សន្តិសុខសង្គម
ឃាត់ខ្លួនជនជាតិចិន ៤នាក់ និងខ្មែរម្នាក់ សង្ស័យពាក់ព័ន្ធករណីរកឃើញគ្រាប់បែកមួយគ្រាប់ នៅមុខណាហ្គាវើលដ៍
សមត្ថកិច្ច បានឃាត់ខ្លួនជនសង្ស័យ ជាជនជាតិចិនចំនួន ៤នាក់ និងជនជាតិខ្មែរម្នាក់ ពាក់ព័ន្ធនឹងករណីរកឃើញគ្រាប់បែកមួយគ្រាប់ នៅមុខក្រុមហ៊ុនណាហ្គាវើលដ៍ កាលពីព្រឹកព្រលឹមថ្ងៃទី ១៥ ខែធ្នូ ឆ្នាំ ២០២២។
បើតាមសមត្ថកិច្ច បានឲ្យដឹងថា កម្លាំងអធិការដ្ឋាននគរបាលខណ្ឌចំការមន សហការជាមួយកម្លាំងនាយកដ្ឋាននគរបាលព្រហ្មទណ្ឌក្រសួងមហាផ្ទៃ បានឃាត់ខ្លួនជនសង្ស័យទាំង ៥នាក់នោះ នៅវេលាម៉ោង ៧ និង ៣០នាទី ថ្ងៃទី ១៥ ខែធ្នូ ឆ្នាំ ២០២២ ត្រង់ចំណុចផ្ទះលេខ ១៩ បុរីប៉េងហួត បឹងស្នោរ ផ្លូវM-០២ សង្កាត់និរោធ ខណ្ឌច្បារអំពៅ រាជធានីភ្នំពេញ។ ជនសង្ស័យទាំង ៥នាក់នោះ រួមមាន៖
ទី១៖ ឈ្មោះ YANG JIAKANG ភេទប្រុស អាយុ ២៦ឆ្នាំ ជនជាតិចិន (អ្នកបើករថយន្ត)។
ទី២៖ ឈ្មោះ TU LINAN ភេទស្រី អាយុ ២៣ឆ្នាំ ជនជាតិចិន។
ទី៣៖ ឈ្មោះ YANG YUDONG ភេទប្រុស អាយុ ២៥ឆ្នាំ ជនជាតិចិន។
ទី៤៖ ឈ្មោះ CHEN DI ភេទប្រុស អាយុ ២៩ឆ្នាំ ជនជាតិចិន។
ទី៥៖ ឈ្មោះ សួង ស្រីអូន ភេទស្រី អាយុ ៣៦ឆ្នាំ ជនជាតិខ្មែរ។
ចំពោះវត្ថុតាងដែលចាប់យកបានរួមមាន៖ រថយន្ត ១គ្រឿងម៉ាក LANG ROVER DEFENDER ពណ៌ស្លែ សេរីឆ្នាំ ២០២១ ពាក់ផ្លាកលេខ កម្ពុជា-LC.9888។ ក្រោយពីឃាត់ខ្លួនបានជនសង្ស័យទាំង ៥នាក់ និងវត្ថុតាងពាក់ព័ន្ធ ត្រូវបានបញ្ជូនទៅកាន់នាយកដ្ឋាន នគរបាលព្រហ្មទណ្ឌក្រសួងមហាផ្ទៃ ចាត់ការបន្តតាមច្បាប់។
គួររំលឹកថា កាលពីព្រឹកព្រលឹម ថ្ងៃទី ១៥ ខែធ្នូ ឆ្នាំ ២០២២ មានការប្រទះឃើញគ្រាប់បែកបង្កៃមួយគ្រាប់ ដែលប្រឡាក់ដោយនំខេក នៅចំណុចក្រុមហ៊ុនណាហ្គាវើល២ តាមផ្លូវរដ្ឋសភា សង្កាត់ទន្លេបសាក់ ខណ្ឌចំការមន រាជធានីភ្នំពេញ។
សមត្ថកិច្ច បានឲ្យដឹងថា បុគ្គលិកក្រុមហ៊ុនស៊ិនទ្រី ជាអ្នកប្រទះឃើញគ្រាប់បែក នៅក្នុងថង់ពណ៌សមួយ នៅខាងមុខក្រុមហ៊ុនណាហ្គាវើលដ៍។ បន្ទាប់មក ក៏បានរាយការណ៍ជូនសន្តិសុខក្រុមហ៊ុននេះ ហើយក៏បានប្តឹងបន្តទៅកាន់នគរ បាល។ បន្ទាប់មកទៀត មន្ត្រីជំនាញ ក៏បានរៀបចំបំផ្ទុះចោលនៅនឹងកន្លែងតែម្ដង។ មន្ត្រីជាន់ខ្ពស់ក្រសួងមហាផ្ទៃ បានអះអាថា ជនបង្កៃគ្រាប់បែក គឺជាជនជាតិចិន ហើយករណីនេះ មិនមែនរឿងនយោបាយ ឬភេរវកម្មអ្វីនោះទេ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ