គ្រូតឿ ត្រូវសមត្ថកិច្ចខេត្តកណ្ដាល ហៅមកធ្វើការអប់រំ

បុរសម្នាក់ ដែលតែងតែបង្ហោះវីដេអូប្លែកៗជាច្រើននៅលើបណ្ដាញសង្គមហ្វេសប៊ុក ដែលគេស្គាល់ថា គ្រូតឿ ឥឡូវនេះសមត្ថកិច្ចនគរបាលខេត្តកណ្ដាល បាននាំខ្លួនមកធ្វើការអប់រំ។

នេះបើតាមការបង្ហោះរបស់លោក ផេង វណ្ណៈ បានឲ្យដឹងថា ទីបំផុត​សមត្ថកិច្ច​នគរបាល​ខេត្តកណ្ដាល ក្រោម​ការដឹកនាំ​បញ្ជា​របស់ លោក​ឧត្ដមសេនីយ៍ទោ​ ឈឿន សុចិត្រ ស្នងការ​ខេត្ត​បាន​កោះហៅ​គ្រូ​តឿ​មក​វាស់​កម្ពស់​នៅ​ប៉ុស្តិ៍​រដ្ឋបាល​ឃុំ​វិហារ​សួគ៌​ហើយ​នៅ​ព្រឹក​នេះ ដើម្បី​ធ្វើការ​អប់រំ និង ធ្វើ​កិច្ចសន្យា​បញ្ឈប់​ដើរ​ធ្វើរឿង​ឆ្កួត​លីលា​បន្តទៀត។

គួរបញ្ជាក់ថា បុរសរូបនេះ ឬលោកគ្រូតឿម្នាក់នេះ តែងតែធ្វើការបង្ហោះវីដេអូប្លែកជាច្រើននៅលើហ្វេសប៊ុករបស់ខ្លួន មានដូចជាក្បាច់គុន បំបាំង​កាយ រត់ចូលឡាន ហើយបានតាំងខ្លួនមាន​សិល្បវិជ្ជា និងវីដេអូចុងក្រោយនោះ គឺហូប​អាចម៍គោ ដែលផ្ទុះការពេញមិនពេញចិត្តពីប្រជាជនជាខ្លាំង៕​

អត្ថបទ៖ ផានិត