កីឡា
បន្ទាប់ពីកម្ពុជានិងថៃ ប្រទេសពីរជិតខាងគ្នាត្រៀមធ្វើម្ចាស់ផ្ទះរៀបចំកីឡាស៊ីហ្គេម
ព្រឹត្តិការណ៍ប្រកួតកីឡាប្រចាំតំបន់អាស៊ីអាគ្នេយ៍ (ឬហៅកាត់ថា ស៊ីហ្គេម) បន្ទាប់ពីកម្ពុជានៅឆ្នាំ២០២៣ និងថៃ នៅឆ្នាំ២០២៥ បានរកឃើញប្រទេសបន្តវេនធ្វើម្ចាស់ផ្ទះ ២ទៀតជាផ្លូវការសម្រាប់ឆ្នាំ២០២៧ និងឆ្នាំ២០២៩។
យោងតាមកិច្ចប្រជុំក្រុមប្រឹក្សាកីឡាអាស៊ីអាគ្នេយ៍ ធ្វើឡើងនៅទីក្រុងហាណូយ ប្រទេសវៀតណាម កាលពីព្រឹកថ្ងៃទី១២ ខែឧសភា ឆ្នាំ២០២២ នេះ គេសម្រេចបានម្ចាស់ផ្ទះស៊ីហ្គេម លើកទី៣៤ និងលើកទី៣៥ បន្ទាប់ពីបានលើកពេលនៃការសម្រេចចិត្តកាលពីខែមេសា កន្លងទៅពេលប្រជុំនៅខេត្តសៀមរាប ប្រទេសកម្ពុជា។

ចំពោះការសម្រេចផ្លូវការក្នុងកិច្ចប្រជុំលើកនេះ កីឡាស៊ីហ្គេមលើកទី៣៤ ឆ្នាំ២០២៧ និងធ្វើឡើងនៅប្រទេសម៉ាឡេស៊ី។ ប្រទេសនេះធ្លាប់បានធ្វើ ៦ដងរួចហើយ ពោលគឺបន្ទាប់ពីគេបានរៀបចំព្រឹត្តិការណ៍នេះលើកដំបូងនៅឆ្នាំ១៩៦៥ និងជាបន្តបន្ទាប់មកទៀតគឺនៅឆ្នាំ១៩៦៩, ១៩៧៧, ១៩៨៩, ២០០១ ហើយចុងក្រោយគឺឆ្នាំ២០១៧។

សម្រាប់កីឡាស៊ីហ្គេមលើកទី៣៥ ឆ្នាំ២០២៩ នឹងធ្វើឡើងនៅប្រទេសសិង្ហបុរី ខណៈគេធ្លាប់ធ្វើបាន ៤ដងរួចមកហើយ ដោយលើកដំបូងដែលសិង្ហបុរី ធ្វើជាម្ចាស់ផ្ទះស៊ីហ្គេម គឺនៅឆ្នាំ១៩៧៣ បន្ទាប់មកនៅឆ្នាំ១៩៨៣, ១៩៩៣ និងចុងក្រោយឆ្នាំ២០១៥។
បច្ចុប្បន្នស៊ីហ្គេម លើកទី៣១ ឆ្នាំ២០២១ (លើកមកប្រកួតឆ្នាំ២០២២) កំពុងតែដំណើរការនៅប្រទេសវៀតណាម។ បន្ទាប់មកកម្ពុជា នឹងធ្វើម្ចាស់ផ្ទះស៊ីហ្គេមលើកទី៣២ ឆ្នាំ២០២៣, លើកទី៣៣ ឆ្នាំ២០២៥ ធ្វើនៅប្រទេសថៃ, លើកទី៣៤ ឆ្នាំ២០២៧ ធ្វើនៅប្រទេសម៉ាឡេស៊ី និងលើកទី៣៥ ឆ្នាំ២០២៩ ធ្វើនៅប្រទេសសិង្ហបុរី។

គិតត្រឹមពេលនេះ ម៉ាឡេស៊ី ជាមួយថៃ នាំមុខជាប្រទេសធ្លាប់ធ្វើម្ចាស់ផ្ទះស៊ីហ្គេមច្រើនជាងគេក្នុងចំណោម ៣១ដង ពោលគឺ ៦ដងដូចគ្នា ខណៈសិង្ហបុរី ហ្វីលីពីន ជាមួយនឹងឥណ្ឌូនេស៊ី ធ្វើបាន ៤ដងដូចគ្នា, មីយ៉ាន់ម៉ា ៣ដង, វៀតណាម ២ដង និងព្រុយណេ ជាមួយឡាវ ម្នាក់ម្ដងដូចគ្នា ស្របពេលដែកម្ពុជានឹងធ្វើជាលើកដំបូងនៅឆ្នាំក្រោយ (២០២៣)៕
អត្ថបទ៖ មន្នីរ័ត្ន

-
ព័ត៌មានអន្ដរជាតិ២២ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២០ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?