Connect with us

សន្តិសុខសង្គម

ព័ត៌មានបន្ថែម ជុំវិញករណីបាញ់សម្លាប់បុរសម្នាក់ នៅចំណុចរង្វង់មូលតោពីរ ក្រុងព្រះសីហនុ

បានផុស

នៅ

បុរសម្នាក់ ត្រូវគេបាញ់សម្លាប់នៅវេលាម៉ោង ១២ និង ៤០នាទី រំលងអធ្រាត្រ ឈានចូលថ្ងៃទី ១ ឧសភា ឆ្នាំ ២០២២ នៅត្រង់ចំណុចរង្វង់មូលតោពីរ ស្ថិតនៅក្នុងសង្កាត់លេខ ៤ ក្រុងព្រះសីហនុ ខេត្តព្រះសីហនុ ដោយ​ករណី ត្រូវបានគេអះអាងថា ផ្តើមចេញពីរឿងទំនាស់ប៉ះសម្តីគ្នា បន្តិចបន្តួចប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមប្រភពព័ត៌មាន ពីមិត្តភក្ដិជនរងគ្រោះ បានឲ្យដឹងថា នៅមុនពេលកើតហេតុ ខ្លួន និងមិត្តភក្ដិ បាន​ជិះម៉ូតូចេញពីកន្ទុយនាគ ត្រឡប់ទៅកាន់គេហដ្ឋានវិញ ខណៈពេលធ្វើដំណើរតាមបណ្តោយផ្លូវ​ ដល់ចំណុច​កើតហេតុ ស្រាប់តែជនបង្កបានជិះម៉ូតូមកក្បែររូចហើយ ស៊ីផ្លេខ្លាំងៗ ពេលនោះខ្លូន ក៏ស៊ីផ្លេតបទៅវិញ ស្រាប់តែជនបង្កខឹង ក្នុងស្ថានភាពស្រវឹងផងនោះ ក៏បានចុះមកវាយខ្លួន និងមិត្តភក្ដិ។

ក្នុងពេលនោះខ្លួន និងមិត្តភក្ដិ បន្ទាប់ពីត្រូវជនបង្កវាយហើយ ក៏បានលើកដៃសំពះសុំទោសជនបង្ក ព្រមទាំងសុំ​យកម៉ូតូជិះទៅផ្ទះវិញ តែជនបង្កមិនអស់ចិត្ត បានដកកាំភ្លើងចេញមក បាញ់ទៅលើមិត្តភក្ដិ (ជនរងគ្រោះ ) ចំ​ច្រមុះបណ្តាលឲ្យស្លាប់ភ្លាមៗ នៅនឹងកន្លែងកើតហេតុតែម្តង។ ប្រភពដដែល បានបន្តថា ជនបង្កបាន​ជិះម៉ូតូ​ម៉ាក ភី ស៊ី អ៊ិច ពណ៌ខ្មៅ មិនចាំស្លាកលេខ ស្លៀកពាក់អាវយឺតពណ៌ខ្មៅ ខោខ្លីពណ៌ខ្មៅ ស្ថិត​ក្នុងស្ថាន​ភាព​ស្រវឹ​ង​ជោគជាំ។ បន្ទាប់ពីកើតហេតុភ្លាមៗ ជនបង្កបានជិះម៉ូតូរត់គេចខ្លួនបាត់។

ក្រោយពេលកើតហេតុ កម្លាំងសមត្ថកិច្ចជំនាញប្រចាំក្រុងព្រះសីហនុ បានចុះមកដល់ទីតាំងកើតហេតុ ព្រម​ទាំងបានរុំព័ទ្ធខ្សែរប្រតិបត្តិការណ៍ និងស្រាវជ្រាវភ្លាមៗ នៅជុំវិញទីតាំងកើតហេតុ។ ចំណែក​សពជន​រង​គ្រោះ​ត្រូវបានក្រុមគ្រូពេទ្យវិចខ្ចប់ យកទៅរក្សាទុកជាបណ្តោះអាសន្ន នៅមន្ទីរពេទ្យបង្អែកខេត្ត​ចំការ​ចេក ដើម្បីរង់ចាំ​ក្រុ​មគ្រួសារ​ជនរងគ្រោះ មកទទួលយកទៅបូជាតាមប្រពៃណី៕

អត្ថបទ៖ កោះពស់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៥ នាទី មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ៥៧ នាទី មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

ព័ត៌មានជាតិ១ ម៉ោង មុន

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អនុញ្ញាត​ឱ្យ​សេនានុព័ន្ធ​អង់គ្លេស​ចូល​ជួប​ណែនាំ​ខ្លួន និង​ពិភាក្សា​ការងារ

ជីវិតកម្សាន្ដ១ ម៉ោង មុន

ចាប់បានភស្តុតាងបញ្ជាក់ថា អនាគតស្ដេចស្រី អេស្ប៉ាញ ចាប់ចិត្តប្រតិព័ទ្ធកីឡាករ Gavi

ព័ត៌មានជាតិ២ ម៉ោង មុន

សាខា​កាកបាទក្រហមខេត្តកណ្តាល ចូលរួម​រំលែក​ទុក្ខ​ជាមួយ​គ្រួសារ​សព​ក្មេង៤​នាក់​ដែល​ស្លាប់ដោយ​លង់ទឹក​ស្រះ​

Sokha Hotels

ព័ត៌មានពេញនិយម