កីឡាករ​ប្រដាល់​សាកល​២​រូប នឹងត្រូវ​បញ្ជូនទៅ​ហាត់​ នៅ​ប្រទេស​បារាំង​ត្រៀម​ចូលរួម​ស៊ី​ហ្គេម​នៅ​វៀតណាម​
Connect with us
Helistar Cambodia - Helicopter Charter Services

កីឡា

កីឡាករ​ប្រដាល់​សាកល​២​រូប នឹងត្រូវ​បញ្ជូនទៅ​ហាត់​ នៅ​ប្រទេស​បារាំង​ត្រៀម​ចូលរួម​ស៊ី​ហ្គេម​នៅ​វៀតណាម​

បានផុស

នៅ

សហព័ន្ធ​កីឡាប្រដាល់​សាកល​កម្ពុជា​ប្រកាសថា នឹង​បញ្ជូន​កីឡាករ​របស់ខ្លួន​ចំនួន​២​រូប ដែល​មាន​គុណ​ផល​ល្អ​ជាងគេ​ទៅ​ហ្វឹកហាត់​ នៅ​ប្រទេស​បារាំង​ដើម្បី​ត្រៀម​ចូលរួម​ប្រកួត​កីឡា​ស៊ី​ហ្គេម​លើក​ទី​៣១​នៅ​ទីក្រុង​ហាណូយ​ប្រទេស​វៀតណាម​នា​ចុង ឆ្នាំនេះ ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៊ុ​យ សុ​ភ័​ណ្ឌ អគ្គលេខាធិការ​សហព័ន្ធ​កីឡាប្រដាល់​សាកល​កម្ពុជា​បាន​ប្រាប់​តាម​បណ្ដាញ​សង្គម​(Telegram) ថា អត្ត​ព​លិ​ក​២​រូប​ដែល​សហព័ន្ធ​គ្រោង​នឹង​បញ្ចូន​ទៅ​ហ្វឹកហាត់​នោះ គឺ​សហព័ន្ធ​នឹងធ្វើ​ការសម្រិតសម្រាំង​យក​តែ​កីឡាករ​នៅ ក្នុងស្រុក​តែប៉ុណ្ណោះ។​

លោក​អគ្គលេខា​បញ្ជាក់​ថា “​ការបញ្ជូន​អត្ត​ព​លិ​ក​ទៅ​ហ្វឹកហាត់​នៅ​ប្រទេស​បារាំង​នេះ គឺ​សហព័ន្ធ​រង់ចាំ​ព័ត៌មាន​លម្អិត​ពី​គណៈកម្មាធិការ​រៀបចំ​ស៊ី​ហ្គេម (CAM SOC)​ព្រោះ​អ្វីៗ​វា​ពាក់ព័ន្ធ​នឹង​ការ​ជួយ ឧបត្ថម្ភ​ក្នុង​ការ​បញ្ជូន​អត្ត​ព​លិ​ក​ទៅ​ហ្វឹក ហាត់​នៅក្រៅ​ប្រទេស​ក៏ដូចជា​កា​ររង់ចាំ​ព័ត៌មាន​ស្ដីពី​ការចំណាយ​លម្អិត​ពី​មជ្ឈមណ្ឌល​ហ្វឹកហ្វឺន​កីឡា​នៅ​ប្រទេស​បារាំង​សិន នោះ​ទើប​យើង​ធ្វើ​គម្រោង​ចំណាយ​ច្បាស់លាស់​រួច​ផ្ញើ​ទៅ​ឲ្យ​គណៈកម្មាធិការ CAMSOC ដើម្បី​សុំ​ឲ្យ​ពួកគាត់​ធ្វើការ​ពិចារណា​ថា​ គាត់​នឹង​អាច​ជួយ​អ្វី​បាន​ខ្លះ​ហើយ​សហព័ន្ធ​នឹង​ស្វែងរក​ថវិកា​បន្ថែម ​ដើម្បី​បង្គ្រប់​ ក្នុ​ងការ​បញ្ជូន​អត្ត​ព​លិ​ក​ទៅ​ហ្វឹកហាត់​រយៈពេល ៣​ខែ នៅ​ប្រទេស​បារាំង​បាន​។​”

លោក​ប្រាប់​ឲ្យ​ដឹង​ទៀតថា ចំណែកឯ​កីឡាករ​ខ្មែរ​-​អាមេរិក ដែលជា​ម្ចាស់​ខ្សែ ក្រវាត់​ពិភពលោក​ទម្ងន់​ធ្ងន់​អេ​រិ​ក ភា​រ៉ុ​ន​ប៉ែន​វិញ សហព័ន្ធ​មាន​គម្រោង​សុំ​គោល​ការណ៍​ទៅ​ក្រសួង​អប់រំ យុវជន និង​កីឡា និង CAMSOC ដើម្បី​អាច​បញ្ជូនទៅ​ហ្វឹកហាត់​នៅ​ប៉ែក​អឺរ៉ុប​ផងដែរ ដើម្បី​ធ្វើឲ្យ​មាន​ភាព​ប្រាកដថា ​កីឡាករ​ទម្ងន់​ធ្ងន់​ម្នាក់​នេះ ​អាច​នឹង​ឈាន​ទៅដល់​ការ​បង្កើត​ប្រវត្តិសាស្ត្រ​ឈ្នះ​មេដាយមាស​ស៊ី​ហ្គេម ព្រោះ​រយៈពេល​ជាច្រើន​ឆ្នាំ​មកនេះ​ក្រុម​ប្រដាល់​សកល​កម្ពុជា​ធ្លាប់​បានឈ្នះ​មេដាយ​ខ្ពស់បំផុត​ត្រឹម​មេដាយប្រាក់ ដែល​រកបាន​ដោយ​កីឡាករ ផល សុផាត កាលពី​ឆ្នាំ​២០០៩ និង​កីឡាករ វ៉ែន រដ្ឋា នា​ស៊ី​ហ្គេម ឆ្នាំ​២០១៥​។

លោក ​ប៊ុ​យ សុ​ភ័​ណ្ឌ​ បញ្ជាក់ថា​ សម្រាប់​អ្នក​ប្រដាល់​អេ​រិ​ក ភា​រ៉ុ​ន​ប៉ែន​សហព័ន្ធ​សង្ឃឹមថា គេ​នឹង​ដណ្ដើមបាន​លទ្ធផល​ល្អ​ព្រោះ​កន្លងមក​ប្រដាល់​សាកល​កម្ពុជា​ដណ្ដើម​បាន​តែត្រឹម​មេដាយប្រាក់​ប៉ុណ្ណោះ​តែ​សម្រាប់​កីឡាករ​រូបនេះ​ អាច​នឹង​បង្កើត​នូវ​ប្រវត្តិសាស្ត្រ​ថ្មី​ដល់​កម្ពុជា​នោះ​ គឺ​ការ​ប្រជែង​យក​មេដាយ​មាស​ជា​លើកដំបូង​នា​ស៊ី​ហ្កេ​ម​លើក​ទី​៣១​នៅ​ទីក្រុង​ហាណូយ​ប្រទេស​វៀតណាម​នា​ចុងឆ្នាំ​២០២១​នេះ៕​

អត្ថបទ៖ វិ​សិទ្ធ

សូមចុចអាន៖ ​អត្ត​ព​លិ​ក​តេ​ក្វាន់​ដូ WT កម្ពុជា​នឹងធ្វើ​ការ​ប្រកួត​វគ្គ​ជម្រុះ​កីឡា​អូឡាំពិក​តូ​ក្យូ​ទ្វីបអាស៊ី​ នៅ​ហ្ស៊​ក​ដង់​នា​ថ្ងៃទី​២១-២២ ឧសភា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២១ នាទី មុន

ស្ដ្រី​ម្នាក់​មកពី​ខេត្ត​ព្រះសីហនុ មកលេង​ផ្ទះ​នៅ​ស្រុក​អន្លង់វែង​ខេត្តឧត្ដរមានជ័យ ផ្ទុកមេរោគ​កូ​វីដ​១៩

ព័ត៌មានជាតិ៤៦ នាទី មុន

សាលាខណ្ឌ​ច្បារអំពៅ​បម្រើការងា​រដ្ឋបាល​ដូច​ធម្មតា​មិន​មាន​ការ​ផ្អាក​ឡើយ​

កូវីដ-១៩៥០ នាទី មុន

អាជ្ញាធរខេត្ត​ឧ​ត្ត​រ​មានជ័យ ប្រកាស​ព័ត៌មាន​ករណី​ស្លាប់​បុរស​ជនជាតិ​ខ្មែរ​អាយុ៦៣​ឆ្នាំ ដោយសារ​ជំងឺ​កូ​វីដ​-១៩

ព័ត៌មានខ្លីៗ១ ម៉ោង មុន

ពិន័យបុរសវៀតណាម ៣នាក់ ជិត ១,០០០ ដុល្លារ ព្រោះលួចចេញពីផ្ទះពេលធ្វើចត្តាឡីស័ក

ព័ត៌មានជាតិ១ ម៉ោង មុន

​សំណង់​មិន​រៀបរយ​លើ​ផ្ទៃ​ទឹក សង្កាត់​សំរោង​បាន​រុះរើ​និង​ចល័ត​៨១% និង​សង្កាត់​ព្រែក​ព្នៅ​បាន​រុះរើ​និង​ចល័ត​៧៤.៥%

Sokha Hotels

ព័ត៌មានពេញនិយម

Helistar Cambodia - Helicopter Charter Services