សន្តិសុខសង្គម

១ យប់ ផ្ទះ ២ ខ្នង ត្រូវអគ្គិភ័យបំផ្លាញគ្មានសល់

បានផុស

១ year មុន

នៅ

ថ្ងៃអាទិត្យ ២៥ កុម្ភៈ ២០២៤

ដោយ

លំនៅឋានរបស់ប្រជាពលរដ្ឋចំនួនពីរខ្នង ដែលនៅស្រុកផ្សេងគ្នា ត្រូវអណ្ដាតភ្លើងឆេះបំផ្លាញគ្មានសល់ ខណៈម្ចាស់ផ្ទះបិទទ្វារមិនបាននៅដូចគ្នា ដោយមួយខ្នងមិនទាន់ដឹងមូលហេតុនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ទី ១ បានកើតឡើងនៅថ្ងៃទី ២៤ ខែកុម្ភៈ ឆ្នាំ ២០២៤ វេលាម៉ោង ៧ និង ៣០ នាទីយប់ នៅភូមិអូរតាសុខ ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង ដោយមានភ្លើងឆេះផ្ទះចំនួន ០១ លើក ទំហំ ៥ x ៦ ម៉ែត្រ ប្រក់ប្រូស៊ីម៉ងត៍ ឆេះអស់ទាំងស្រុង។ ម្ចាស់ផ្ទះមានឈ្មោះ សុខ សុង ភេទប្រុស អាយុ ៤៤ ឆ្នាំ រស់នៅភូមិអូរអន្លក់ ឃុំតាសែន ស្រុកកំរៀង ខេត្តបាត់ដំបង ហើយផ្ទះដែលឆេះ គឺសាងសង់នៅក្នុងដីចម្ការ។ ចំណែកការខូចខាតរួមមាន ៖ ម៉ូទ័រចំនួន ០៧ គ្រឿង ,ធុងទឹកកក ២០០ លីត្រ ០១ ធុង ,ម៉ាស៊ីនអារឈើ ០១ គ្រឿង, ម៉ាស៊ីនឈូសទឹកកក ០១ គ្រឿង, សូឡា ០២ ផ្ទាំង, បញ្ហានេះ សមត្ថកិច្ចកំពុងរកមូលហេតុឆេះ មិនទាន់ដឹងច្បាស់នៅឡើយ ដោយរង់ចាំការស្រាវជ្រាវបន្ត។

ដោយឡែក ហេតុការណ៍ទី ២ នៅវេលាម៉ោង ១២ យប់ ក្នុងថ្ងៃដដែល ក៏មានករណីអគ្គិភ័យកើតឡើង ១ លើក ដែរ ដោយឆេះផ្ទះរបស់ឈ្មោះ ផល សូត្រ ភេទប្រុស អាយុ ៤៥ ឆ្នាំ រស់នៅភូមិរុំជៃ ឃុំស្នឹង ស្រុកបាណន់។ ផ្ទះមានទំហំ ៧ ម × ៤ ម ធ្វើអំពីឈើប្រក់ស័ង្កសី ពេលឆេះផ្ទះ ម្ចាស់មិននៅ ទៅជាមួយប្រពន្ធនៅភូមិតាង៉ែន ឃុំតាគ្រាម នៅតែកូនចំនួន ២ នាក់។ ចំពោះមូលហេតុ កូនប្រុសឈ្មោះ ឈា សាំងស៊ីល ភេទប្រុស អាយុ ១៥ ឆ្នាំ បានអុជធូបលើហ៊ឹងក្បាលគ្រែទុកចោល ហើយនាំប្អូនស្រីទៅដេកនៅផ្ទះតាយាយក្បែរនោះ តែត្រូវបានកម្លាំងប្រជាការពារ និងប្រជាពលរដ្ឋក្បែរនោះ ជួយពន្លត់ បណ្តាលឲ្យខូចខាតអស់គ្រឿងម៉ូទ័រតូចៗ ៦ គ្រឿង គ្រែឈើ ១ តុឈើ ៣ និងសម្ភារៈក្នុងផ្ទះ ១ ចំនួនទៀត។ ករណីទាំងពីរនេះដែរ មិនបណ្ដាលឲ្យគ្រោះថ្នាក់ដល់មនុស្សទេ៕

អត្ថបទ ៖ សោ និយមរ័ត្ន