កីឡា

កម្ពុជាឈរលេខ១ ក្នុងចំណោមប្រទេសប្រកួតកីឡាប៉េតង់នៅ World Games

បានផុស

៤ ខែ មុន

នៅ

ថ្ងៃអង្គារ ១៩ កក្កដា ២០២២

ដោយ

ព្រឹត្តិការណ៍ប្រកួតកីឡាពិភពលោក (World Games) លើកទី១១ ឆ្នាំ២០២២ បានបញ្ចប់ហើយ បន្ទាប់ពីប្រកួតពីថ្ងៃទី៧ ដល់ទី១៧ ខែកក្កដា នៅសហរដ្ឋអាមេរិក។ ដោយឡែក កម្ពុជាបានបញ្ជូនកីឡាមួយប្រភេទប៉ុណ្ណោះគឺប៉េតង់ដែលមានកីឡាការិនី២រូបប្រកួតលើ២វិញ្ញាសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាប៊ូល និងប៉េតង់ ត្រូវបានដាក់ឲ្យប្រកួតក្នុងព្រឹត្តិការណ៍ World Games ឆ្នាំ២០២២នេះមានតែ៤វិញ្ញាសាប៉ុណ្ណោះ។ ជាលទ្ធផល ប៉េតង់កម្ពុជាមានកីឡាការិនីពីររូបលេង២វិញ្ញាសាឈ្នះមេដាយមាសទាំងពីរវិញ្ញាសាគឺ អ៊ុក ស្រីមុំ ឈ្នះមេដាយមាសវិញ្ញាសា វាយយកពិន្ទុ និងចាប់ដៃគូជាមួយ អ៊ុន ស្រីយ៉ា ឈ្នះមេដាយមាសវិញ្ញាសាគូនារី២ទល់២។ មេដាយមាស២គ្រឿងទៀតបានទៅលើកីឡាការិនីក្រូអាត Nives Jelovica និងកីឡាការិនីបារាំង Ophelie Armanet។

ប្រទេសជុំវិញពិភពលោកដែលបានចូលរួមប្រកួតលើប្រភេទកីឡាប៊ូល និងប៉េតង់មានចំនួន១៥ប្រទេស ហើយមានតែប្រទេស៧ប៉ុណ្ណោះដែលឈ្នះបានមេដាយ។ ប៉េតង់កម្ពុជាឈរលេខ១តាមរយៈឈ្នះមេដាយមាស២គ្រឿង។ បារាំង និងក្រូអាតឈរលេខ២ស្មើគ្នាដោយពួកគេឈ្នះមេដាយមាស១ និងប្រាក់១ដូចគ្នា។ អ៉ីតាលីឈរលេខ៤ ដោយឈ្នះមេដាយប្រាក់១ និងសំរឹទ្ធ១ ហើយលេខ៥អាមេរិកឈ្នះមេដាយប្រាក់១ លេខ៦ថៃឈ្នះមេដាយសំរឹទ្ធ២ និងស៊ែប៊ីលេខ៧ដោយឈ្នះមេដាយសំរឹទ្ធ១។

បើនិយាយពីតារាងចំណាត់ថ្នាក់មេដាយសរុបគ្រប់ប្រភេទកីឡាវិញ កម្ពុជាស្ថិតនៅលេខរៀងទី៣១ ស្មើជាមួយនឹងវៀតណាមដែលឈ្នះមេដាយមាស២គ្រឿងដូចគ្នា ហើយប្រទេសអាល្លឺម៉ង់ឈរចំណាត់ថ្នាក់១ជាមួយនឹងការឈ្នះមេដាយមាស២៤ ប្រាក់៧ និងសំរឹទ្ធ១៦។

តារាងមេដាយ