កីឡា
អ៊ាន ពិសី ប្រាប់ថា ការតេស្តរត់កម្លាំងអំណត់ 30-15IFT ល្អខ្លាំង
ក្រុមបាល់ទាត់ជម្រើសជាតិកម្ពុជាដែលក្នុងបញ្ជីឈ្មោះបឋមក្រុមធំមាន៤០រូប និងក្រុមអាយុក្រោម២៣ឆ្នាំមាន៣៥រូបបានធ្វើតេស្តរត់កម្លាំងអំណត់ 30-15 Intermittent Fitness Test ដើម្បីជ្រើសរើសយកបញ្ជីឈ្មោះចុងក្រោយត្រៀមប្រកួតមិត្តភាពអន្តរជាតិជាមួយ U23 ជប៉ុននៅថ្ងៃទី២០ ខែកញ្ញា និងជម្រើសជាតិបង់ក្លាដែស នៅថ្ងៃទី២២ ខែកញ្ញា។
តាមរូបភាពដែលសហព័ន្ធកីឡាបាល់ទាត់កម្ពុជាបានបង្ហោះកាលពីល្ងាចថ្ងៃទី១៣ ខែកញ្ញាម្សិលមិញដែលជាថ្ងៃដំបូងនៃការធ្វើតេស្ត 30-15IFT នេះបង្ហាញឲ្យឃើញពីការប្រឹងប្រែងរត់យ៉ាងខ្លាំងរបស់កីឡាករ ដែលបើកញើស អស់កម្លាំង នឿយហត់ និងស្ទើរតែក្រោកដើរលែងរួច។
ជុំវិញការធ្វើតេស្តនេះ កីឡាករ អ៊ាន ពិសី មកពីក្លឹបព្រះខ័នរាជស្វាយរៀង ដែលរូបគេតេស្តក្នុងក្រុមយុវជនអាយុក្រោម២៣ឆ្នាំបានប្រាប់ថា ៖«ហត់ខ្លាំងណាស់ ប៉ុន្តែល្អសម្រាប់កីឡាករធ្វើតេស្តបែបនេះ។ តាមពិតទៅការធ្វើតេស្តបែបនេះ ខ្ញុំធ្លាប់ធ្វើពីរបីដងហើយជាមួយជម្រើសជាតិកម្ពុជា។ ធ្វើតេស្តបែបនេះល្អខ្លាំងសម្រាប់កីឡាករម្នាក់ៗដើម្បីឲ្យកីឡាករចេះរក្សាកម្លាំងស៊ុហ្វខ្លួនឯង»។
កាលពីព្រឹកម្សិលមិញ លោក Keisuke Honda អ្នកចាត់ការទូទៅជម្រើសជាតិកម្ពុជាបាននិយាយថា «ថ្ងៃនេះពិតជាសំខាន់ខ្លាំងណាស់សម្រាប់ក្រុមបាល់ទាត់ជម្រើសជាតិកម្ពុជា»។ ការនិយាយបែបនេះចំថ្ងៃដែលក្រុមជម្រើសជាតិកម្ពុជាធ្វើតេស្តរត់កម្លាំងអំណត់ 30-15IFT ដែលជាគោលការណ៍ថ្មីរបស់លោកសម្រាប់ក្រុមជម្រើសជាតិកម្ពុជា។
មែនទែនទៅ ការធ្វើតេស្តកម្លាំងអំណត់នេះមិនមែនសម្រាប់តែក្រុមជម្រើសជាតិទាំងពីរក្រុមគឺក្រុមធំ និងក្រុម U23 ដែលមានឈ្មោះនៅក្នុងបញ្ជីបឋមប៉ុណ្ណោះទេ ប៉ុន្តែកីឡាករផ្សេងៗទៀតដូចជារៀមច្បង ឈិន ឈឿន និង ប្រាក់ មុន្នីឧត្តម ជាដើមក៏ត្រូវបានកោះហៅចូលរួមធ្វើតេស្តដែរ។
ក្រៅពីគោលដៅសម្រាប់ជ្រើសរើសក្រុមជម្រើសជាតិត្រៀមប្រកួតមិត្តភាពអន្តរជាតិជាមួយក្រុម U-23 ជប៉ុន និងជាមួយក្រុមជម្រើសជាតិបង់ក្លាដែស ក្រុមគ្រូបង្វឹកជម្រើសជាតិកម្ពុជាចង់ផ្តល់ឱកាសឲ្យកីឡាករច្រើនទទួលបានបទពិសោធ និងរបៀបធ្វើតេស្តបែបនេះដើម្បីយកទៅអភិវឌ្ឍខ្លួន រក្សាកម្លាំងស៊ុហ្វរបស់ខ្លួន និងត្រៀមខ្លួនជានិច្ចសម្រាប់ការជ្រើសរើសរបស់ក្រុមជម្រើសជាតិក្រោយៗទៀត៕
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?