ក្រោយភ្លៀងមួយមេធំយប់មិញ តំបន់មួយចំនួនក្នុងមូល​ដ្ឋានខណ្ឌពោធិ៍សែនជ័យទឹកមិនទាន់ស្រកអស់នោះទេ

ក្រោយភ្លៀងមួយមេធំកាលពីយប់ថ្ងៃទី១១កញ្ញាយប់មិញនេះ ធ្វេីឲ្យតំបន់មួយចំនួនក្នុងភូមិសាស្ត្រខណ្ឌពោធិ៍សែនជ័យបានជន់លិចដោយជំនន់ទឹកភ្លៀង​ រហូតមកដល់ព្រឹកថ្ងៃទី១២​ ខែកញ្ញា​ ឆ្នាំ២០២៥នេះ ទឹកនៅមិនទាន់ស្រកអស់នៅឡេីយទេ​ ធ្វេីឲ្យប៉ះពាល់ដល់ប្រជាពលរដ្ឋ។

ដោយមានការយកចិត្តទុកដាក់ពីលោក ឃួង ស្រេង អភិបាលនៃគណៈអភិបាលរាជធានីភ្នំពេញ​ នៅព្រឹកថ្ងៃសុក្រ ទី១២ ខែកញ្ញា ឆ្នាំ២០២៥ លោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យ លោក អ៊ិត ជំនិត ប្រធានក្រុមប្រឹក្សាខណ្ឌ និងលោក ប៉ាង លីដា អភិបាលរងខណ្ឌ និងក្រុមការងារខណ្ឌ អមដំណើរលោក ឯក ឃុនដឿន អភិបាលរង នៃគណៈអភិបាលរាជធានីភ្នំពេញ អញ្ជើញចុះកាយសំរាមដែលកកស្ទះនៅតាមបណ្តាមាត់លូ ដេីម្បីឲ្យចរន្តទឹកហូរបានលឿនឆាប់ស្រក។

ក្រោយពីបានកាយសម្អាតរួចទឹកក៏បានហូរ លឿន​ និងស្រកបន្តិចម្តងៗ។ អាជ្ញាធរអំពាវនាវដល់ពលរដ្ឋទាំងអស់ចេះជួយរក្សាអនាម័យបរិស្ថាន​ ចៀសវាងបោះសំរាមចោលអាចហូរកកស្ទះតាមបណ្តាមាត់លូ៕

អត្ថបទ៖ សុខា