កីឡា
កម្ពុជា រកមេដាយបាន ១៦គ្រឿង ក្នុងនោះមាស ២គ្រឿង នៅថ្ងៃទី១៩ នេះ ក្នុងស៊ីហ្គេមនៅវៀតណាម
អត្តពលិកកម្ពុជា បន្តរកមេដាយមាស បាន ២គ្រឿងបន្ថែមទៀតហើយ នៅថ្ងៃទី១៩ ខែឧសភា នេះ ក្នុងប្រភេទកីឡាចំបាប់ រួមជាមួយ ប៊ូល និងប៉េតង់ សម្រាប់ព្រឹត្តិការណ៍ស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម។
មេដាយមាសទី៦ រកបានដោយកីឡាការិនី អ៊ុន ស្រីយ៉ា, ស្រ៊ាង សុរ៉ាឃីម, ឃួន យ៉ារី និង ឌួង ឌីណា ក្រោយប្រកួតឈ្នះម្ចាស់ផ្ទះវៀតណាម លើវិញ្ញាសានារី ៣នាក់ទល់៣នាក់ ដោយពិន្ទុ ១៣-១១។ ក្រៅពីនេះវិញ្ញាសាបុរស ៣នាក់ទល់៣នាក់ កម្ពុជា រកបានត្រឹមមេដាយប្រាក់ ក្រោយចាញ់ថៃ ដោយលទ្ធផល ១-១៣។
កីឡាករ ស៊ូ បាលី ទទួលបានមេដាយមាស ក្រោយយកឈ្នះកីឡាករឡាវ ១០-០ នៅវគ្គផ្តាច់ព្រ័ត្រ ក្នុងវិញ្ញាសាបុរស Freestyle ទម្ងន់១២៥គីឡូក្រាម។ ខណៈចំបាប់នេះ ក៏រកមេដាយប្រាក់ បាន ១បន្ថែមដោយកីឡាករ ម៉ូ សារី ក្នុងវិញ្ញាសាទម្ងន់ ៩៧គីឡូក្រាម។ និងសំរឹទ្ធ២ ដោយកីឡាករ ហេង វុទ្ធី ក្នុងវិញ្ញាសាទម្ងន់ ៨៦គីឡូក្រាម ជាមួយកីឡាករ សឿន សុភាស់ ក្នុងវិញ្ញាសា Freestyle ទម្ងន់ ៥៧គីឡូក្រាម។
ដោយឡែកកីឡាវ៉ូវីណាម នៅថ្ងៃនេះបន្ថែមមេដាយបាន ៣ រួមមានប្រាក់១ ដោយកីឡាការិនី ជុក សូម៉ាលី លើវិញ្ញាសាប្រយុទ្ធទម្ងន់ ៦៥គីឡូក្រាម។ កីឡាករ អេ អាំម៉ារីនភូថង ទទួលបានមេដាយសំរឹទ្ធ ក្រោយចាញ់ឡាវ វគ្គពាក់កណ្ដាលផ្ដាច់ព្រ័ត្រ ក្នុងវិញ្ញាសាប្រយុទ្ធ ទម្ងន់ ៦០គីឡូក្រាម និងសំរឹទ្ធមួយទៀត លើវិញ្ញាសាសម្ដែងគុនដាវនារីជាគូ។
កីឡាតេក្វាន់ដូ រកមេដាយសំរឹទ្ធបាន ១បន្ថែមទៀតផងដែរ ដោយកីឡាការិនី ថិប កាសាន់ទ្រីនីកូល ក្នុងវិញ្ញាសាប្រយុទ្ធទម្ងន់ក្រោម ៦២គីឡូក្រាម។
មេដាយសំរឹទ្ធ ៣ផ្សេងទៀត គឺកីឡាករ-កីឡាការិនី ការ៉ាតេកម្ពុជា រកបានកីឡាការិនី លីម សុខវិច្ឆិកា ទម្ងន់ក្រោម ៥៥គីឡូក្រាម, កីឡាការិនី វណ្ណ សូដានីហេន ទម្ងន់ ៦៨គីឡូក្រាម និងកីឡាករ ជូន មីឡាតម៉ាដាស ទម្ងន់ក្រោម ៧៥គីឡូក្រាម។
មួយទៀតគឺកីឡាការិនី អ៊ឹង នួន បានឈ្នះមេដាយសំរឹទ្ធ លើកីឡាយូដូ វិញ្ញាសានារីទម្ងន់ ក្រោម ៦៣គីឡូក្រាម។
ចុងក្រោយគឺកីឡាប្រដាល់សកល ដោយកីឡាករ ហ៊ុន គឹមហ៊ាង ប្រកួតចាញ់កីឡាករ ទីម័រ ដោយសន្លប់នៅក្នុងទឹកទី២ លើវិញ្ញាសាទម្ងន់ ៧៥គីឡូក្រាម។ និងកីឡាការិនី វី ស្រីស្រស់ ក៏ទទួលបានមេដាយសំរឹទ្ធដូចគ្នា ក្រោយចាញ់ថៃ ក្នុងវិញ្ញាសា ទម្ងន់ ៥៧គីឡូក្រាម។
ដូច្នេះគិតត្រឹមថ្ងៃទី១៩ ខែឧសភានេះ កម្ពុជា ឈ្នះមេដាយសរុប ៤០ គ្រឿង ក្នុងនោះមាស ៦គ្រឿង ប្រាក់ ៩គ្រឿង និងសំរឹទ្ធ ២៥គ្រឿង។
មេដាយមាស ៦គ្រឿង មានលើប្រភេទកីឡាឃីកបុកស៊ីង, កីឡាប៊ូល និងប៉េតង់, កីឡាវ៉ូវីណាម, កីឡាតេក្វាន់ដូ WT និងកីឡាចំបាប់។ ចំពោះមេដាយប្រាក់ ៩គ្រឿង លើកីឡាឃីកបុកស៊ីង, កីឡាប៊ូល និងប៉េតង់, កីឡាតេក្វាន់ដូ WT, កីឡាវ៉ូវីណាម និងកីឡាចំបាប់។ មេដាយសំរឹទ្ធ២៥ មាននៅលើកីឡាឃីកបុកស៊ីង, កីឡាប្រណាំងទូក, កីឡាប៊ូល និងប៉េតង់, កីឡាជឺជីតស៊ូ, កីឡាវូស៊ូ, កីឡាតេក្វាន់ដូ WT, កីឡាវ៉ូវីណាម, កីឡាចាំបាប់, កីឡាការ៉ាតេ, កីឡាប្រដាល់សកល និងកីឡាយូដូ៕
ដោយ ៖ មន្នីរ័ត្ន
ឧកញ៉ា ឡេង ប្រុស ឧបត្ថម្ភថវិកា ១០លានរៀលភ្លាមដល់កីឡាករ ឡុង ជិន សង់ផ្ទះក្រោយខ្យល់ខ្លាំងបាក់រំលំខ្ទិចអស់
គណបក្សប្រជាជនកម្ពុជាទីក្រុងមែលប៊ន អបអរសាទរខួបអនុស្សាវរីយ៍លើកទី៧១ ថ្ងៃបង្កើតគណបក្ស
ខួបលើកទី៥៥ នៃទំនាក់ទំនងការទូតរវាងកម្ពុជា-វៀតណាម
លោក ញឹក ប៊ុនឆៃ៖ អ្នកសង្កេតការណ៍ជាតិ អន្តរជាតិ មិនបានរៀបចំឱ្យនិយាយល្អពីកម្ពុជាទេ
សមត្ថកិច្ចដកហូតកាំភ្លើងពិត និងកែច្នៃជាង ៤០ ដើមក្រោយករណីផ្ទុះអាវុធបណ្ដាលឱ្យអធិការរងនគរបាលក្រុងព្រះសីហនុរងរបួស
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ជីវិតកម្សាន្ដ២ ថ្ងៃ មុនហេង សុទ្ធនិស្ស័យ លំដាប់រងទី ១ Miss Universe Cambodia មានប្រវត្តិជោគជ័យមិនធម្មតា
-
ជីវិតកម្សាន្ដ៤ ថ្ងៃ មុនដឹងប្រវត្តិកូនប្រុស-ស្រី តារាជើងចាស់ ៧ រូបនេះហើយ ពិតជាស្ងើចសរសើរមិនខាន
-
ជីវិតកម្សាន្ដ៥ ថ្ងៃ មុនតែកន្លះឆ្នាំសោះ តារាស្រី ថៃ ៣គូ ប្រកាសផ្ដាច់ទំនាក់ទំនងជាមួយមិត្តប្រុស
-
សន្តិសុខសង្គម២ ថ្ងៃ មុនសម្លាប់គូស្នេហ៍រួចដេកឱបសពរហូតជះក្លិនទៅក្រៅទើបបែកការដល់សមត្ថកិច្ច
-
ជីវិតកម្សាន្ដ៤ ថ្ងៃ មុនឃើញរង្វាន់ Miss Universe Vietnam 2022 ទើបដឹងថា អស្ចារ្យប៉ុនណា
-
KPT+១ ថ្ងៃ មុនប្រឡូកសិល្បៈ១៤ឆ្នាំ គ្មានអ្នកនឹកស្មានថា Ariana Grande ទទួលបានសមិទ្ធផលច្រើនដល់ម្លឹង
-
វប្បធម៌ ជំនឿ៦ ថ្ងៃ មុនវត្ថុតុបតែងគេហដ្ឋាន ៥ យ៉ាង ជួយបង្កើនហុងស៊ុយ និងនាំភាពត្រជាក់ត្រជំ ដល់ម្ចាស់ផ្ទះ
-
ព័ត៌មានជាតិ៦ ថ្ងៃ មុនប្រទេសកម្ពុជា ខ្លាថ្មីនៅអាស៊ី ប្រកាសឡើងវិញនូវច្បាប់អន្តោប្រវេសន៍ ដែលមានភាពពេញលេញ