សន្តិសុខសង្គម
ដោយសារភ្លើងប្រចណ្ឌ ជិះយន្ដហោះមកពីអាមេរិក សម្លាប់ប្រពន្ធច្រកចូលក្នុងវ៉ាលិស
ដោយសារតែភ្លេីងប្រចណ្ឌប្តីជាអាណិកជនមកពីប្រទេសអាមេរិកសម្លាប់ប្រពន្ធច្រកចូលក្នុងវ៉ាលិសត្រូវកូនស្រីតូចរត់ចេញពីក្នុងផ្ទះស្រែកឲ្យអ្នកជិតខាងជួយបង្កការភ្ញាក់ផ្អេីលកាលពីវេលាម៉ោង១០ព្រឹក ថ្ងៃទី២៤ ខែកុម្ភៈ ឆ្នាំ២០២៣ នៅក្នុងបុរី KC ផ្ទះលេខA11 ភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ បន្ទាប់មកជនដៃដល់បានគេចខ្លួនបាត់។
ជនរងគ្រោះឈ្មោះ កែវ ស្រីមុំ អាយុ៣២ឆ្នាំ មុខរបរសាឡន ស្នាក់នៅកន្លែងកេីតហេតុ ចំណែកជនដៃដល់ជាប្តីឈ្មោះមូល ណេត អាយុ៦៣ឆ្នាំ ជាអាណិកជនខ្មែររស់នៅប្រទេសអាមេរិក និងមានកូនស្រីអាយុ៥ឆ្នាំជាចំណងដៃ។
តាមសម្តីក្មេងស្រីជាកូនជនរងគ្រោះបានឲ្យដឹងថា ឪពុករបស់ខ្លួនរស់នៅឯប្រទេសអាមេរិក ហេីយក៏មិនដឹងថាមកស្រុកខ្មែរតាំងពីពេលណានោះទេ ស្រាប់តែថ្ងៃកេីតហេតុវេលាម៉ោង៧និង៣០នាទីព្រឹកក៏ជិះម៉ូតូមកដល់ផ្ទះ ហេីយបានចាក់សោខាងក្នុងឈ្លោះប្រកែកជាមួយម្តាយខ្លួន និងវាយរួចយកខ្សែភ្លេីងឆក់រហូតលែងដឹងខ្លួន ហេីយបានច្រកដាក់ចូលក្នុងវ៉ាលិសតែម្តង មិនត្រឹមតែប៉ុណ្ណោះឪពុកក៏វាយធ្វេីបាបខ្លួនមិនឲ្យស្រែកប្រាប់នរណានោះទេ។ ដោយឃេីញដូចនេះក្មេងស្រីក៏លួចរត់ចេញមកក្រៅឲ្យអ្នកជិតខាងជួយដែរតែមិនមានអ្នកជួយទេីបខលហៅម៉ាក់អ៊ុំឲ្យមកជួយតែម្តង។
តាមប្រភពព័ត៌មានពីបងស្រីជនរងគ្រោះបានឲ្យដឹងថា ក្រោយពីក្មួយស្រីរបស់គាត់ដែលត្រូវជាកូនស្រីជនរងគ្រោះបានទូរស័ព្ទប្រាប់ថា «ម៉ាក់អ៊ុំជួយផង ប៉ាមកវាយម៉ាកបែកឈាមពេញខ្លួន» ពេលនោះគាត់ក៏មកមេីលក៏ឃេីញប្តីកំពុងច្រកប្រពន្ធដាក់ក្នុងវ៉ាលិសបាត់ទៅហេីយ ទេីបស្រែកហៅអ្នកជិតខាងឲ្យជួយ និងរាយការណ៍ទៅសមត្ថកិច្ចចុះអន្តរាគមន៍ តែភ្លាមៗនោះជនដៃដល់បានជិះម៉ូតូគេចខ្លួនបាត់ទៅហេីយ។
បច្ចុប្បន្នសមត្ថកិច្ចកំពុងពិនិត្យកោសល្យវិច្ចយលេីសព និងកំពុងស្រាវជ្រាវតាមចាប់ជនដៃដល់យកមកដាក់ទោសតាមច្បាប់៕
អត្ថបទ៖ សុខា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ