សន្តិសុខសង្គម
ចិញ្ចើមផ្លូវក្រុងតាខ្មៅស្ទើរលែងមាន ខណៈក្រុមអាជីវករយកធ្វើអាជីវកម្មប្រយោជន៍ផ្ទាល់ខ្លួន
បច្ចុប្បន្ន គេសង្កេតឃើញថា ចិញ្ចើមផ្លូវ សម្រាប់សិស្សានុសិស្ស និងប្រជាពលរដ្ឋធ្វើដំណើរមានសុវត្ថិភាព នៅក្រុងតាខ្មៅ ខេត្តកណ្ដាល ស្ទើរលែងមាន ដោយសារក្រុមអាជីវករមួយចំនួនបានយកចិញ្ចើមផ្លូវទាំងនោះធ្វើអាជីវកម្ម ជាប្រយោជន៍ផ្ទាល់ខ្លួន ខណៈអាជ្ញាធរអនុវត្តវិធានការចុះអប់រំរួច ក្រោយមកអ្វីៗត្រឡប់មកដដែលៗវិញ។
ប្រជាពលរដ្ឋ លើកឡើងថា ចិញ្ចើមផ្លូវជាផ្លូវសម្រាប់អ្នកថ្មើរជើង តាមបណ្តោយផ្លូវជាតិលេខ២ ចាប់ពីគល់ស្ពានព្រែកត្នោត រហូតដល់មុខមន្ទីរពេទ្យបង្អែកជ័យជំនះ លែងមានហើយ មានតែការតាំងលក់ចាប់ហួយ ម្ហូបអាហារ ម៉ូតូ យ៉ាងអនាធិបតេយ្យ។
ចំណែកផ្លូវមុខវិទ្យាល័យ ហ៊ុន សែន សេរីភាព វិញ ត្រូវបានក្រុមអាជីវករដាក់រទេះលក់ពេញចិញ្ចើមផ្លូវ ធ្វើឱ្យសិស្សានុសិស្សមិនមានផ្លូវដើរ ឬត្រូវចុះដើរមកផ្លូវធំ ដែលប្រឈមនឹងគ្រោះថ្នាក់បំផុត។ ជាមួយគ្នានេះ ផ្លូវលេខ២១ វិញ ចិញ្ចើមផ្លូវក៏លែងមានដែរ ដោយមានការតាំងលក់ម៉ូតូ និងទូរស័ព្ទពេញចិញ្ចើមផ្លូវ។ ចិញ្ចើមផ្លូវក្បែរមន្ទីរក្រសួងអប់រំ យុវជននិងកីឡា ខេត្តកណ្តាល វិញ សុទ្ធតែទូរលក់កាហ្វេ ដាក់លក់ពេញចិញ្ចើមផ្លូវ សម្រាប់ថ្មើរជើង។
អ្នកលក់ដូរបង្ហើបខ្លះៗថា ការដាក់តាំងលក់បែបនេះបាន ដោយសារក្រុមអាជីវករ បានបង់លុយឱ្យអាជ្ញាធរ សង្កាត់ក្រុងតាខ្មៅ ទើបលក់បាន មិនមែនចេះតែដាក់លក់បាននោះទេ។
ជុំវិញបញ្ហានេះ ភ្នាក់ងារព័ត៌មាន បានទាក់ទង លោក ជៀម ខូយ ចៅសង្កាត់តាខ្មៅ តែលោកឆ្លើយថា កំពុងរវល់ប្រជុំ រួចក៏បិទទូរស័ព្ទ។
ប្រជាពលរដ្ឋសង្ឃឹមថា មន្ត្រី និងអាជ្ញាធរពាក់ព័ន្ធ នឹងពិនិត្យ និងដោះស្រាយករណីនេះជូនសាធារណជនប្រកបដោយប្រសិទ្ធភាព៕
អត្ថបទ៖ ឆៃ យ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត