Connect with us

កីឡា

៤ ថ្ងៃមុនការប្រកួតវគ្គផ្ដាច់ព្រ័ត្រពានរង្វាន់សម្ដេចតេជោ ហ៊ុន សែន រវាង បឹងកេត ជាមួយ វិសាខា មកដល់

បានផុស

នៅ

នៅសល់ ៤ ថ្ងៃ​ទៀត ការ​ប្រកួត​ផ្ដាច់ព្រ័ត្រ​ពានរង្វាន់​សម្ដេច​អគ្គ​មហា​សេនា​បតី​តេ​ជោ ហ៊ុន សែន លើក​ទី ១៦ ឆ្នាំ ២០២២ នឹង​ចូល​មកដល់ ដែល​ជា​ការ​ជួប​គ្នា​រវាង​បឹងកេត ជាមួយ វិសាខា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការ​ប្រកួត​ពានរង្វាន់​ដ៏​មាន​កិត្យានុពល​ក្នុង​ព្រះរាជាណាចក្រ​មួយ​នេះ នឹង​ធ្វើ​ឡើង​នៅ​ថ្ងៃ​ទី ០៦ ខែ​វិច្ឆិកា ឆ្នាំ ២០២២ នា​វេលា​ម៉ោង ៦ និង ៣០ នាទី​ល្ងាច នា​កីឡដ្ឋាន​ស្មាត​អរ​អេស​អិន របស់​ក្លិប​ភ្នំពេញ​ក្រោន ដែល​ជា​ទឹកដី​កណ្ដាល។

តើ​ការ​ប្រកួត​នេះ​មាន​អត្ថន័យ​យ៉ាងណា​សម្រាប់​ក្រុម​ទាំងពីរ​រៀងៗ​ខ្លួន ប្រសិនបើ​ទទួល​បាន​ជ័យជម្នះ? កម្ពុជា​ថ្មី នឹង​ជម្រាប​ជូន​អំពី​កំណត់ត្រា​ថ្មី​ទាំង​របស់​បឹងកេត និង​វិសាខា ដូច​ខាង​ក្រោម ៖

ក្លិប​បាល់ទាត់​បឹង​កេត ៖

គិត​ចាប់​តាំងពី​បង្កើត​ក្លិប​នៅ​ឆ្នាំ ២០០៨ រហូតដល់​បច្ចុប្បន្ន បឹងកេត បាន​និង​កំពុង​ព្យាយាម​ជា​ច្រើន​លើក​ច្រើនសា​ក្នុង​ការ​ឈ្នះ​ជើងឯក​ពាន​សម្ដេច​តេ​ជោ ប៉ុន្តែ​ក្លិប​ទើបតែ​សម្រេច​បាន​ម្ដង​ប៉ុណ្ណោះ ពោល​គឺ​នៅ​ឆ្នាំ ២០១៩ ក្រៅពី​នេះ បឹងកេត បាន​ត្រឹម​លេខ ៣ ចំនួន ២ ដង និង​លេខ ៤ ម្ដង។

ឈ្នះ​ជើងឯក ចំនួន ១ ដង (២០១៩)

រងជើង​ឯក ចំនួន ០ ដង​

ចំណាត់ថ្នាក់​លេខ ៣ ចំនួន ២ ដង (២០១៤, ២០២១)

ចំណាត់ថ្នាក់​លេខ ៤ ចំនួន ១ ដង (២០១៧)

ដូច្នេះ​ការ​ឈ្នះ​ជើងឯក​នៅ ៤ ថ្ងៃ​ខាងមុខ នឹង​ធ្វើ​ឲ្យ​ក្លិប​ឈ្នះ​ជា​លើក​ទី ២ ហើយ​អ្វី​ដែល​នាំមក​នូវ​កំណត់ត្រា​ថ្មី​នោះ គឺ​ធ្វើ​ឲ្យ បឹងកេត ឡើង​មក​ឈរ​ចំណាត់ថ្នាក់​លេខ ៥ នាម​ជា​ក្រុម​ឈ្នះ​ពាន​នេះ ២ ដង ខណៈ​បច្ចុប្បន្ន​កំពុង​ឈរ​នៅ​លេខ ៧ នៃ​តារាង​ចំណាត់ថ្នាក់​ក្រុម​ឈ្នះ​ពាន​សម្តេច​តេ​ជោ ជារួម​គិត​ចាប់​តាំងពី​ឆ្នាំ ២០០៧។

ក្លិប​បាល់ទាត់​វិសាខា ៖

សម្រាប់​ក្លិប​វិសាខា វិញ អត្ថន័យ​ដ៏​សំខាន់​របស់​គេ​នា​ពេលនេះ គឺ​ការ​ចង់​ឈ្នះ​ពាន​សម្តេច​តេ​ជោ ហ៊ុន សែន ជា​លើក​ទី ៣ ជាប់ៗ​គ្នា ដើម្បី​បំបែក​កំណត់ត្រា​ជា​ក្រុម​ដំបូង​គេ​ឈ្នះ​ពាន​នេះ ៣ ឆ្នាំ​ជាប់ៗ​គ្នា។

ឈ្នះ​ជើងឯក ចំនួន ២ ដង (២០២០, ២០២១)

រងជើង​ឯក ចំនួន ០ ដង​

ចំណាត់​ថ្នាក់​លេខ ៣ ចំនួន ១ ដង (២០១៩) *លេខ ៣ ស្ទួន ឆ្នាំ ២០១៩

ចំណាត់ថ្នាក់​លេខ ៤ ចំនួន ០ ដង

ការ​ឈ្នះ​ជើងឯក​នៅ​ថ្ងៃ​ទី ០៦ ខាង​មុខ​នេះ ក៏​នឹង​ធ្វើ​ឲ្យ វិសាខា ឡើង​មក​ឈរ​លេខ ៣ នាម​ជា​ក្រុម​ឈ្នះ​ពាន​សម្តេច​តេ​ជោ ច្រើន​ជាង​គេ បន្ទាប់ពី ព្រះខ័ន​រាជ​ស្វាយរៀង (៤ ដង) និង​កងយោធពល​ខេមរ​ភូមិន្ទ (៣ ដង)។

បញ្ជាក់​ថា ការ​ប្រកួត​នៅ​ថ្ងៃ​ទី ០៦ ខែ​វិច្ឆិកា ឆ្នាំ ២០២២ ខាងមុខនេះ ក៏​នឹង​មាន​ការ​ផ្សាយ​ផ្ទាល់​តាមរយៈ​ស្ថានីយ​ទូរទស្សន៍ BTV News ខណៈ​មុន​ការ​ប្រកួត​ផ្ដាច់ព្រ័ត្រ ក៏​នឹង​មាន​ការ​ប្រកួត​ដណ្ដើម​ចំណាត់​ថ្នាក់​លេខ ៣ រវាង​ក្លិប​ភ្នំពេញ​ក្រោន ជាមួយ ក្លិប​អគ្គិសនី​កម្ពុជា ផង​ដែរ៕

អត្ថបទ ៖ មន្នីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ១ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម