កីឡា

ឯកឧត្តម ឌី វិជ្ជា ប្រកាសជូនសំបុត្រម្នាក់ៗ ២សន្លឹក ឥតគិតថ្លៃដល់បុគ្គលសកម្មក្នុងការផ្សព្វផ្សាយកីឡា

បានផុស

៤ ខែ មុន

នៅ

ថ្ងៃអង្គារ ១០ មីនា ២០២៦

ដោយ

ឯកឧត្តម ឌី វិជ្ជា ប្រធានក្លិបបាល់ទាត់ ព្រះខ័នរាជស្វាយរៀង បានប្រកាសចែកជូនសំបុត្រដោយឥតគិតថ្លៃម្នាក់ៗចំនួន ២ សន្លឹកដល់បុគ្គលល្បីៗ (KOL) និងអ្នកប្រើប្រាស់ផេកកីឡាសកម្មក្នុងការផ្សព្វផ្សាយកីឡាបាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សំបុត្រនេះសម្រាប់ទស្សនាការប្រកួតរវាង ព្រះខ័នរាជស្វាយរៀង និង ភ្នំពេញក្រោន នៅថ្ងៃទី១២ ខែមីនា ឆ្នាំ ២០២៦ សម្រាប់ការប្រកួតជើងទី២ វគ្គ ៨ ក្រុមចុងក្រោយ ពានរង្វាន់ AFC Challenge League នៅពហុកីឡដ្ឋានជាតិមរតកតេជោ។

ឯកឧត្តមប្រធានក្លិបព្រះខ័នរាជស្វាយរៀង បានប្រកាសថា ៖«ខ្ញុំនឹងផ្តល់សំបុត្រម្នាក់ចំនួន ២សន្លឹក ទៅដល់បងប្អូនដែលស្រឡាញ់វិស័យកីឡា ជាពិសេសកីឡាបាល់ទាត់ ដែលជាលក្ខណៈបុគ្គល KOL និងជាផេកកីឡា បានកំពុងផ្សព្វផ្សាយព័ត៌មានយ៉ាងផុសផុល ដើម្បីចូលរួមទស្សនាការប្រកួតពានរង្វាន់ AFC Challenge League វគ្គ ៨ ក្រុមចុងក្រោយ (ជើងទី២) រវាងព្រះខ័នរាជស្វាយរៀង ប្រកួតជាមួយ ភ្នំពេញក្រោន នាថ្ងៃព្រហស្បតិ៍ ទី១២ ខែមីនា ឆ្នាំ២០២៦ នៅពហុកីឡដ្ឋានជាតិ មរតកតេជោ វេលាម៉ោង ១៩:០០នាទីយប់ និងចូលរួមផ្សព្វផ្សាយឱ្យកាន់តែទូលំទូលាយ»។

*សូមអញ្ជើញទាក់ទង លោក ហោ វណ្ដា តាមរយៈលេខទូរសព្ទ 010 233 213!

សូមបញ្ជាក់ថា កាលពីជើងទី១ ថ្ងៃទី៥ ខែមីនា ឆ្នាំ ២០២៦ ព្រះខ័នរាជស្វាយរៀង បានយកឈ្នះភ្នំពេញក្រោន ដោយលទ្ធផល ៤-១ នៅពហុកីឡដ្ឋានជាតិអូឡាំពិកដែលមានអ្នកទស្សនាផ្ទាល់ជាង ២ ម៉ឺននាក់៕