កីឡា

អបអរ! ក្រុមវាយកូនបាល់កម្ពុជា ឡើងវគ្គផ្តាច់ព្រ័ត្រ Davis Cup 2022 តំបន់អាស៊ី

បានផុស

៤ years មុន

នៅ

ថ្ងៃព្រហស្បតិ៍ ២០ តុលា ២០២២

ដោយ

មុននេះបន្តិច ក្រុមកីឡាវាយកូនបាល់ជម្រើសជាតិកម្ពុជា បានឈ្នះ ក្រុមវាយកូនបាល់ជម្រើសជាតិតួកម៉េនីស្ថាន ដោយលទ្ធផល ២-១ ដើម្បីក្លាយជាក្រុមលេខ១ក្នុងពូល A ក្នុងការប្រកួតតំបន់ Asia/Oceania Group IV នៃព្រឹត្តិការណ៍វាយកូនបាល់ពិភពលោក Davis Cup ឆ្នាំ២០២២ នៅប្រទេសបារ៉ែន។

ការប្រកួតទី១ ឯកត្តជន (កម្ពុជា ១-២ តួកម៉េនីស្ថាន)

កីឡាករវាយកូនបាល់ជម្រើសជាតិកម្ពុជា ឡុង សំនៀង បានចាញ់កីឡាករតួកម៉េនីស្ថាន Rogusskiy ដោយលទ្ធផលប្រផុតប្រផើយ២សិត១។ សិតទី១ សំនៀង បានយកឈ្នះដោយពិន្ទុ ៦-៣ ប៉ុន្តែសិតទី២ និងទី៣ កីឡាករតួកម៉េនីស្ថានវាយបកយកឈ្នះ២សិតជាប់គ្នា។ គូនេះប្រើពេលជិត៣ម៉ោងទើបចប់។

ហ្គេមទី១៖ ឈ្នះពិន្ទុ ៦-៣
ហ្គេមទី២៖ ចាញ់ពិន្ទុ ៥-៧
ហ្គេមទី៣៖ ចាញ់ពិន្ទុ ៣-៦

ការប្រកួតទី២ ឯកត្តជន (កម្ពុជា ២-០ តួកម៉េនីស្ថាន)

ជើងខ្លាំងលេខ១កម្ពុជា ប៊ុន កេន្នី ប្រើពេលត្រឹមតែ៥៣នាទីប៉ុណ្ណោះដើម្បីយកឈ្នះកីឡាករតួកម៉េនីស្ថាន Orgazmuhamedow Meylis ដោយលទ្ធផលតដៃមិនរួចគឺ ២សិត០។

ហ្គេមទី១៖ ឈ្នះពិន្ទុ ៦-១
ហ្គេមទី២៖ ឈ្នះពិន្ទុ ៦-0

ការប្រកួតទី៣ វាយគូបុរស (កម្ពុជា ២-០ តួកម៉េនីស្ថាន)

សម្រាប់ការប្រកួតវាយគូនេះ ប៊ុន កេន្នី បានចាប់ដៃគ្នាជាមួយ Mathew Krusling ដើម្បីយកឈ្នះគូតួកម៉េនីស្ថាន Orgazmuhamedow Meylis និង Rogusskiy Y ដោយលទ្ធផល () ។ ការវាយគូនេះប្រើពេលត្រឹម ។

ហ្គេមទី១៖ ឈ្នះពិន្ទុ ៦-១
ហ្គេមទី២៖ ឈ្នះពិន្ទុ ៦-១

លទ្ធផលនេះគឺ កម្ពុជាបានឈ្នះទាំង៣ប្រកួត នៅវគ្គសន្សំពិន្ទុក្នុងពូល A គឺឈ្នះប៊ូតាន ៣-០, ឈ្នះម៉ុងហ្គោលី ៣-០ និងឈ្នះ តួកម៉េនីស្ថាន ២-១ ដើម្បីឡើងវគ្គផ្តាច់ព្រ័ត្រ។ ដៃគូវគ្គផ្តាច់ព្រ័ត្រមិនទាន់រកឃើញទេ ដោយសារការប្រកួតសន្សំពិន្ទុពូល B មិនទាន់ចប់ ប៉ុន្តែកុ្រមជម្រើសជាតិ សិង្ហបុរី មានភាគរយខ្ពស់ជាងគេ ដោយសារឈ្នះ៣ប្រកួតជាប់គ្នា និងនៅសល់១ប្រកួតទៀត។ ការប្រកួតវគ្គផ្តាច់ព្រ័ត្រ ដើម្បីក្រុមជម្រើសជាតិខ្លាំងមួយឡើងកម្រិតទី៣ប្រចាំតំបន់អាស៊ី Asia/Oceania Group III៕