សន្តិសុខសង្គម

អាជ្ញាធរមីន អំពាវនាវពលរដ្ឋ កុំចូលរុករានតំបន់មិនដឹងប្រវត្តិច្បាស់ ឬ ប៉ះពាល់មីន និងគ្រាប់មិនទាន់ផ្ទុះ

បានផុស

២ years មុន

នៅ

ថ្ងៃសុក្រ ៨ ធ្នូ ២០២៣

ដោយ

អាជ្ញាធរមីន អំពាវនាវប្រជាពលរដ្ឋទាំងអស់ សូមកុំចូលទៅរុករានតំបន់ណាដែលមិនដឹងប្រវត្តិច្បាស់លាស់ ឬ ប៉ះពាល់នៅពេលឃើញមីន និងគ្រាប់មិនទាន់ផ្ទុះ ជៀសវាងគ្រោះថ្នាក់ដល់អាយុជីវិត។

នៅព្រឹកថ្ងៃទី ០៨ ខែធ្នូ ឆ្នាំ ២០២៣ នេះ អាជ្ញាធរមីន បានអំពាវនាវដល់ប្រជាពលរដ្ឋទាំងអស់ សូមកុំចូលទៅរុករានតំបន់ណាដែលមិនដឹងប្រវត្តិច្បាស់លាស់ និងត្រូវសាកសួរអាជ្ញាធរមូលដ្ឋានមុនចូលតំបន់នោះ។

ទន្ទឹមនោះ អាជ្ញាធរមីន ក៏បានអំពាវនាវបន្ថែម សូមកុំឲ្យប្រជាពលរដ្ឋប៉ះពាល់នៅពេលឃើញមីន និងគ្រាប់មិនទាន់ផ្ទុះ។ ក្នុងនោះ ត្រូវរាយការណ៍ជាបន្ទាន់ដល់អាជ្ញាធរមានសមត្ថកិច្ច និងប្រតិបត្តិករបោសសម្អាតមីនដែលនៅជិតទីនោះ ដើម្បីយកគ្រាប់ទាំងនោះទៅកម្ទេចចោល។

សូមបញ្ជាក់ថា អាជ្ញាធរមីន អំពាវនាវបែបនេះ ក្រោយមានឧប្បត្តិហេតុផ្ទុះមីនមួយករណី ស្ថិតក្នុងភូមិកញ្ចាំង ឃុំសុង ស្រុកសំឡូត ខេត្តបាត់ដំបង នាថ្ងៃទី ៨ ធ្នូ នេះ។

ចំពោះមូលហេតុបង្កឲ្យកើតឧប្បត្តិហេតុផ្ទុះមីននេះកើតឡើង ដោយសារតែប្រជាពលរដ្ឋ ឈ្មោះ ភន ភេទ ភេទប្រុស អាយុ ២៨ ឆ្នាំ បានបើកបរត្រាក់ទ័រភ្ជួរដី ក៏បណ្ដាលឲ្យផ្ទុះមីន របួសធ្ងន់ និងខូចខាតត្រាក់ទ័រ៕

អត្ថបទ ៖ ពិសី