សន្តិសុខសង្គម

យុវជនម្នាក់ ចង.កសម្លាប់ខ្លួន ក្រោយត្រលប់ពីភ្នំគូលែន ត្រូវឪពុកម្ដាយស្ដីបន្ទោស

បានផុស

៣ years មុន

នៅ

ថ្ងៃចន្ទ ៥ កញ្ញា ២០២២

ដោយ

យុវជនជានិស្សិតម្នាក់ ចង.កសម្លាប់ខ្លួននៅលើដើមក្នុងវាលស្រែ ដោយសារតូចចិត្តនឹងឪពុកម្តាយស្ដីបន្ទោស ក្រោយពីវិលត្រលប់ពីភ្នំគូលែន ខេត្តសៀមរាប។ ហេតុការណ៍ភ្ញាក់ផ្អើលខាងលើនេះ បានកើតឡើង នៅវេលាម៉ោង ៦ និង ៣០ ម៉ោងនាទីព្រឹក ថ្ងៃទី ០៥ ខែកញ្ញា ឆ្នាំ ២០២២ នៅក្នុងភូមិស្រែចាន ឃុំទួលខ្ពស់ ស្រុកទឹកផុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា យុវជនធ្វើអត្តឃាតខ្លួនខាងលើនេះមានឈ្មោះ ម៉ាន ម៉ាត់ ភេទប្រុស អាយុ ២០ ឆ្នាំ ជាជនជាតិខ្មែរឥស្លាម រស់នៅភូមិស្រែចាន ឃុំទួលខ្ពស់ ស្រុកទឹកផុស ខេត្តកំពង់ឆ្នាំង។ សមត្ថកិច្ចនគរបាលស្រុកទឹកផុសបានឲ្យដឹងថា នៅពេលសមត្ថកិច្ចជំនាញចុះទៅត្រួតពិនិត្យធ្វើកោសល្យវិច័យនៅកន្លែងកើតហេតុ បានពិនិត្យឃើញសាកសពប្រើខ្សែពណ៌ខ្មៅ ចង.កធ្វើអត្តឃាតសម្លាប់ខ្លួននៅនិងដើមឈើក្នុងស្រែ។

មូលហេតុដែលយុវជនខាងលើចង.កសម្លាប់ខ្លួន ក៏ព្រោះក្រោយពេលត្រឡប់មកពីភ្នំគូលែនខេត្តសៀមរាប វិញនៅថ្ងៃទី ០៤ ខែកញ្ញា ត្រូវឪពុកម្តាយ និងក្រុមគ្រួសាររបស់ខ្លួនស្តីបន្ទោស និងដោយមានការតូចចិត្ត ទើបព្រឹកឡើងគេបានទៅចង.ក សម្លាប់ខ្លួននៅក្នុងវាលស្រែ។ ក្រោយធ្វើកោសល្យវិច័យសាកសព ត្រូវបានសមត្ថកិច្ចមូលដ្ឋានធ្វើកំណត់ហេតុ ប្រគល់ជូនក្រុមគ្រួសារ ទទួលយកទៅធ្វើបុណ្យតាមប្រពៃណី៕

អត្ថបទ៖ ឈៀងថារិទ្ធ