សន្តិសុខសង្គម

អគ្គិភ័យឆាបឆេះអគារកាស៊ីណូ ក្រុងប៉ោយប៉ែត មានមនុស្សជាប់គាំងនៅលើអគារ

បានផុស

១ year មុន

នៅ

ថ្ងៃព្រហស្បតិ៍ ២៩ ធ្នូ ២០២២

ដោយ

នាយកដ្ឋាននគរបាលបង្ការពន្លត់អគ្កិភ័យ និងសង្គ្រោះ នៃអគ្គស្នងការនគរបាលជាតិ នៅថ្ងៃទី២៩ ខែធ្នូ ឆ្នាំ២០២២នេះ បានឱ្យដឹងថា មានអគ្គីភ័យឆាបឆេះអគារកាស៊ីណូ Grand Diamond City ក្រុងប៉ោយប៉ែត ខេត្តបន្ទាយមានជ័យ ដោយមានមនុស្សជាប់គាំងនៅលើអគារ និងលោតទម្លាក់ពីលើអគារ។ អាជ្ញាធរសមត្ថកិច្ចខ្មែរថៃកំពុងអន្តរាគមន៍ជួយសង្គ្រោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីអគ្គីភ័យឆាបឆេះអគារកាស៊ីណូនេះ កើតហេតុនៅវេលាម៉ោង ១១:៤០ នាទីយប់ ថ្ងៃទី២៨ ខែធ្នូ ឆ្នាំ២០២២។ អគ្គីភ័យនេះ នៅមិនទាន់អាចពន្លត់បាន ដោយសារស្ថានភាពអគារខ្ពស់ និងឆេះពីផ្នែកខាងក្នុងអគារ ដែលមានមនុស្សបក់ដៃ ស៊ីញូភ្លើងទូរសព្ទ តាមបង្អួច ស្រែករកជំនួយពីជាន់ទី១៣ ១៤ ១៥ និងអគារលើដំបូល។

ទោះជាយ៉ាងណា កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ សមត្ថកិច្ចអាជ្ញាធរទាំងភាគីកម្ពុជា និងក្រុមការងារជំនាញថៃ ប្រឹងប្រែងបំពាក់ឧបករណ៍ ដើម្បីជួយសង្គ្រោះនៅទីកន្លែងកេីតហេតុផ្ទាល់។

មកទល់ម៉ោង ០៧:០០ នាទីព្រឹក ថ្ងៃទី២៩ ខែធ្នូ ឆ្នាំ២០២២ នេះ ករណីអគ្គិភ័យឆាបឆេះអគារកាស៊ីណូ Grand Diamond City ក្រុងប៉ោយប៉ែត ខេត្តបន្ទាយមានជ័យ នៅមិនទាន់រលត់ជាស្ថាពរនៅឡើយទេ។ កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះ កំពុងតែជួយអន្តរាគមន៍ពន្លត់យ៉ាងយកចិត្តទុកដាក់ជាមួយភាគីខាងប្រទេសថៃដែលជាប់ព្រំដែនជាមួយភាគីប្រទេសកម្ពុជា។ “កម្ពុជាថ្មី” នឹងជូនដំណឹងលម្អិតបន្ថែមបន្តទៀត៕