កីឡា
គ្រូបង្វឹក U16 ថា កម្ពុជាសំណាងល្អ ដែលអាចហ្វឹកហាត់ មុនការប្រកួត AFF U-16 មកដល់
លោក Inoue Kazunori គ្រូបង្វឹកនៃក្រុមបាល់ទាត់ជម្រើសជាតិកម្ពុជា អាយុក្រោម ១៦ឆ្នាំ បានលើកឡើងថា កម្ពុជា មានសំណាងដោយសារនៅតែអាចហ្វឹកហាត់ក្នុងអំឡុងពេលកូវីដ១៩ និងបានហ្វឹកហាត់ជាមួយគ្នាបានល្អ មុនការប្រកួត AFF U-16 មកដល់។
និយាយដូច្នេះ គឺនៅក្នុងសន្និសីទសារព័ត៌មានមុនការប្រកួតពានរង្វាន់ជើងឯកយុវជនអាយុក្រោម ១៦ ឆ្នាំអាស៊ាន (AFF U-16 Boys Championship 2022) ដែលពូល A និង B បានចាប់ផ្ដើមម្សិលមិញ ខណៈពូល C កម្ពុជា នឹងត្រូវប្រកួតនៅថ្ងៃទី ០២ ខែសីហា ស្អែកនេះតទៅ។
លោក Inoue Kazunori បាននិយាយដូច្នេះថា៖ «យើងមានសំណាងដែលបានចូលហ្វឹកហាត់ជាមួយកីឡាករ ទោះបីមានកូវីដ-១៩ ក៏ដោយ។ យើងបានហ្វឹកហាត់យ៉ាងល្អជាមួយគ្នាកាលពីឆ្នាំមុន ទោះបីជាយើងមិនអាចចូលរួមប្រកួតបានច្រើនក៏ដោយ។»
និយាយដូចនេះ គឺចំពេលដែលគ្រូបង្វឹករបស់ក្រុមរួមពូលដទៃទៀតមួយចំនួន បានបង្ហាញពីការហ្វឹកហាត់ជុំគ្នាបានច្រើនរៀងៗខ្លួនផងដែរ។
គ្រូបង្គោល U-16 អូស្ត្រាលី លោក Phil Myall បានលើកឡើងថា៖ «យើងមានការរៀបចំជំរំជាច្រើននៅជុំវិញប្រទេសអូស្ត្រាលី ខណៈដែលយើងសម្លឹងរកការអភិវឌ្ឍកីឡាករជំនាន់ក្រោយ។ ផែនការគឺដើម្បីប្រកួតប្រជែងនៅទីនេះ ដែលការផ្តោតអារម្មណ៍របស់យើងនឹងទៅលើក្រុមរបស់យើងផ្ទាល់ ជាជាងលើគូប្រកួតរបស់យើង។»
លោក Aung Zaw yo គ្រូបង្គោល U-16 មីយ៉ាន់ម៉ា បាននិយាយផងដែរថា៖ «យើងមានពេលប្រហែល ១២សប្តាហ៍ដើម្បីរៀបចំក្រុមនេះ។ មិនពិបាកក្នុងការយកកីឡាករមកជុំគ្នាទេ ព្រោះកីឡាករសុទ្ធតែមកពីសាលាបាល់ទាត់ជាតិ។ ខ្ញុំគិតថា យើងបានរៀបចំយ៉ាងល្អ ហើយយើងទន្ទឹងរង់ចាំការប្រកួតនេះ។»
«ការរៀបចំរបស់យើងគឺល្អ ហើយយើងទន្ទឹងរង់ចាំការប្រកួតដ៏ល្អមួយចំនួន។ ឥណ្ឌូណេស៊ីអាចជាកន្លែងប្រកួតដ៏ល្អសម្រាប់ពួកយើង ប៉ុន្តែសម្រាប់ខ្ញុំ ទីលានមិនមែនជាបញ្ហាទេ។ វាសំខាន់ណាស់ដែលយើងព្យាយាមធ្វើឱ្យបានល្អដោយខ្លួនឯង។» សម្ដីរបស់ លោក Osmeira Omaro គ្រូបង្គោល U19 ម៉ាឡេស៊ី។
សូមបញ្ជាក់ថា U-16 កម្ពុជា ចាប់ផ្ដើមប្រកួតដំបូងនៅថ្ងៃទី ០២ ខែសីហា ឆ្នាំ២០២២ ដោយនឹងត្រូវជួប U-19 ម៉ាឡេស៊ី។ ប្រកួតទី ២ U-16 កម្ពុជា ត្រូវជួប U-16 អូស្ត្រាលី នៅថ្ងៃទី ០៥ និងប្រកួតចុងក្រោយថ្ងៃទី ០៨ ជួប U-16 មីយ៉ាន់ម៉ា។ ការប្រកួតយកតែ ១ ក្រុមប៉ុណ្ណោះ ដើម្បីឡើងទៅវគ្គបន្ត ដោយមាន ២ ពូលផ្សេងទៀតដូចជាពូល A ឥណ្ឌូណេស៊ី, វៀតណាម, ហ្វីលីពីន និងសិង្ហបុរី។ ពូល B មានថៃ, ទីម័រខាងកើត, ឡាវ និងព្រុយណេ៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ២០ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន