សន្តិសុខសង្គម
គ្រោះធម្មជាតិផ្គររន្ទះ បាញ់សម្លាប់ស្ដ្រីម្នាក់នៅក្នុងវត្តលើភ្នំគូលែន
បាតុភូតធម្មជាតិ(ភ្លៀង,ផ្គរ,រន្ទះ)បានឆក់យកជីវិតស្ត្រីជាគ្រូបង្រៀនកាត់ដេរម្នាក់ និងរបួស៣នាក់ដោយសាររន្ទះបាញ់ ខណៈកំពុងធ្វើសមាធិនៅលើភ្នំគូលែន។
ហេតុការណ៍នេះបានកើតឡើងនៅវេលាម៉ោង១៤និង៤០នាទី ថ្ងៃទី២៨ ខែមេសា ឆ្នាំ២០២២ ចំណុចវត្តចាស់ ភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប។
លោកវីរៈសេនីយ៍ឯក ស៊ុន អេង អធិការនគរបាលស្រុកស្វាយលើ បានឲ្យដឹងថា ដោយបានព័ត៌មាននេះភ្លាមកម្លាំងប៉ុស្តិ៍នគរបាលរដ្ឋបាលខ្នងភ្នំ និងប្រជាការពារភូមិតាពេញដើម្បីចុះពិនិត្យសព ដែលស្ថិតនៅ ភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប តែជនរងគ្រោះត្រូវបានសាច់ញ្ញាតិយកមកសង្រ្គោះនៅមណ្ឌលសុខភាពស្រុកស្វាយលើ ។
សពឈ្មោះ ថាប់ សុភ័ក្រ ភេទស្រី អាយុ៤៥ឆ្នាំ មុខរបរគ្រូបង្រៀនកាត់ដេរ ទីលំនៅបច្ចុប្បន្នភូមិសាលាកំរើក សង្កាត់សាលាកំរើក ក្រុងសៀមរាប ខេត្តសៀមរាប។ លោកបន្តថា តាមការបំភ្លឺរបស់ឈ្មោះ ប៊ូ វន្ថា ភេទប្រុស អាយុ៤០ឆ្នាំ មុខរបរគ្រូបរមី រស់នៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប (អ្នកមកជាមួយជនរងគ្រោះ )បានអោយដឹងថា មុនពេលកើតហេតុនៅថ្ងៃទី២៨ ខែមេសា ឆ្នាំ២០២២ ខ្លួនជាមួយជនរងគ្រោះ និងមិត្តភ័ក្ដិមានគ្នា១៥នាក់ បាននាំគ្នាមកភ្នំគូលែននៅចំនុចវត្តចាស់ ភូមិតាពេញ ឃុំខ្នងភ្នំ ស្រុកស្វាយលើ ខេត្តសៀមរាប ដើម្បីធ្វើការតាំងសមាធិ ពេលមកដល់ពួកខ្លួនបានទៅសុំកន្លែងព្រះសង្ឃដើម្បីសមាធិ ក្រោយពីព្រះសង្ឃអនុញាត្តហើយ ខ្លួននិងមិត្តភ័ក្ដិបានរ៉ៃប្រាក់គ្នាដើម្បីទិញសម្ភារ:រៀបចំកន្លែងសមាធិ លុះមកដល់វេលាម៉ោង១៤និង១០ ថ្ងៃទី២៨ ខែមេសា ឆ្នាំ២២២ ស្រាប់តែមានភ្លៀងធ្លាក់មួយមេលាយឡំទៅដោយខ្យល់និងរន្ទះ។ ភ្លាមនោះខ្លួននិងមិត្តភ័ក្ដិបានចូលទៅជ្រកក្រោមកុដិលោក ស្រាប់តែមានរន្ទះបានបាញ់ចំកុដិលោកបណ្ដាលអោយត្រូវជនរងគ្រោះសន្លប់បាត់បង់ស្មារតី ពេលនោះមិត្តភ័ក្ដិរបស់ខ្លួនបានជួយសង្រ្គោះដោយធ្វើចលនាបេះដូង ហើយបន្តដឹកទៅសង្រ្គោះនៅមណ្ឌលសុខភាពស្រុកស្វាយលើ ពេលទៅដល់លោកគ្រូពេទ្យបានជួយសង្គ្រោះតែជនរងគ្រោះបានដាច់ខ្យល់ស្លាប់បាត់ទៅហើយ។ បន្ទាប់មកក៏បានបន្ដដឹកសពជនរងគ្រោះតាមឡានពេទ្យយកទៅឯស្រុកកំណើត ។
លោកបញ្ជាក់ថា ការពិនិត្យសាកសព ផ្នែកក្បាល ដងខ្លួន នឹងអាវ:យវ:ពុំឃើញមានស្លាកស្នាមឡើយ។ សន្និដ្ឋាននិងយោងតាមការបំភ្លឺពីសាក្សី ព្រមទាំងការពិនិត្យកន្លែងកើតហេតុរបស់កម្លាំងជំនាញ និង គ្រូពេទ្យមណ្ឌលសុខភាពស្វាយលើ ជនរងគ្រោះគឺស្លាប់ដោយសារន្ទះបាញ់ពិតប្រាកដមែន។ ក្រោយការពិនិត្យចប់សមត្ថកិច្ចបានប្រគល់សពជូនសាច់ញាតិដើម្បីយកទៅធ្វើបុណ្យតាមប្រពៃណី៕
អត្ថបទ៖ កុសល
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ