សន្តិសុខសង្គម
លំអិតករណីវាយសម្លាប់ប្លន់ទ្រព្យសម្បត្តិស្ត្រីម្នាក់ទាំងព្រឹក ខណៈទៅមើលទឹកស្រែ
ស្ត្រីចំណាស់ម្នាក់ ត្រូវបានគេប្រទះឃើញដេកស្លាប់នៅវាលស្រែ ក្បែរមាត់ស្រះទឹក មានស្លាកស្នាម ដាច់រហែកខោអាវ ទាំងក្នុងទាំងក្រៅ បាត់អស់គ្រឿងអលង្ការ និងលុយជាប់តាមខ្លួន បង្កឲ្យភ្ញាក់ផ្អើល កាលពីវេលាម៉ោង ៨ និង ៣០ នាទីព្រឹក ថ្ងៃទី ១៤ ខែវិច្ឆិកា ឆ្នាំ ២០២២ នាវាលស្រែក្នុងភូមិក្រាំង សង្កាត់ទៀន ខណ្ឌដង្កោ រាជធានីភ្នំពេញ។
សពជនរងគ្រោះមានឈ្មោះ ម៉ៅ អ៊ិត ភេទស្រី អាយុ ៥២ ឆ្នាំ មុខរបរកសិករ រស់នៅភូមិក្រាំង សង្កាត់ទៀន ខណ្ឌដង្កោ រាជធានីភ្នំពេញ។ សម្ភារៈបាត់បង់ ចិញ្ចៀនមាស ៣ ជី ក្រវិល ១ ជី ខ្សែក ១ ខ្សែ និងលុយ ៤០ ម៉ឺនរៀល។
តាមក្រុមគ្រួសារបានឲ្យដឹងថា ជនរងគ្រោះ តែងតែភ្ញាក់ពីព្រលឹមទៅមើលស្រែចម្ការ ហើយកាលពីថ្ងៃទី ១៣ ខែវិច្ឆិកា ឆ្នាំ ២០២២ គាត់បានសាបស្រូវនៅវាលស្រែរួចរាល់។ លុះយប់ឡើងមានភ្លៀងធ្លាក់ នឹកខ្លាចលិចទីសាប ទើបនៅព្រលឹមថ្ងៃទី ១៤ ខែវិច្ឆិកា ឆ្នាំ ២០២២ ជនរងគ្រោះភ្ញាក់ពីព្រលឹម ដើរទៅមើលទឹកស្រែ ដោយដាក់លុយចំនួន ៤០ ម៉ឺនរៀល តាមខ្លួន បម្រុងសម្រាប់ទិញជីបាចស្រូវផង។
ប្រភពបន្តទៀតថា ជនរងគ្រោះមុនចាកចេញទៅ ក៏បានប្រាប់ប្តី កូនចៅផងដែរថា ទៅមើលវាលស្រែ ។ លុះបាត់យូរពេក មិនឃើញជនរងគ្រោះវិលមកផ្ទះ ទើបក្រុមគ្រួសារទៅតាមហៅរកនៅចំណុចវាលស្រែរបស់ខ្លួន ស្រាប់តែប្រទះឃើញដេកស្លាប់ទៅវិញ ដោយមានស្នាមមុតក្រចកលើដៃជើង ខ្លួន ដាច់រហែកខោអាវ ទាំងក្នុងទាំងក្រៅ អស់គ្រឿងអលង្ការ លុយកាក់ បង្កឲ្យភ្ញាក់ផ្អើល សង្ស័យជាករណីវាយសម្លាប់ប្លន់យកទ្រព្យសម្បត្តិ ហើយរាយការណ៍ប្រាប់សមត្ថកិច្ចចុះពិនិត្យ ខណៈដែលជនដៃដល់គេចខ្លួនបាត់។
សពស្ត្រីរងគ្រោះ ត្រូវបានកម្លាំងសមត្ថកិច្ច ចុះទៅពិនិត្យកោសល្យវិច័យ ឃើញមានស្នាមរបួសលើខ្លួន ក ដៃជើង ជាករណីវាយសម្លាប់យកទ្រព្យសម្បត្តិ រួចប្រគល់ជូនក្រុមគ្រួសារដឹកយកទៅធ្វើបុណ្យតាមប្រពៃណី និងបន្តស្រាវជ្រាវ ស្វែងតាមចាប់ខ្លួនជនដៃដល់៕
អត្ថបទ ៖ សុខា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»