កីឡា
គ្រូជំនួយព្រះខ័នរាជស្វាយរៀង ទុកការខកចិត្តកាលពីខែមុន និងត្រៀមខ្លួនប្រជែងលីគជាថ្មី
លោក Oriol Mohedano Segura គ្រូជំនួយនៃក្លិបព្រះខ័នរាជស្វាយរៀង បានសង្កត់ធ្ងន់ថា ក្រុមបានទុកការខកចិត្តកាលពីខែមុនចោល ហើយត្រៀមខ្លួនជាថ្មីដើម្បីប្រជែងពានរង្វាន់លីគកំពូលកម្ពុជា ដែលនឹងត្រលប់មកវិញនៅថ្ងៃស្អែក ក្រោយសម្រាក ១ខែពេញ។
លីគកំពូលកម្ពុជា កាលពីខែមុនត្រូវបានសម្រាកពេញមួយខែ ដើម្បីទុកពេលឱ្យក្រុមជម្រើសជាតិទាំងឈុត U-20, U-23 និងឈុតធំ ធ្វើការប្រកួតមិត្តភាព។ យ៉ាងណាមិញ នៅមុនសម្រាកលីគ ព្រះខ័នរាជស្វាយរៀង ក៏បានជួបរឿងខកចិត្តខ្លះៗបន្ទាប់ ដោយរកពិន្ទុបានតិចតួចនៅក្នុងលីគ និងជាពិសេសបានជ្រុះចេញពីពានរង្វាន់សម្តេចតេជោ ហ៊ុន សែន ត្រឹមវគ្គ ៨ក្រុមចុងក្រោយ។
ជុំវិញការជួបរឿងខកចិត្តកាលពីខែមុនគ្រូជំនួយសញ្ជាតិអេស៉្បាញដដែលរូបនេះបានលើកឡើងថា៖ «ពិតណាស់បន្ទាប់ពីសម្រាកមួយខែពេញ ការខកចិត្តនោះយើងទុកវាចោលចុះ ដោយយើងត្រលប់មកប្រើប្រាស់ខែកញ្ញា ជាខែមួយដែលពោរពេញទៅដោយការហ្វឹកហាត់ជាច្រើន និងការត្រៀមខ្លួនដ៏ល្អ និងការហ្វឹកហាត់ជាមួយកីឡាករដែលបានបំពេញភារកិច្ចជាមួយក្រុមជម្រើសជាតិ។ វាមិនមែនជារឿងថ្មីនៅក្នុងលីគ និងនៅក្នុងក្រុមរបស់យើងឡើយ ហើយយើងបានត្រៀមខ្លួនរួចជាស្រេចសម្រាប់លក្ខខណ្ឌផ្សេងៗដែលត្រូវជួប។»
លោក Oriol Mohedano Segura ចាត់ទុកថា លីគកំពូលកម្ពុជា ក្របខណ្ឌក្នុងកម្រិតខ្ពស់មួយនៅរដូវកាលនេះ ដោយគ្រប់ក្រុមទាំងអស់បានបង្ហាញឱ្យឃើញថា គេព្យាយាមក្នុងឥរិយាបទដ៏ល្អមួយ។
យ៉ាងណាមិញលោកនៅតែមានសុទិដ្ឋិនិយមចំពោះក្រុមថា៖ «ជាមួយនឹងការខិតខំ និងភាពរីករាយ តែងតែនៅក្នុងឈាមរបស់យើង ជាមួយនឹងការហ្វឹកហាត់រាល់ថ្ងៃរហូតដល់សប្ដាហ៍នៃការប្រកួត ដើម្បីបង្ហាញទៅកាន់អ្នកគ្រប់គ្នា និងអ្នកគាំទ្រគ្រប់គ្នាថា យើងរួចរាល់សម្រាប់ការប្រកួត និងដើម្បីឈ្នះវា ដូច្នេះខ្ញុំគិតថាគ្រប់គ្នារំភើបសម្រាប់រឿងនេះ គឺយើងនឹងត្រលប់មកវិញ នោះវាគឺជាដំណឹងដ៏ល្អបំផុតមួយ។»
បញ្ជាក់ថា ថ្ងៃសៅរ៍ ទី០១ ខែតុលា ចុងសប្ដាហ៍នេះ ព្រះខ័នរាជស្វាយរៀង នឹងទៅសួរសុខទុក្ខម្ចាស់ផ្ទះ កងយោធពលខេមរភូមិន្ទ សម្រាប់ជំនួបសប្ដាហ៍ទី១៨ នៅវេលាម៉ោង ៦:៣០នាទីយប់៕
អត្ថបទ៖ មន្នីរ័ត្ន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)