Connect with us

សន្តិសុខសង្គម

អាជ្ញាធរតាមរកមុខអ្នកតែងដុតស្មៅ ដែលអាចបង្កឱ្យឆេះរាលដាលដល់ផ្ទះប្រជាពលរដ្ឋ

បានផុស

នៅ

លោក យុិន វិធី ចៅសង្កាត់ច្បារអំពៅទី២ បានប្រាប់ កម្ពុជាថ្មី ថាលោកកំពុងចាត់កម្លាំងឱ្យស្រាវជ្រាវរកមុខជនដែលតែងដុតស្មៅបង្កឱ្យឆេះរាលដាលដល់ផ្ទះប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅវេលាម៉ោង ១១ និង ១០នាទី ព្រឹកថ្ងៃទី១២ ខែកុម្ភៈ នេះ មានជនមិនស្គាល់មុខបានដុតស្មៅ ស្ថិតនៅដីឡូត៍មួយកន្លែង ក្នុងភូមិដើមស្លែង១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ហើយស្របពេលមានខ្យល់បោកបក់ខ្លាំងផង ធ្វើឱ្យកម្លាំងភ្លើងឆាបឆេះរាលដល់ក្បែរផ្ទះប្រជាពលរដ្ឋ រហូតដល់អាជ្ញាធរសុំការអន្តរាគមន៍ដល់រថយន្តពន្លត់អគ្គិភ័យរបស់សាលាខណ្ឌច្បារអំពៅ ឱ្យជួយបាញ់ពន្លត់ ទើបស្ថប់ស្ងាត់ទៅវិញ។

លោកចៅសង្កាត់ច្បារអំពៅទី២ បានថ្លែងទៀតថា បើពុំមានរថយន្តពន្លត់អគ្គិភ័យមកជួយទាន់ពេល គឺច្បាស់ជាឆ្លងរាលដាលដល់ផ្ទះប្រជាពលរដ្ឋរាប់រយខ្នងជាក់ជាពុំខាន។ ដូច្នេះហើយទើបអាជ្ញាធរសុំសហការណ៍ពីប្រជាពលរដ្ឋឱ្យរកមុខជនដែលតែងដើរដុតស្មៅបង្កឱ្យភ្លើងងាយរាលដាលដល់ផ្ទះប្រជាពលរដ្ឋ៕

អត្ថបទ៖ នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម