Connect with us

សន្តិសុខសង្គម

ឃាត់ខ្លួនអ្នកសារព័ត៌មានម្នាក់ ក្រោយប្រើហិង្សាលើស្រីស្នេហ៍

បានផុស

នៅ

អ្នកសារព័ត៌មាន​អន​ឡាញ​ម្នាក់ ត្រូវ​បាន​កម្លាំង​នគរបាល​ស្រុក​គីរីវង់ ឃាត់ខ្លួន​កសាង​សំណុំរឿង​បញ្ជូន​ទៅកាន់​ការិយាល័យ​ព្រហ្មទណ្ឌ​កម្រិត​ស្រាល​ខេត្ត ដើម្បី​ចាត់ការ​បន្ត ក្រោយ​ធ្វើ​សកម្មភាព​វាយ​ទៅ​លើ​ស្រី​កំណាន់ចិត្ត​របស់​ខ្លួន បណ្ដាល​ឲ្យ​រង​របួស​យ៉ាង​ធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍​នេះ​បាន​កើតឡើង​កាលពី​ថ្ងៃ​ទី ១២ ខែ​ធ្នូ ឆ្នាំ ២០២២ វេលា​ម៉ោង ០៨ និង ០៥ នាទី​ព្រឹក ក្នុង​ភូមិ​ពោធិ៍ ឃុំ​ព្រះបាទ​ជាន់ជុំ ស្រុក​គីរីវង់ ខេត្ត​តាកែវ។

លោក យ៉ាង តារា អធិការរង​នគរបាល​ស្រុក​គីរីវង់ បាន​ឲ្យ​ដឹង​ថា លោក​បាន​ដឹកនាំ​កម្លាំង សហការ​ជាមួយ​កម្លាំង​ប៉ុស្តិ៍​នគរបាល​រដ្ឋបាល​ព្រះបាទ​ជាន់ជុំ ចុះ​ឃាត់ខ្លួន​ជនសង្ស័យ​ម្នាក់ ឈ្មោះ កែម ចន ភេទ​ប្រុស អាយុ ៤៥ ឆ្នាំ មុខរបរ អ្នកសារព័ត៌មាន ច​ន​ធី​វី​អន​ឡាញ ករណី​ប្រើ​ហិង្សា​លើ​ស្រី​កំណាន់​របស់​ខ្លួន ចំណុច​កែង​ជុំ​មិត្ត ស្ថិតនៅ​ភូមិ​ពោធិ៍ ឃុំ​ព្រះបាទ​ជាន់ជុំ ស្រុក​គីរីវង់ ខេត្ត​តាកែវ។

លោក​អធិការរង​បាន​បន្ត​ទៀត​ថា ក្រោយពេល​កើតហេតុ​កម្លាំង​លោក​បាន​ឃាត់ខ្លួន​ជនសង្ស័យ​យក​មក​ប៉ុស្តិ៍​រដ្ឋបាល។ ជនសង្ស័យ​នៅតែ​ថត​ឡាយ​ក្នុង​ប៉ុស្តិ៍​រដ្ឋបាល និង​ដេញ​វាយ​ស្រី​ស្នេហ៍​នៅ​ក្នុង​ប៉ុស្តិ៍​ថែម​ទៀត រួច​ក៏​រត់​មក​ដល់​ផ្សារ​ទន្លាប់​ថ្មី​នៅ​វេលា​ម៉ោង ១៤ រសៀល។ ដោយឡែក​ស្ត្រី​រងគ្រោះ​មាន​ឈ្មោះ សុខ ចន្ថា ភេទ​ស្រី អាយុ ៣៨ ឆ្នាំ រស់នៅ​ភូមិ​-​ឃុំ​កើតហេតុ​ខាងលើ ត្រូវ​បាន​ជនសង្ស័យ​ប្រើ​ហិង្សា​បណ្ដាល​ឲ្យ​រង​របួស ដាច់​រលាត់​លើ​ដើមទ្រូង របួស​ជាំ​ភ្លៅ​ខាងឆ្វេង របួស​ដាច់​រលាត់​ស្មា​ខាង​ឆ្វេង​ចំនួន ៣ កន្លែង និង​របួស​ដាច់​រលាត់​ក្រោម​ថ្ពាល់​ខាងឆ្វេង។

ចំពោះ​មូលហេតុ នៃ​រឿង មកពី​ជនសង្ស័យ ឈ្មោះ កែម ច​ន បាន​ប្រចណ្ឌ​ស្រី​កំណាន់​ចិត្ត​របស់​ខ្លួន។ នៅ​ចំពោះ​មុខ​នគរបាល​ស្រុក ជនសង្ស័យ​ឈ្មោះ កែម ច​ន បាន​និយាយ​សារភាព​ថា រូបគេ​ពិតជា​បាន​ធ្វើ​សកម្មភាព​វាយ​នារី​កំណាន់​ពិតប្រាកដ​មែន។

បច្ចុប្បន្ន ជនសង្ស័យ​ត្រូវ​បាន​សមត្ថកិច្ច​ស្រុក​គីរីវង់ កសាង​សំណុំរឿង​ដើម្បី​បញ្ជូន​ទៅ​សាលាដំបូង​ខេត្ត​ចាត់ការ​តាមច្បាប់​នៅ​រសៀល​ថ្ងៃ​ទី ១៣ ខែ​ធ្នូ ឆ្នាំ ២០២២ នេះ៕

អត្ថបទ ៖ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម