ស្នងការខេត្តកំពតចាប់ផ្ដើមប្រតិបត្តិការស្វែង​រកជនរងគ្រោះម្នាក់ទៀតដែលបាត់ខ្លួននៅជ្រោះ​ឪម៉ាល់

លោកឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនៃស្នងការដ្ឋាននគរបាលខេត្តកំពត នៅព្រឹកថ្ងៃទី៣១ ខែកក្កដា នេះ បានបន្តប្រតិបត្តិការដឹកនាំកម្លាំងចុះស្វែងរកជនរងគ្រោះម្នាក់ទៀតដែលបាត់ខ្លួននៅជ្រោះឪម៉ាល់កាលពីយប់ថ្ងៃទី​៣០កក្កដា ខណៈប្រតិបត្តិការកាលពីម្សិលមិញពេញមួយថ្ងៃ និងរកឃើញជនរងគ្រោះពីរនាក់ស្លាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីលោកលោកឧត្ដមសេនីយ៍ទោស្នងការខេត្តកាលពីថ្ងៃទី៣០ ខែកក្កដា ម្សិលមិញនេះ អ្នកទេសចរទៅបោះតង់នៅកោះឪម៉ាល់មានចំនួន៥៣នាក់ ត្រូវបានសមត្ថកិច្ចសង្គ្រោះ ខណៈ២នាក់បានស្លាប់ ក្នុងនោះសមត្ថកិច្ចបានរកឃើញសាកសពម្នាក់ និងម្នាក់ទៀតបានបាត់ខ្លួនដោយសារទឹកហូរគួចចំកន្លែងបោះតង់។

លោកបញ្ជាក់ថា «ពួកគាត់បោះតង់គេងដល់ម៉ោង៤ ភ្លៀងធ្លាក់ ដល់ពេលចឹងទឹកហូរធ្លាក់ពីភ្នំបុកចំកន្លែងពួកគាត់បោះ​តង់»។

សូមបញ្ជាក់បន្ថែមថា បើតាមការបញ្ជាក់ពីលោកឧត្ដមសេនីយ៍ទោស្នងការខេត្ត នៅយប់ថ្ងៃទី៣០ ខែកក្កដា ឆ្នាំ២០២៣​ ភ្លៀងនៅតែបន្តធ្លាក់ដែលធ្វើឲ្យមានការលំបាកក្នុងការស្វែងរកជនរងគ្រោះ តែទោះជាយ៉ាងណានៅព្រឹកថ្ងៃទី៣១កក្កដានេះ ប្រតិបត្តិការនឹងបន្តរហូតរកជនរងគ្រោះឃើញ៕

អត្ថបទ៖ សុខុម