កីឡា
ជម្រើសជាតិនារីកម្ពុជា បំបែកកំណត់ត្រាផ្ទាល់ខ្លួន ក្នុងពានបាល់ទាត់នារី ប្រចាំតំបន់អាស៊ីអាគ្នេយ៍
ក្រុមបាល់ទាត់ជម្រើសជាតិកម្ពុជា រកបាន ៣ ពិន្ទុលើកដំបូង ក្នុងពានរង្វាន់ជើងឯកនារីអាស៊ាន (AFF Women’s Championship 2022) ជាផ្លូវការហើយ ក្រោយយកឈ្នះក្រុមជម្រើសជាតិនារីទីម័រខាងកើត ក្នុងជំនួបបិទពូល B ដោយលទ្ធផល ៣-១ នាល្ងាចថ្ងៃទី ១៣ ខែកក្កដាម្សិលមិញ។
ក្នុងការប្រកួតកម្ពុជា មានប្រៀបជាងទីម័រខាងកើត ដោយគ្រាន់តែចាប់ផ្ដើមការប្រកួតភ្លាមក៏អាចមានឱកាសទាត់ចូលភ្លាមដោយ កីឡាការិនី ភឿង ស្រីភាស់ បានរកគ្រាប់នាំមុខឱ្យកម្ពុជា ក្រោយមកទៀតកីឡាការិនី បាន ជាវ៉ៃ បានរកគ្រាប់បាល់ទី ២ ឱ្យនារីកម្ពុជាបន្ថែមទៀត ហើយក៏បន្ថែមគ្រាប់ទី ៣ នៅនាទី ៤៥ ដោយកីឡាការិនី គៀត ស៊ីវហ័ង បានរក្សាលទ្ធផល ៣-០ ដល់ចប់វគ្គទី ១។ ខណៈនៅវគ្គទី ២ ទីម័រខាងកើត ក៏សងវិញបាន ១ គ្រាប់ និងបញ្ចប់ការប្រកួតដោយនារីកម្ពុជា ឈ្នះទីម័រខាងកើត ៣-១។
ជ័យជម្នះនេះ បានធ្វើឱ្យក្រុមជម្រើសជាតិនារីកម្ពុជា បានបំបែកកំណត់ត្រាផ្ទាល់ខ្លួនក្នុងពានរង្វាន់ជើងឯកនារីអាស៊ាន (AFF Women’s Championship 2022) ដោយអាចរកបាន ៤ ពិន្ទុជាលើកដំបូង ដ្បិតការចូលរួម ២ លើកកន្លងមក ធ្លាប់រកបានត្រឹម ៣ ពិន្ទុកាលពីឆ្នាំ ២០១៨ និងនៅឆ្នាំ ២០១៩ មិនអាចរកពិន្ទុបានឡើយ។
អ្វីដែលគួរឱ្យកត់សម្គាល់ទៀតនោះ គឺការរបូតគ្រាប់បាល់ ដែល ២ លើកកន្លងមក នារីកម្ពុជា របូតគ្រាប់បាល់មិនតិចជាង ១០ គ្រាប់ឡើយ ជាក់ស្ដែងកាលពីឆ្នាំ ២០១៨ របូតគ្រាប់បាល់ដល់ទៅ ២៧ គ្រាប់ ទូទាត់សងវិញនៅសល់ -១៥ គ្រាប់ ហើយនៅឆ្នាំ ២០១៩ របូតគ្រាប់បាល់ ២៤ គ្រាប់ ទូទាត់សងវិញនៅសល់ -២៣ គ្រាប់ ដោយឡែកឆ្នាំ ២០២២ នេះ របូតគ្រាប់បាល់ ៨ គ្រាប់ ទូទាត់សងវិញនៅសល់ -៤ គ្រាប់។
លទ្ធផលសរុបរបស់នារីកម្ពុជា ក្នុងពានរង្វាន់ដដែលនេះសម្រាប់ឆ្នាំ ២០២២ គឺឈរនៅលេខ ៣ ក្នុងពូល B ក្រោយប្រកួត ៤ ដង ឈ្នះ ១ ស្មើ ១ និងចាញ់ ២ មាន ៤ ពិន្ទុ ខណៈក្រុមនារីវៀតណាម ឈរលេខ ១ និង នារីមីយ៉ាន់ម៉ា ឈរលេខ ២ បានឡើងទៅវគ្កពាក់កណ្ដាលផ្ដាច់ព្រ័ត្រ ខណៈឡាវ ឈរលេខ ៤ និងទីម័រខាងកើត ស្ថិតបាតតារាង៕
អត្ថបទ៖ មន្នីរ័ត្ន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ