អាជ្ញាធរសង្កាត់ចោមចៅទី១ ដាក់គ្រឿងចក្រស្តារប្រឡាយប្រវែង១៥០០ម៉ែត្រដើម្បីរំដោះទឹក

នៅថ្ងៃទី១៥ ខែកញ្ញា ឆ្នាំ២០២៤​ រដ្ឋបាលសង្កាត់ចោមចៅទី១​ ខណ្ឌពោធិ៍សែនជ័យ​ បានដាក់គ្រឿងចក្រ​ ឲស្តារប្រឡាយមួយខ្សែប្រវែង១៥០០ម៉ែត្រ ឆ្លងកាត់ភូមិចំនួន៣ ដេីម្បីរំដោះទឹកចេញជៀសវាងជន់លិចនៅពេលមានភ្លៀងមកម្តងៗ។

​លោក កង វង ចៅសង្កាត់ចោមចៅទី១​ បានឲ្យដឹងថា ការដាក់គ្រឿងចក្រស្តារប្រទ្បាយមានប្រវែង ១៥០០ ម៉ែត្រ នេះ ឆ្លងកាត់ចំនួន៣ភូមិ​ ទី១​ ភូមិទួលពង្រ ភូមិត្រពាំងថ្លឹង៤ ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ដើម្បីកាត់បន្ថយការជន់លិច និងដើម្បីជួយសម្រួលដល់ការធ្វើដំណើរ របស់បងប្អូនប្រជាពលរដ្ឋ នៅក្នុងមូលដ្ឋាន ។ ជាមួយគ្នានេះដែរ​ អាជ្ញាធរ​សំណូមពរដល់បងប្អូនទាំងអស់មេត្តា​ ទុកដាក់សំរាមឱ្យបានត្រឹមត្រូវ​ កុំយកសំរាម បោះចោលនៅក្នុងប្រទ្បាយ ឬក្បែរប្រទ្បាយ ជៀសវាងការកកស្ទះនូវចរន្តទឹក៕

អត្ថបទ៖ សុខា