កីឡា

ឈ្នះ ពេជ្រ សឹង្ហៈ ឈ្នះ មហាម៉ាត់ ដល់ពេលកីឡាករផ្សេងៗចង់ជួប ឌឹម សារុំ វិញម្ដង

បានផុស

១៨ ម៉ោង មុន

នៅ

ថ្ងៃព្រហស្បតិ៍ ១៣ វិច្ឆិកា ២០២៥

ដោយ

បន្ទាប់ពីយកឈ្នះលើជើងខ្លាំង ពេជ្រ សឹង្ហៈ យកឈ្នះ មហាម៉ាត់ រួចមកឃើញថាមានកីឡាករផ្សេងៗចាប់ផ្ដើមចង់មកប្រកួតសាកល្បងសមត្ថភាពជាមួយអ្នកលេងគុនខ្មែរ ឌឹម សារុំ វិញម្ដងហើយនៅពេលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពលើហ្វេសបុក សារុំ

កន្លងទៅកម្រិតរបស់ ឌឹម សារុំ ត្រូវបានមហាជន និងអេដមីនមួយចំនួនបានផ្គូផ្គង់ឲ្យជួបសាកល្បងជាមួយកីឡាករនេះ កីឡាករនោះ ព្រោះតែរូបគេនៅខ្ចី និងមិនសូវមានកេរ្តិ៍ឈ្មោះល្បីដូចកីឡាករផ្សេងៗ។

យ៉ាងណាបន្ទាប់ពី ឌឹម សារុំ បានយកឈ្នះលើ ពេជ្រ សឹង្ហៈ ដែលគេភាគច្រើនថាទៅមិនរួចនៅពេលនោះបានធ្វើឲ្យកេរ្តិ៍ឈ្មោះរបស់អ្នកលេងគុនខ្មែររូបនេះចាប់ផ្ដើមល្បីមានគេចាប់អារម្មណ៍ និងរើសយកទៅផ្គូផ្គង់ឲ្យប៉ះអ្នកខ្លាំងផ្សេងទៀត។

សារុំ កាន់តែល្បីថែមទៀតបន្ទាប់ពីយកឈ្នះកូនសិស្សលោក សេន ប៊ុនថេន គឺកីឡាករ មហាម៉ាត់ កាលពីថ្ងៃទី៥ ខែវិច្ឆិកា ២០២៥ ថ្មីៗនេះ។ មហាជនបានចាត់ទុកសិស្សគុនមកពីក្លឹប KKIF ម្នាក់នេះស្ថិតក្នុងចំណោមអ្នកខ្លាំងលំដាប់ A លើប្រភេទទម្ងន់ស្រាលនេះហើយ។ បន្ទាប់ពីល្បីឈ្មោះនៅពេលនេះគេឃើញមានកីឡាករមួយចំនួនចេញមុខមកចង់ប្រកួតសាកល្បងជាមួយ សារុំ វិញម្ដង និងមានអេដមីនមួយចំនួនទៀតព្យាយាមរកកីឡាករផ្សេងៗមកប្រកួតជាមួយដូចគ្នាដែរ។ ដូច្នេះហើយស្ថិតមកដល់ចំណុចនេះ ឌឹម សារុំ ដល់ពេលដែលជើងខ្លាំងផ្សេងៗមកចង់សាកល្បងវិជ្ជាគុនជាមួយវិញហើយដូចបានឃើញស្រាប់នៅលើបណ្ដាញសង្គមថ្មីៗនេះ។

រូបភាពលើហ្វេសបុក សារុំ

បញ្ជាក់ដែរថា កីឡាករ ឌឹម សារុំ ជាសិស្សគុនក្នុងក្លឹបប្រដាល់ KKIF ជាមួយកីឡាករ សុខ ធី នាពេលបច្ចុប្បន្ននេះ។ រូបគេចាប់ផ្ដើមល្បីឈ្មោះខ្លាំងនោះបន្ទាប់ពីអាចយកឈ្នះពិន្ទុលើកីឡាករមិនដែលចាញ់ មហាម៉ាត់ ដែលជាកូនសិស្សលោក សេន ប៊ុនថេន កាលពីថ្ងៃទី៥ ខែវិច្ឆិកា ឆ្នាំ២០២៥ ថ្មីៗនេះ៕

អត្ថបទដោយ៖ នូន ស៊ីណា