កីឡា

កីឡាករ ណុប ដេវីដ ត្រូវបានបញ្ជូនមកព្យាបាលនៅមន្ទីរពេទ្យកាល់ម៉ែត យប់មិញ

បានផុស

៣ ខែ មុន

នៅ

ថ្ងៃចន្ទ ១៣ មេសា ២០២៦

ដោយ

កីឡាករ ណុប ដេវីដ របស់ក្លិបបាល់ទាត់ បឹងកេត ត្រូវបានបញ្ជូនពីខេត្តកំពង់ស្ពឺ មកព្យាបាលនៅមន្ទីរពេទ្យ កាល់ម៉ែត ក្នុងរាជធានីភ្នំពេញ បន្ទាប់ពីស្ថានភាពមិនទាន់ល្អប្រសើរដោយត្រូវតាមដានឲ្យដិតដល់ខ្លាំងមែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិបបាល់ទាត់ បឹងកេត បានបញ្ជាក់ពីស្ថានភាពថា ៖«ដោយសារស្ថានភាពមិនទាន់ប្រសើរឡើង កាលពីយប់មិញ ដេវីដ ត្រូវបានបញ្ជូនបន្តមកតាមដានរបួសក្បាល នៅមន្ទីរពេទ្យកាល់ម៉ែត ដោយមានការមើលថែទាំ និងយកចិត្តទុកដាក់ពីថ្នាក់ដឹកនាំក្លិប និងក្រុមគ្រួសាររបស់ ដេវីដ។ តាមការពិនិត្យ ត្រូវរង់ចាំ ៧២ម៉ោង ដើម្បីអាចសន្និដ្ឋានអាការៈរបស់ ដេវីដ»។

ណុប ដេវីដ ត្រូវបានបញ្ជូនទៅកាន់មន្ទីរពេទ្យនៅក្នុងខេត្តកំពង់ស្ពឺភ្លាមៗ បន្ទាប់ពីរងការប៉ះទង្គិចក្បាល ពីការលោតរបស់កីឡាករចាំទី រ៉េត លីហេង ក្នុងការប្រកួតសប្តាហ៍ទី២៦ នៃលីគបាល់ទាត់កំពូលកម្ពុជា រវាង ក្រុមបឹងកេត និង ណាហ្គាវើលដ៍ កាលពីល្ងាច ថ្ងៃអាទិត្យ ទី១២ ខែមេសា ឆ្នាំ ២០២៦ នៅលើទីលានស្មៅជ័រនៃកីឡដ្ឋានខេត្តកំពង់ស្ពឺ៕