សន្តិសុខសង្គម
យុវជនម្នាក់ដើរដាក់បង្កៃតាមវាលស្រែ ត្រូវក្រពើខាំ បណ្តាលឲ្យរបួសជើងនៅស្រុកជីក្រែង
សៀមរាប ៖ យុវជនម្នាក់ត្រូវបានសត្វក្រពើខាំ បណ្តាលឲ្យរបួសជើង ខណៈកំពុងដើរដាក់បង្កៃតាមវាលស្រែ។ ហេតុការណ៍នេះកើតឡើងនៅ១យប់ឈានចូលថ្ងៃទី១២ ខែតុលា ឆ្នាំ២០២២នៅភូមិច្រាំងខ្ពស់ ឃុំកំពង់ក្តី ស្រុកជីក្រែង ខេត្តសៀមរាប។
សមត្ថកិច្ចស្រុកជីក្រែង បានឲ្យដឹងថា ក្រុមការងារចុះដល់ផ្ទះជនរងគ្រោះឈ្មោះជួន សំណាង ភេទប្រុស អាយុ២៧ឆ្នាំ ក្នុងករណីកើតហេតុខាងលើ និងបានសាកសួរផ្ទាល់ពីជនរងគ្រោះ។
សមត្ថកិច្ចបន្ថែមថា ពិតជាត្រូវបានទៅដាក់បង្កៃនៅចំណុចវាលស្រែលិចទឹកជំនន់ជម្រៅ០,៥ម៉ែត្រម្តុំខាងកើតប្រឡាយខ្នាត ខាងត្បូងផ្លូវជាតិ៦ ភូមិពោធិសិរី ឃុំកំពង់ក្តី ស្រុកជីក្រែង ខេត្តសៀមរាប។ សត្វក្រពើនោះមានទម្ងន់៣០គីឡូក្រាមប្រវែងប្រហែល២ម៉ែត្រ។
សមត្ថកិច្ចបញ្ជាក់ថា សត្វក្រពើខាំចំជើងខាងស្តាំ ហើយពេលនោះជនរងគ្រោះនិងមនុស្ស៤នាក់ទៀតបានជួយគ្នាក៏បានយកផ្គាក់កាប់វាយទៅលើសត្វក្រពើឲ្យស្លាប់នៅកន្លែងកើតហេតុទាំងម្តង។
បច្ចុប្បន្នជនរងគ្រោះកំពុងសម្រាកព្យាបាលនៅមណ្ឌលសុខភាព។រីឯសត្វក្រពើត្រូវបានអ្នកភូមិនាំគ្នាយកទៅចម្អិន។ នេះជាគំរូមួយសម្រាប់ពលរដ្ឋទាំងអស់ដែលទៅដាក់បង្កៃយកត្រីនៅពេលយប់ត្រូវបង្កើនការប្រុងប្រយ័ត្នដើម្បីជៀសផុតពីគ្រោះថ្នាក់ដោយសារសត្វកាចសាហាវ៕
ដោយ ៖ កុសល
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង