កីឡា

ពាក្យថា«គុនខ្មែរ»មានឈ្មោះក្នុងបញ្ជីកីឡាសម្រាប់ស៊ីហ្គេមនៅកម្ពុជា

បានផុស

៤ years មុន

នៅ

ថ្ងៃពុធ ១៣ កក្កដា ២០២២

ដោយ

កីឡាប្រដាល់«គុនខ្មែរ»ស្ថិតក្នុងបញ្ជីឈ្មោះប្រភេទកីឡាទាំង៣៩ដែលត្រូវបានអនុម័តដោយក្រុមប្រឹក្សាសហព័ន្ធកីឡាអាស៊ីអាគ្នេយ៍ (SEAGF) សម្រាប់ការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុម័លើប្រភេទកីឡាជាផ្លូវការនេះត្រូវបានធ្វើឡើងនៅកិច្ចប្រជុំក្រុមប្រឹក្សាសហព័ន្ធកីឡាអាស៊ីអាគ្នេយ៍ (SEAGF Council) លើកទី២ នៅសណ្ឋាគាររ៉េស៊ីដង់សុខាភ្នំពេញរយៈពេល ៣ថ្ងៃ ពីថ្ងៃទី១១-១៣ ខែកក្កដា ឆ្នាំ២០២២។ គណៈកម្មការបានប្រើឈ្មោះ«គុនខ្មែរ» ប៉ុន្តែនៅក្នុងរង្វង់ក្រចកដាក់«មួយ»។គណៈកម្មការបានប្រើឈ្មោះ«គុនខ្មែរ» ប៉ុន្តែនៅក្នុងរង្វង់ក្រចកដាក់«មួយ»។

ក្រៅពីកីឡា៣៩ប្រភេទត្រូវបានដាក់ឲ្យប្រកួតដណ្តើមមេដាយជាផ្លូវការ ក៏មានកីឡា១ប្រភេទគឺកីឡា Teqball ត្រូវបានដាក់បញ្ចូលជាកីឡាសម្តែង(Demonstration Sport។ មានន័យថា កីឡានេះជាការប្រកួតសម្តែង ប៉ុន្តែមិនមែនជាការប្រកួតដណ្តើមមេដាយទេ។ ជាមួយគ្នានេះក៏

មានកីឡាចំនួន ៦ប្រភេទេកំពុងស្ថិតនៅក្នុងការពិចារណា។ ដូច្នេះមានន័យថា ប្រភេទកីឡាទាំងអស់អាចនឹងមានលើសពី៣៩ ប្រសិនបើសម្រេចដាក់បន្ថែមកីឡាណាមួយទៀតក្នុងចំណោមកីឡាពិចារណា៦។

កីឡាទាំង៣៩ រួមមាន៖

១. អត្តពលកម្ម (Track&Field និង ម៉ារ៉ាតុង)
២. កីឡាលើទឹក (ហែលទឹក, លោតទឹក និងបាល់ទឹក)។
៣. វាយសី
៤. បាល់បោះ (៥×៥ និង ៣×៣),
៥. ប៊ីយ៉ា ស្នូកឃ័រ,
៦. ប្រដាល់សកល
៧. ប្រណាំងទូកប្រពៃណី
៨. អុក (អុកចត្រង្គ និងអុកចិន)
៩. គ្រីឃីត
១០. ទោចក្រយាន (កង់គួក និងកង់ភ្នំ)
១១. កីឡារាំ
១២. បាល់ទាត់
១៣. គុនដាវ
១៤. ហែលទឹកជើងទា
១៥. វាយកូនហ្គោល
១៦. កាយសម្ព័ន្ធ (Aerobic and Artistic)
១៧. ហុកគី (រួមបញ្ចូលក្នុងសាល និងក្រៅសាល)
១៨. យូដូ
១៩. ការ៉ាតេ
២០. គុនខ្មែរ (មួយ)
២១. ប៉េតង់
២២. ទូកក្ដោង
២៣. សីដក់ (រួមបញ្ជូលសីឈិនឡូន)
២៤. បញ្ចសីលា
២៥. សូហ្វតេន្នីស
២៦. វាយកូនឃ្លីលើតុ
២៧. តេក្វាន់ដូ WT
២៨. វាយកូនបាល់
២៩. ទ្រីយ៉ាត្លុង (រួមទាំង អាគ័រត្លុង និងឌូអាត្លុង)
៣០. បាល់ទះ (ក្នុងសាល និងលើឆ្នេរខ្សាច់)
៣១. លើកទម្ងន់
៣២. ចំបាប់
៣៣. វ៉ូស៊ូ
៣៤. កាយវប្បកម្ម
៣៥. កីឡាអេឡិចត្រូនិក
៣៦. កីឡា Floorball
៣៧. ម៉ូតូទឹក
៣៨. យុទ្ធគុនចម្រុះ (គុនល្បុក្កតោ, Arnis គុនដំបងរបស់ហ្វីលីពីន, ជឺជីតស៊ូ, ឃីកបុកស៊ីង, យុទ្ធគុនចម្រុះកូរ៉េ ITF និង វ៉ូវីណាម)
៣៩. កីឡាឧបសគ្គ៕