កីឡា

បឺត ថ្មដា សម្រេចបំណងប្រាថ្នាប្រកួតផ្សព្វផ្សាយគុនខ្មែរនៅក្រៅប្រទេស

បានផុស

៨ ខែ មុន

នៅ

ថ្ងៃព្រហស្បតិ៍ ៩ តុលា ២០២៥

ដោយ

កីឡាករ បឺត ថ្មដា ដែលគេស្គាល់ថាជាប្អូនប្រុស បឺត សង្ឃឹម ថាខ្លួនរីករាយណាស់ដែលនឹងសម្រេចបំណងប្រាថ្នាបានចេញទៅប្រកួតផ្សព្វផ្សាយគុនខ្មែរនៅឯក្រៅប្រទេសឆាប់ៗនេះជាលើកទី១ ព្រោះចង់មានឱកាសចេញទៅនេះជាយូរណាស់មកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើហ្វេសបុក បឺត ថ្មដា

បឺត ថ្មដា បានបង្ហោះវីដេអូថាខ្លួនពិតជាមានចិត្តសប្បាយរីករាយណាស់ដែលសម្រេចបំណងមានឈ្មោះត្រូវចេញទៅប្រកួតនៅឯក្រៅប្រទេសជាលើកទី១ ឆាប់ៗនេះ។ បំណងប្រាថ្នារបស់ខ្លួននេះមានជាយូរហើយនោះគឺចង់ចេញទៅប្រកួតនៅឯក្រៅប្រទេសដើម្បីផ្សព្វផ្សាយពីវិស័យប្រដាល់គុនខ្មែរ។

ប្អូនប្រុសរបស់ បឹត សង្ឃឹម រូបនេះប្ដេជ្ញាចិត្តថានឹងខំប្រឹងប្រែងផ្សព្វផ្សាយពីក្បាច់ស្នៀតនិមួយៗដូចជាស្នៀតកែង ជង្គង់ ទាត់ជាដើមឲ្យបរទេសបានស្គាល់ថាជាក្បាច់គុនរបស់ខ្មែរដែលមានជាយូរមកហើយ។

រូបភាពលើហ្វេសបុក បឺត ថ្មដា

កីឡាករ បឺត ថ្មដា មិនទាន់បញ្ជាក់ថានឹងចេញទៅប្រកួតនៅថ្ងៃណានោះទេបានត្រឹមថានៅឆាប់ៗនេះ និងទំនងជាទៅប្រទេសឡាវ ព្រោះឃើញមានដាក់រូបទង់ជាតិប្រទេសនេះផង។ បឺត ថ្មដា ក៏ជាកីឡាករមានស្នៀតប្រយុទ្ធល្អមួយរូបដែរនៅកម្ពុជា ប៉ុន្តែរូបគេហាក់មិនសូវមានឈ្មោះល្បីដូចបងប្រុសខ្លួនឡើយអាចមកពីរូបគេទើបតែចូលប្រឡូកគុនខ្មែរក៏ថាបាន៕