ព័ត៌មានបឋម ៖ មានករណីបាញ់សម្លាប់មនុស្សម្នាក់ នៅចំណុចមុខតោពីរ កណ្ដាលក្រុងព្រះសីហនុ

មានករណីបាញ់សម្លាប់មនុស្សម្នាក់ នៅចំណុចមុខតោពីរ កណ្ដាលក្រុងព្រះសីហនុ ស្ថិតនៅក្នុងភូមិ ៤សង្កាត់ ៤ ក្រុងព្រះសីហនុ ខេត្តព្រះសីហនុ។ ព័ត៌មានបឋម បានឲ្យដឹងថា ករណីបាញ់ប្រហារបង្កឲ្យភ្ញាក់ផ្អើលនេះ បានកើតមានឡើងនៅម៉ោងប្រមាណ ១យប់ រំលងអាធ្រាត្រឈានចូលថ្ងៃទី ១ ខែឧសភា ឆ្នាំ ២០២២។

ក្រោយកើតហេតុភ្លាមៗ កម្លាំងនរគរបាល នៃស្នងការដ្ឋាននគបាលខេត្តព្រះសីហនុ បានចុះអន្តរាគមន៍ ហើយចាប់ឃាត់ខ្លួនបក្សពួកជនសង្ស័យបានម្នាក់ ឈ្មោះ ជិន រដ្ឋា ភេទប្រុស យកទៅស្នងការដើម្បីសាកសួរអនុវត្តនីតិវិធី។ ដោយឡែកសាកសព យកទៅរក្សាទុកនៅមន្ទីរពេទ្យខេត្ត រង់ចាំធ្វើកោសល្យវិច័យ៕

អត្ថបទ៖ ស៊ុយ​ ចាន់ធា