កីឡា
ហុងកុង កោះហៅអ្នកចាំទីដៃទី ៤ មកជួយក្រុម ដើម្បីត្រៀមជួបកម្ពុជាល្ងាចនេះ
ក្រុមហុងកុង បានសម្រេចកោះហៅអ្នកចាំទីជម្រើសទី ៤ ខណៈដែលបញ្ហាជំងឺបានបំផ្លាញក្រុមរបស់ខ្លួន នៅក្នុងប្រទេសឥណ្ឌា មុនការប្រកួតវគ្គជម្រុះជុំចុងក្រោយ ជើងឯកទ្វីបអាស៊ី (AFC Asian Cup 2023 Qualifiers Final Round) ដ៏សំខាន់ជាមួយ កម្ពុជា ល្ងាចនេះ។
អ្នកចាំទី Ng Wai-him មកពីក្លិប Kwun Chung Southern បានហោះទៅប្រទេសឥណ្ឌាកាលពីយប់ថ្ងៃសុក្រ ភ្លាមៗបន្ទាប់ពីទទួលបានទិដ្ឋាការចូល ដោយអ្នកចាំទី ៣ នាក់របស់ក្រុមនៅក្នុងប្រទេសឥណ្ឌា មានបញ្ហារបួស និងបញ្ហាជំងឺ។
អ្នកចាំទីជម្រើសទី៣ Wang Zhenpeng មកពីក្លិប Kitchee បានឱកាសបង្ហាញខ្លួនក្នុងការប្រកួតដំបូងរបស់ហុងកុង ទល់នឹងអាហ្វហ្គានីស្ថាន កាលពីថ្ងៃពុធ ដោយជំនួសអ្នកចាំទីដៃទី ១ Yapp Hung-fai និងអ្នកចាំទីដៃទី ២ Wang Paulo Argolo។
អ្នកចាំទីទាំង៣ បានជួបបញ្ហា ដោយ Wang មានរោគសញ្ញាតិចបំផុតក្នុងចំណោមពួកគេ ដែលជំរុញឱ្យមានការកោះហៅ Ng សមាជិកនៃក្រុមអាយុក្រោម២៣ឆ្នាំ ដែលកំពុងហ្វឹកហាត់សម្រាប់ការប្រកួត EAFF Championships ខែក្រោយ នៅប្រទេសជប៉ុន។
ស្ថានភាពជំងឺបានបន្តកើតមានទៅលើក្រុម នៅក្នុងទីក្រុង Kolkata ដោយកីឡាករមួយចំនួនមានអាការៈរាគ គ្រុនក្តៅ និងឈឺក្បាល រួមជាមួយនឹងសមាជិកចំនួន ៥ នាក់ ក្នុងនោះមានកីឡាករ ២ នាក់ និងមន្ត្រី ៣ នាក់បានធ្វើតេស្តវិជ្ជមានកូវីដ-១៩។
ហុងកុង ត្រូវការឈ្នះ កម្ពុជា ដាច់ខាត ល្ងាចនេះដែលជ័យជម្នះទំនងជានឹងធ្វើឱ្យពួកគេឆ្លងផុតទៅជុំផ្ដាច់ព្រ័ត្រ ជាលើកដំបូងក្នុងរយៈពេលជាង ៥០ ឆ្នាំ។
សូមបញ្ជាក់ថា ការប្រកួតរវាង កម្ពុជា ដែលត្រូវប៉ះ ហុងកុង នឹងចាប់ផ្ដើមនៅវេលាម៉ោង ៦:៣០ នាទីល្ងាច ម៉ោងនៅកម្ពុជា ថ្ងៃទី ១១ ខែមិថុនា ស្អែកនេះ និងមានការផ្សាយផ្ទាល់តាមរយៈស្ថានីយទូរទស្សន៍បាយ័ន និង BTV News ផងដែរ៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ