សន្តិសុខសង្គម

អាជ្ញាធរស្រុកព្រៃកប្បាសចុះជួយលើកផ្ទះពលរដ្ឋ ១៦២ ខ្នងរងគ្រោះដោយខ្យល់កន្ត្រាក់

បានផុស

៣ years មុន

នៅ

ថ្ងៃអង្គារ ៣១ ឧសភា ២០២២

ដោយ

លោក ញ៉ែម ស្រស់ អភិបាលស្រុកព្រៃកប្បាសដឹកនាំកម្លាំងចំណុះរដ្ឋបាលស្រុកពិនិត្យស្ថានភាពនិងជួយលើកផ្ទះរបស់បងប្អូនប្រជាពលរដ្ឋដែលរងគ្រោះដោយសារខ្យល់កន្រ្តាក់ចំនួន ១៦២ខ្នងផ្ទះកាលពីល្ងាចថ្ងៃទី ៣០ ម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយទទួលបានដំណឹងអំពីពលរដ្ឋដែលបានរងគ្រោះដោយខ្យល់កន្ត្រាក់ខូចខាតផ្ទះសំបែង នៅព្រឹកថ្ងៃទី៣១ ខែឧសភា ឆ្នាំ២០២២ លោក ញ៉ែម ស្រស់ អភិបាលស្រុកព្រៃកប្បាស រួមដំណើរដោយ លោកអភិបាលរងស្រុក លោកអធិការនគរបាលស្រុក លោកមេបញ្ជាការកងរាជអាវុធស្រុក លោកមេបញ្ជាការផ្នែកសឹករងស្រុក បានដឹកនាំកម្លាំងចុះពិនិត្យស្ថានភាព និងជួយលើកផ្ទះរបស់បងប្អូនប្រជាពលរដ្ឋដែលរងគ្រោះដោយសារគ្រោះមហន្តរាយខ្យល់កន្រ្តាក់ ស្ថិតនៅក្នុងឃុំបានកាម ស្រុកព្រៃកប្បាស ខេត្តតាកែវ។

ករណីគ្រោះមហន្តរាយដោយសារខ្យល់កន្រ្តាក់នេះ កើតឡើងវេលាម៉ោង ១៦ រសៀលថ្ងៃទី៣០ ខែឧសភា ឆ្នាំ២០២២ នៅទូទាំងស្រុកព្រៃកប្បាស បណ្តាលឲ្យមានការរលំផ្ទះ និងរបើកដំបូលផ្ទះ របស់បងប្អូនប្រជាពលរដ្ឋ ព្រមទាំងមានការខូចខាតទ្រព្យសម្បត្តជាច្រើនផងដែរ។

តាមការបញ្ចាក់ពីអាជ្ញាធរស្រុកព្រៃកប្បាសថា ពលរដ្ឋដែលរងគ្រោះដោយរលំផ្ទះទាំងស្រុងមានចំនួន២២ខ្នង របើកដំបូលមានចំនួន ១៤០ខ្នង ដោយឡែកមនុស្សរងរបួសចំនួន០៦នាក់ ក្នុងនោះរងរបួសធ្ងន់៣នាក់ និងរងរបួសស្រាល៣នាក់៕