កីឡា

សហព័ន្ធកីឡាបាល់ទាត់កម្ពុជា ត្រៀមទឹកប្រាក់ ១៦ ម៉ឺនដុល្លារ ដល់ក្រុមជម្រើសជាតិ

បានផុស

៤ years មុន

នៅ

ថ្ងៃអាទិត្យ ៥ មិថុនា ២០២២

ដោយ

សហព័ន្ធកីឡាបាល់ទាត់កម្ពុជា នាល្ងាចថ្ងៃទី០៤ ខែមិថុនា ឆ្នាំ២០២២ នេះ បានប្រកាសពីការត្រៀមទឹកប្រាក់ ១៦ ម៉ឺនដុល្លារអាមេរិក ដល់ក្រុមជម្រើសជាតិកម្ពុជា ក្នុងការចេញទៅប្រកួតពានរង្វាន់ជើងឯកទ្វីបអាស៊ី វគ្គជម្រុះ (AFC Asian Cup 2023 Qulification) នៅប្រទេសឥណ្ឌា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការបញ្ជាក់ថា សហព័ន្ធកីឡាបាល់ទាត់កម្ពុជា នឹងឧបត្ថម្ភក្រុមជម្រើសជាតិកម្ពុជាក្នុងការចេញទៅប្រកួតនៅប្រទេសឥណ្ឌានេះ ដែលរួមមានទឹកប្រាក់ចំនួន ៤ ម៉ឺនដុល្លារ (40,000 USD) ផ្ដល់សម្រាប់លើកទឹកចិត្ត និងការធ្វើដំណើរ និង ១២ ម៉ឺនដុល្លារ បន្ថែម (120,000 USD) ប្រសិនបើអាចនាំក្រុមឡើងទៅវគ្គផ្ដាច់ព្រ័ត្រ ដោយឆ្លងវគ្គជម្រុះចុងក្រោយនេះ។

សូមបញ្ជាក់ជាថ្មីថា ក្រុមជម្រើសជាតិឈុតធំ នឹងចាប់ផ្ដើមបេសកកម្មការប្រកួតជម្រុះជើងឯកទ្វីបអាស៊ី (AFC Asian Cup) ជុំចុងក្រោយ ក្នុងពូល D លើទឹកដីកណ្ដាលនៃប្រទេសឥណ្ឌា ដោយកម្ពុជា រួមពូលជាមួយម្ចាស់ផ្ទះឥណ្ឌា, អាហ្វហ្គានីស្ថាន និងហុងកុង ដែលការប្រកួតនឹងធ្វើឡើងនៅថ្ងៃទី ០៨ ថ្ងៃទី ១១ និងថ្ងៃទី ១៤ ប្រកួតតែមួយជុំប៉ុណ្ណោះ។

ថ្ងៃទី ០៨ កម្ពុជា ជួបជាមួយ ម្ចាស់ផ្ទះ ឥណ្ឌា វេលាម៉ោង ៥:៣០ នាទីល្ងាច។ ថ្ងៃទី ១១ កម្ពុជា ជួប ហុងកុង នៅវេលាម៉ោង ៥:៣០ នាទីល្ងាចដូចគ្នា និងថ្ងៃចុងក្រោយទី ១៤ ជួប អាហ្វាហ្គានីស្ថាន វេលាម៉ោង ៩:០០ នាទីយប់៕

អត្ថបទ៖ មន្នីរ័ត្ន

Related Topics:សហព័ន្ធកីឡាបាល់ទាត់កម្ពុជា