សន្តិសុខសង្គម
បង្ក្រាបទីតាំងឪសថស្ថានមួយកន្លែងលួចចែកចាយវ៉ាក់សាំងក្លែងក្លាយជាង ៣៥០ប្រអប់
កម្លាំងសមត្ថកិច្ចជំនាញនៃនាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ បានសហការជាមួយសមត្ថកិច្ចមូលដ្ឋាន និងមន្ទីរសុខាភិបាលរាជធានីភ្នំពេញ បានចុះបង្ក្រាបទីតាំងឪសថស្ថានមួយកន្លែង យីហោ «ពន្លឺបឹងត្របែក» ករណីលក់ចែកចាយវ៉ាក់សាំងម៉ាក Abhayarab ខុសច្បាប់។
ប្រតិបត្តិការចុះបង្ក្រាបនេះបានធ្វើឡើងកាលពីថ្ងៃទី០៤ ខែកញ្ញា ឆ្នាំ២០២៣ នៅចំណុចផ្ទះលេខ ២២-២៣ ផ្លូវលេខ៩៩ សង្កាត់បឹងត្របែក ខណ្ឌចំការមន រាជធានីភ្នំពេញ ។
យោងតាមរបាយការណ៍របស់អគ្គស្នងការដ្ឋាននគរបាលជាតិបានឲ្យដឹងថា ក្រោយពីការឆែកឆេរត្រួតពិនិត្យជាក់ស្តែង សមត្ថកិច្ចបានរកឃើញ និងដកហូតវ៉ាក់សាំងម៉ាក Abhayarab ខុសច្បាប់ចំនួន៣៥១ប្រអប់ និងបាននាំខ្លួនម្ចាស់ទីតាំងយកមកសារសួរបំភ្លឺនៅនាយកដ្ឋាននគរបាលប្រឆាំងបទល្មើសសេដ្ឋកិច្ច ដើម្បីបន្តនីតិវិធី។
របាយការណ៍បញ្ជាក់ថា ប្រតិបត្តិការនេះធ្វើឡើងតាមពាក្យបណ្តឹងរបស់ក្រុមហ៊ុន ឌីភីហ្វាម៉ាខូអិលធីឌី ដែលទទួលបានសិទ្ធិចែកចាយស្របច្បាប់តែមួយគត់នៅកម្ពុជានូវប្រភទវ៉ាក់សាំង Abhayarab នេះ។
អ្នកជំនាញ បានលើកឡើងថា វ៉ាក់សាំងជំងឺឆ្កែឆ្កួតនេះ គឺប្រភេទ Abhayrab សម្រាប់ចាក់លើមនុស្ស ក្រោយពេលមានសត្វខាំឬខ្វាច ហើយវ៉ាក់សាំងនេះ ត្រូវទុកដាក់នៅក្រោមសីតុណ្ហភាពត្រជាក់ចន្លោះពី 2អង្សារទៅ8អង្សារសេ ប៉ុន្តែសម្រាប់ឱសថស្ថាននេះវិញបែរជាដាក់តាំងលក់មិនត្រឹមត្រូវ មិនស្របតាមស្តង់ដាររបស់ក្រុមហ៊ុន ដូច្នេះវាគ្រោះថ្នាក់ដល់ជីវិត សម្រាប់អ្នកដែលចាក់វ៉ាក់សាំងនេះ។
បើតាមតំណាងក្រុមហ៊ុន ឌីភីហ្វាម៉ា ដែលនាំចូលវ៉ាក់សាំងប្រភេទនេះ បានប្រាប់សារព័ត៌មានឱ្យដឹងថា វ៉ាក់សាំងជំងឺឆ្កែឆ្កួត គឺសម្រាប់ចាក់ការពារ នៅក្រោយពេលមានសត្វឆ្កែ ឆ្មា ឬស្វា ខាំ ឬខ្វាច ។ ជំងឺឆ្កែឆ្កួតនេះ មិនទាន់មានប្រទេសណា រកឃើញថ្នាំព្យាបាលនៅឡើយទេ ហើយបើសិនជាយកវ៉ាក់សាំងក្លែងក្លែង អត់មានប្រសិទ្ធភាពមកចាក់ គឺវានឹងបង្កគ្រោះថ្នាក់ដល់អាយុជីវិត ។
តំណាងក្រុមហ៊ុនក៏បានប្រាប់ពីវិធីសម្គាល់ វ៉ាក់សាំងពិត និងវ៉ាក់សាំងក្លែងក្លាយ ដូច្នេះថា «វ៉ាក់សាំងពិតមានប្រអប់វែង មានលេខបញ្ជិកាត្រឹមត្រូវនៅលើប្រអប់ ហើយនៅក្នុងប្រអប់មានទឹកថ្នាំវ៉ាក់សាំង មានសំឡី មានសឺរ៉ាំង និងម្ជុលស្រាប់ ពោលគឺ ពលរដ្ឋអាចទិញហើយយកទៅចាក់ដោយខ្លួនឯងក៏បាន ។ សម្រាប់វ៉ាក់សាំងក្លែងក្លាយ ដែលរឹបអូសបានពីឱសថស្ថាននេះ មានប្រអប់រាងតូច ការ៉េ៤ជ្រុង មិនមានលេខបញ្ជិកា ហើយក្នុងប្រអប់វិញមានតែទឹកថ្នាំប៉ុណ្ណោះ មិនមានសំឡី មិនមានសឺរ៉ាំង និងម្ជុលនោះទេ។
សមត្ថកិច្ចក៏សូមអំពាវនាវចំពោះឱសថស្ថាន គ្លីនិក ក៏ដូចជាទីតាំងចែកចាយ ឫផ្តល់សេវាសុខាភិបាល សុំបញ្ឈប់ការទិញ លក់ ឫប្រើប្រាស់នូវប្រភេទវ៉ាក់សាំង Abhayarab ខុសច្បាស់ ក៏ដូចជាផលិតផលឱសថ ដែលពុំមានចុះបញ្ជីកា និងរក្សាទុកពុំបានត្រឹមត្រូវតាមកំរិតស្តង់ដារ ដែលអាចនាំឲ្យប៉ះពាល់ដល់សុខភាពប្រជាពលរដ្ឋ ក៏ដូចជាប្រឈមទៅនឹងផ្លូវច្បាប់៕
ប្រភព៖ អគ្គស្នងការដ្ឋាននគរបាលជាតិ
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៥ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៥ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៤ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល