខេត្តសៀមរាប ទាំងយប់តែម្តង។ ក្នុងដែលមហាជនសាទរទៅនឹងចំណាត់ការរបស់តុលាការខេត្តសៀមរាបដែលបានដាក់ទោសទណ្ឌទៅលើជនបង្កដែលជាមន្ត្រីនគរបាលខេត្តសៀមរាប ទៅតាមផ្លូវច្បាប់៕
ដោយ ៖ កុសល
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង