កីឡា

គូប្រកួតខ្លាំងៗប្រចាំសង្វៀន ONE: NEXTGEN II និង III នាខែវិច្ឆិកា ចេញហើយ

បានផុស

៥ years មុន

នៅ

ថ្ងៃសុក្រ ៨ តុលា ២០២១

ដោយ

ស្ថាប័នរៀបចំព្រឹត្តិការណ៍ប្រកួតក្បាច់គុន លំដាប់ពិភពលោកមួយនេះ នឹងរៀបចំកម្មវិធីប្រកួតចំនួន ២ ផ្សេងទៀតរួមមាន ONE: NEXTGEN II នៅថ្ងៃសុក្រទី១២ ខែ វិច្ឆិកា។ ពីរសប្ដាហ៍បន្ទាប់ កម្មវិធី ONE: NEXTGEN III នឹងត្រូវរៀបចំនៅថ្ងៃសុក្រទី២៦ ខែ វិច្ឆិកាខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កម្មវិធីទាំងពីរនឹងរៀបចំឡើងនៅ Singapore Indoor Stadium ប្រទេសសិង្ហបុរី។ កម្មវិធី ONE: NEXTGEN II មានជើងខ្លាំងមួយថៃលំដាប់ពិភពលោកឡើងមកប្រយុទ្ធគ្នាពាក់ហ្គង់គុនចម្រុះទម្ងន់ ៤ អោន។ កីឡាករមួយថៃលំដាប់កំពូលទម្ងន់ bantamweight, Saemapetch Fairtex នឹងសម្លឹងទៅរកការដណ្ដើមខ្សែក្រវាត់មួយថៃ ONE Bantamweight ជាមួយ Nong-O Gaiyanghadao ជាថ្មី។

ប៉ុន្តែ រូបគេនឹងជួបអ្នកចំណូលថ្មី Rittewada Petchyindee Academy ដែលជាជើងឯកមួយថៃពិភពលោកមួយសម័យ ចង់ធ្វើឲ្យល្អបំផុតពេលឡើងសង្វៀនលើកដំបូង។ ចំណែក គូឯករងនៃកម្មវិធី តម្រូវលើតារាកំពុងរះ Tang Kai និង “The Big Heart” Yoon Chang Min ត្រូវជួបគ្នាក្នុងទម្ងន់ featherweight លើប្រភេទគុណចម្រុះ។

ចំណែកគូឯកនៅ ONE: NEXTGEN III ដូចខាងក្រោម៖

សំណព្វចិត្តអ្នកគាំទ្រដែលតែងតែប្រកួតជក់ចិត្ត គឺ Lito “Thunder Kid” Adiwang និងតារាអាមេរិកកាំង Jarred “The Monkey God” Brooks បានផ្ដោះផ្ដងពាក្យសម្ដីនៅលើបណ្ដាញសង្គម។

ជាមួយគ្នានេះ អតីតម្ចាស់ខ្សែក្រវាត់ឃីកបុកសីង ONE Bantamweight កីឡាករ Alaverdi “Babyface Killer” Ramazanov ត្រលប់មកវិញលើកដំបូងតាំងពីរបូតខ្សែក្រវាត់កាលខែ មករា។ គេនឹងជួបអ្នកលេងកណ្ដាប់ដៃធ្ងន់ Pongsiri PK.Saenchai Muaythaigym ក្នុងនាមគូឯករង៕