កីឡា
អ៊ុយក្រែន ចេញទៅប្រមូលផ្ដុំនៅស្លូវេនី ត្រៀមប្រកួតជម្រុះ World Cup ក្រោយប្រទេសខ្លួនទទួលការឈ្លានពានពីរុស្ស៊ី
ក្រុមបាល់ទាត់ជម្រើសជាតិអ៊ុយក្រែន នឹងរៀបចំក្រុមចេញទៅបោះជំរំហ្វឹកហាត់សម្រាប់ការប្រកួតជម្រុះបាល់ទាត់ពិភពលោក (FIFA World Cup) នៅក្នុងប្រទេសស្លូវេនី បន្ទាប់ពីប្រទេសរបស់ខ្លួនបាននឹងកំពុងទទួលរងការឈ្លានពានពីរុស្ស៊ី។
អ៊ុយក្រែន នឹងស្នាក់នៅក្នុងសណ្ឋាគារមួយក្បែរទីលានហ្វឹកហាត់របស់ពួកគេ ដែលគ្រោងនឹងចាប់ផ្តើមការប្រមូលផ្ដុំនៅថ្ងៃទី ២៩ ខែមេសា ខាងមុខនេះ ដោយគ្រូបង្វឹក លោក Oleksandr Petrakov បានប្រកាសពីសមាជិកចំនួន ២៥ នាក់ ដែលរួមមានទាំងកីឡាករមកពីក្លិបនានានៅលីគកំពូលអ៊ុយក្រែន។ ដោយសារការប្រកួតបាល់ទាត់ក្នុងស្រុកប្រទេសអ៊ុយក្រែន ត្រូវបានផ្អាកចាប់តាំងពីរុស្ស៊ីបានចូលឈ្លានពានប្រទេស នៅថ្ងៃទី ២៤ ខែកុម្ភៈ មក កីឡាករទាំងអស់មិនបានប្រកួត និងហ្វឹកហាត់ក្នុងរយៈពេលជាច្រើនខែមកហើយ ដែលជាហេតុនាំឲ្យខ្វះខាតកម្លាំងសម្បទា។ អ៊ុយក្រែន នឹងត្រូវប្រកួតជាមួយ ស្កុតឡែន នៅកីឡដ្ឋាន Hampden Park ក្នុងទីក្រុង Glasgow នៅថ្ងៃទី ០១ ខែមិថុនា។ បន្ទាប់មកក្រុមឈ្នះនឹងត្រូវជួបក្រុមជម្រើសជាតិវែល ក្នុងទីក្រុង Cardiff នៅថ្ងៃទី ០៥ ខែមិថុនា ដើម្បីដណ្ដើមកៅអីមួយក្នុងការឡើងទៅប្រកួតបាល់ទាត់ពិភពលោក នៅប្រទេសកាតា នាចុងឆ្នាំ ២០២២។ អ៊ុយក្រែន, ស្កុតឡេន និងវេលស៍ កំពុងប្រជែងគ្នាដណ្តើមកៅអីចុងក្រោយសម្រាប់ World Cup ដោយដើមឡើយការប្រកួតត្រូវលេងកាលពីខែមុន ប៉ុន្តែត្រូវបានប្ដូរទៅខែមិថុនាវិញ ដោយសារជម្លោះនៅអ៊ុយក្រែន។ យ៉ាងណាមិញ ភាពមិនច្បាស់លាស់ជុំវិញការប្រកួតនៅតែមាន ទោះបីជា UEFA កំណត់កាលបរិច្ឆេទក្នុងសប្តាហ៍នេះក៏ដោយ។
ជាមួយគ្នានេះខ្សែបម្រើអ៊ុយក្រែន និងមកពីក្លិប Shakhtar Donetsk កីឡាករ Taras Stepanenko ដែលបានប្រកួតលើកចុងក្រោយកាលពីខែធ្នូ បានស្នើសុំ FIFA និង UEFA នៅដើមខែនេះ ឱ្យពន្យារពេលការប្រកួតបន្ថែមទៀត។ គ្រូបង្វឹក លោក Oleksandr Petrakov ធ្លាប់បានអត្ថាធិប្បាយថា «ដរាបណាមនុស្សនៅក្នុងប្រទេសរបស់ខ្ញុំនៅតែបន្តស្លាប់ ខ្ញុំមិនអាចគិតអំពីការប្រកួតនៅប្រទេសស្កុតឡេនបានទេ។»
គួរដឹងដែរថា រុស្សី ត្រូវបានដកចេញពីការប្រកួតជម្រុះ FIFA World Cup នៅ Path B ក្នុងការឆ្លើយតបទៅនឹងការវាយលុករបស់យោធាចូលទៅក្នុងប្រទេសអ៊ុយក្រែន ដែលនាំឱ្យក្រុមដែលគេត្រូវប៉ះ នៅវគ្គពាក់កណ្ដាលផ្ដាច់ព្រ័ត្រ (ប៉ូឡូញ) បានកៅអីទៅកាន់វគ្គផ្តាច់ព្រ័ត្រស្វ័យប្រវត្តិ ហើយពួកគេបានយកឈ្នះ ស៊ុយអែត ២-០ ដើម្បីបានកៅអីទៅ World Cup 2022។ សហព័ន្ធកីឡាបាល់ទាត់រុស្ស៊ី បានប្តឹងទៅតុលាការកីឡា សម្រាប់ការព្យួររបស់ FIFA លើក្រុមបាល់ទាត់ជម្រើសជាតិរបស់ខ្លួនផងដែរ។
សូមបញ្ជាក់ថា យោងតាមអង្គការសហប្រជាជាតិ យ៉ាងហោចណាស់ជនស៊ីវិល ១,៩៨២ នាក់ ត្រូវបានសម្លាប់នៅក្នុងប្រទេសអ៊ុយក្រែន បើទោះបីជាត្រូវបានគេបារម្ភថាតួលេខពិតប្រាកដគឺខ្ពស់ជាងឆ្ងាយ ហើយជនភៀសខ្លួនជាង ៤.៨លាននាក់ បានភៀសខ្លួនចេញពីប្រទេស៕
ប្រភព៖ insidethegames.biz
អត្ថបទ៖ មន្នីរ័ត្ន
ជនបរទេស១៣នាក់ ត្រូវឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា នៅសៀមរាប
លោកសន្តិបណ្ឌិត ឆៃ ស៊ីណារិទ្ធ អនុញ្ញាតឱ្យ ឯកអគ្គរដ្ឋទូតឥណ្ឌូនេស៊ី ចូលជួបសម្តែងការគួរសម
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ២ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៨ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ៦ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ