អាណាព្យាបាលសាមណេរដែលរងការប្រើអំពើហិង្សានៅវត្តទ្រព្យគរ ទទួលបាលអំណោយមនុស្សធម៌ពីសប្បុរសជន

តាមរយៈលោក ម៉ៅ ស៊ីថា សម្ភារៈគ្រឿងឧបភោគបរិភោគ និងបច្ច័យមួយចំនួនត្រូវបានយកទៅប្រគេននេនតូចដែលរងគ្រោះដោយអំពើហិង្សាកាលពីប៉ុន្មានថ្ងៃមុន នៅវត្តទ្រព្យគរ ភូមិត្រគៀត ឃុំត្រពាំងសាប ស្រុកបាទី ខេត្តតាកែវ។

ដោយមានការអាណិតអាសូរនេនតូចដែលរងគ្រោះដោយអំពើហិង្សា បែកព្រះកេសយ៉ាងធ្ងន់ធ្ងរ ដែលបង្ករឡើងដោយអតិតគ្រូសូត្រឆ្វេងកាលពីទី២៥ ខែមករា ឆ្នាំ២០២៣ នៅព្រឹកថ្ងៃទី៣០ ខែមករានេះ តាមរយៈលោក ម៉ៅ ស៊ីថា បាននាំយកសម្ភារៈឧបភោគបរិភោគនិងបច្ច័យមួយចំនួនដែលជាអំណោយបានមកពីសប្បុរសជននានាទៅជូនដល់អាណាព្យាបាលនេនតូចដើម្បីព្យាបាលរបួស និងប្រើប្រាស់ប្រចាំថ្ងៃ។

សូមរំលឹកឮថា កាលពីថ្ងៃទី២៥ ខែមករា ឆ្នាំ២០២៣ នៅវត្តទ្រព្យគរ ស្ថិតនៅភូមិត្រគៀត ឃុំត្រពាំងសាប ស្រុកបាទី នេនតូចមួយអង្គដែលមានព្រះនាម ពេជ្រ សាវុធ ព្រះជន្ម១៤វស្សា ត្រូវបានជនសង្ស័យឈ្មោះ នួន ឆានី អតិតជាគ្រូសូត្រឆ្វេង បានយកចានបាយថ្មវាយ និងគប់ទៅលើបណ្តាលឲ្យរងរបួសត្រង់ព្រះកេសយ៉ាងធ្ងន់ធ្ងរ ក្នុងទំនាស់ពាក្យសម្តីតិចតួច។ ក្រោយកើតហេតុសង្ឃបង្កត្រូវបានគណៈសង្ឃខេត្តផ្សឹក និងបញ្ជូនសំណុំរឿងទៅសាលាដំបូងខេត្តតាកែវ ចាត់ការបន្តតាមនីតិវិធី៕

អត្ថបទ៖ វីរៈ