សន្តិសុខសង្គម

ស្ត្រីម្នាក់ទើបឆ្លងទន្លេបានកូនភ្លោះ ខ្ចីលុយគេ១ម៉ឺនទិញថ្នាំឱ្យកូនលេប ស្រាប់តែត្រូវរថយន្តដឹកដីបុកកិនស្លាប់

បានផុស

១ year មុន

នៅ

ថ្ងៃសៅរ៍ ២៧ មករា ២០២៤

ដោយ

បន្ទាយមានជ័យ ៖ ស្រី្តម្នាក់ទើបនឹងឆ្លងទន្លេបានកូនភ្លោះ២នាក់បានជាង១ខែ ស្រាប់តែកូនឈឺក៏រត់ទៅខ្ចីលុយអ្នកខាងបាន១ម៉ឺនរៀនជិះម៉ូតូទៅទិញថ្នាំឲ្យកូនផឹក ស្រាប់តែអកុសលត្រូវរថយន្តធំដឹកដីបុកកិនស្លាប់។ រឿងរ៉ាវនេះកើតឡើងនៅវេលាម៉ោង៩ព្រឹក ថ្ងៃទី២៦ ខែមករា ឆ្នាំ២០២៤ ស្ថិតនៅចំណុចផ្លូវលំ ក្នុងភូមិប្រាសាទ ឃុំស្លរក្រាម ស្រុកស្វាយចេក ខេត្តបន្ទាយមានជ័យ។

មន្ត្រីចរាចរណ៍បានប្រាប់អ្នកយកព័ត៌មានឱ្យដឹងថា ស្ត្រីរងគ្រោះមានឈ្មោះ សៃ បូរី អាយុ៣៧ឆ្នាំ រស់នៅភូមិផ្ចឹក ឃុំតាផូ ស្រុកស្វាយចេក ប្តីឈោះ ម៉ុយ ម៉ុល អាយុ៣៨ឆ្នាំ មានកូន៤នាក់ ស្រីទាំងអស់ ស្រី្តរងគ្រោះមានកូនភ្លោះ២នាក់ កើតទើបតែកើតបាន១ខែកន្លះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីចរាចរណ៍បានប្រាប់អ្នកយកព័ត៌មានឲ្យដឹងបន្តទៀតថា បើតាមក្រុមគ្រួសារបានឲ្យដឹងថា នៅ ថ្ងៃទី២៦ ខែមករា នោះស្ត្រីជាម្តាយកូនរបស់គាត់ឈឺគាត់គ្មានលុយទេបានទៅខ្ចីលុយអ្នកជិតខាងបានប្រាក់១ម៉ឺនរៀលជិះម៉ូតូម៉ាកហុងដាឌ្រីមC-125 ស៊េរីឆ្នាំ2017 ពាក់ស្លាកលេខបន្ទាយមានជ័យ1Q-64 31ជិះសំដៅទៅកន្លែងលក់ថ្នាំ លុះជិះមកដល់កន្លែងកើតហេតុស្រាប់មាន រថយន្តដឹកដីកែច្នៃ១គ្រឿងស្លាក់លេខ ភ្នំពេញ 3D-9883 បានធ្វើដំណើរក្នុងទិសដៅ ពីកើតទៅលិចច្រាស់ទិសគ្នា បើកមកដល់ចំណុចកើតហេតុដែរស្របពេលនោះមានគោឆ្លងកាត់ផ្លូវបណ្ដាលប៉ះដៃចង្កូតម៉ូតូជាមួយនឹងសត្វគោ ក៏ដួលម៉ូតូចូលក្រោមរថយន្តកិនស្ត្រីរងស្លាប់ភ្លាមៗនៅហ្នឹងកន្លែងកើតហេតុតែម្តង។

ជុំវិញករណីគ្រោះថ្នាក់ខាងលើនេះក្រោយពីកើតហេតុ ហើយសមត្ថកិច្ចនគរបាលចរាចរណ៍ចុះដល់កន្លែងកើតហេតុ បានធ្វើការវាស់វែង និងយករថយន្តបង្ក និងម៉ូតូជនរងគ្រោះយកទៅរក្សាទុកនៅ អធិការដ្ឋាន នគរបាលស្រុកស្វាយចេក ដើម្បីរង់ចាំការដោះស្រាយនៅពេលក្រោយ។ ចំណែកសពសមត្ថកិច្ចបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណីនៅផ្ទះដោយសង្វេគយ៉ាងខ្លាំង៕

ដោយ ៖ វ៉ាន់ ណាង