កីឡា

កីឡាករព្រះខ័នរាជស្វាយរៀង៥រូបជាប់បញ្ជីចុងក្រោយជម្រើសជាតិក្រុមធំ

បានផុស

២ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

កីឡាកររបស់ព្រះខ័នរាជស្វាយរៀង៥នាក់បានជាប់ក្នុងបញ្ជីចុងក្រោយនៃក្រុមបាល់ទាត់ជម្រើសជាតិកម្ពុជាត្រៀមប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែស នាថ្ងៃទី២២ ខែកញ្ញា ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករទាំង៥នាក់ដែលមកពីក្លឹបព្រះខ័នរាជស្វាយរៀងគឺអ្នកចាំទី អោម ឧត្តម ខ្សែការពារ សឿយ វិសាល ខ្សែការពារ សារ៉េត គ្រីយ៉ា ខ្សែបម្រើ គឹម សុខយុទ្ធ និង ត្រាយ វិចិត្រ។ កាលបញ្ជីបឋម៤០រូប មានកីឡាករ ឡុង ភារ៉ាត់ ប៉ុន្តែគ្មាន ត្រាយ វិចិត្រ ទេ ប៉ុន្តែបន្ទាប់ពីធ្វើតេស្តរត់កម្លាំងអំណត់ 30-15IFT ឡុង ភារ៉ាត់ មិនបានជាប់ក្នុងបញ្ជី២២នាក់ចុងក្រោយទេ។ ផ្ទុយទៅវិញ ត្រាយ វិចិត្រ បានជាប់ក្នុងបញ្ជីចុងក្រោយនេះ។

ក្នុងបញ្ជីចុងក្រោយនេះក៏មានឈ្មោះកីឡាករខ្មែរ-អាមេរិក ថេឡូរ នីកូឡាស់ ឌឿង (Nick Taylor) ខ្សែប្រយុទ្ធរបស់ក្លឹប Orlando City B ក្នុងក្របខណ្ឌ MLS Next Pro លីគអាមេរិក។

ក្រុមបាល់ទាត់ជម្រើសជាតិកម្ពុជានឹងប្រកួតមិត្តភាពអន្តរជាតិជាមួយក្រុមជម្រើសជាតិបង់ក្លាដែស នៅពហុកីឡដ្ឋានជាតិមរតកតេជោ វេលាម៉ផង៧យប់ ថ្ងៃទី២២ ខែកញ្ញា ផ្សាយផ្ទាល់ដោយទូរទស្សន៍ បាយ័ន និង BTV News៕