សន្តិសុខសង្គម

អគ្គិភ័យឆាបឆេះឃ្លាំងស្តុកអីវ៉ាន់ចុងភៅ នៅស្រុកមេមត់

បានផុស

១០ ខែ មុន

នៅ

ថ្ងៃពុធ ២២ ឧសភា ២០២៤

ដោយ

អគ្គិភ័យបានឆាបឆេះឃ្លាំងស្តុកអីវ៉ាន់ចុងភៅ យីហោ អាំងឡាក់ ហៅទី ដែលស្ថិតនៅភូមិត្បូងវត្ត ផ្សារមេមត់ ស្រុកមេមត់ ខេត្តត្បូងឃ្មុំ វេលាម៉ោង១ និង០៥នាទីរសៀលថ្ងៃទី២២ ខែឧសភា ឆ្នាំ២០២៤នេះ បង្កឱ្យភ្ញាក់ផ្អើលប្រជាពលរដ្ឋ ។ ករណី ភ្លើងឆេះនេះមិនបានរាលដល់ផ្ទះសម្បែងរបស់ពលរដ្ឋនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមសេចក្ដីរាយការណ៍បានឱ្យដឹងថា ពលរដ្ឋបានឃើញអណ្តាតភ្លើងឆាបឆេះខាងក្នុងឃ្លាំងឮសូរផ្ទុះធុងហ្គាស ហើយផ្សែងហុយខ្មួលតែម្តង ខណៈដែលឃ្លាំងបិទទ្វារពុំមានកម្មករ និងម្ចាស់នៅទីនោះទេ ។

សមត្ថកិច្ចបានប្រើប្រាស់រថយន្ដបាញ់ទឹកចំនួន៤គ្រឿង រួមមាន.មកពីអធិការស្នួល១គ្រឿង អធិការមេមត់១គ្រឿង អធិការពញ្ញាក្រែក១គ្រឿង និងស្នងការខេត្តត្បូងឃ្មុំ១គ្រឿង ដើម្បីជួយពន្លត់ការឆាប់ឆេះឃ្លាំងនោះដោយប្រើទឹកអស់ចំនួន១១សាទែន ។ រីឯករណីឆេះបណ្ដាលមកពីឆ្លងចរន្តខ្សែភ្លើងចំពោះទំហំការខូចខាតមិនទាន់បានដឹងនៅឡើយទេ ហើយក៏មិនមានប៉ះពាល់ដល់ជីវិតមនុស្សដែរ ។

សូមបញ្ចក់ថា ឃ្លាំងឆេះនោះធ្វើពីបេតុងប្រក់ស័ង្កសីមានទំហំ១០ម៉ែត្រគុណ២០ម៉ែត្រ ៕

អត្ថបទ៖ សាន វិឡែម