Connect with us

កីឡា

ក្រោយ​ឈ្នះ នៅ ស្រី​ពៅ និង​ធ្វើ​បាន​ល្អ​បំផុត​ឆ្នាំ​២០២០ Ritu Phogat ប្រាប់​ថា «​ខ្លា​ញី​» មកដល់​ហើយ​

បានផុស

នៅ

Ritu “The Indian Tigress” Phogat បាន​សាង​កំណត់ត្រា​ល្អ​ក្នុង​ឆ្នាំ ២០២០ នៅ​សង្វៀន​លំដាប់​ពិភពលោក ONE Championship​។ កីឡាការិនី​ជើង​ខ្លាំង​ផ្នែក​ចំបាប់​បាន​ផ្លាស់ប្ដូរ​ទៅ​ប្រកួត​គុន​ចម្រុះ​យ៉ាង​ជោគជ័យ និង​ធ្វើបាន​ល្អឥតខ្ចោះ​នៅលើ​សង្វៀន​លំដាប់​ពិភពលោក​មួយ​នេះ​។

​នៅ​ប្រកួត​ដំបូង​ឆ្នាំ ២០២០ រូបគេ​គ្រប់គ្រង​បានការ​ប្រកួត​បានល្អ​លើ​កីឡាការិនី​ចិន “Miss Red” Wu Chiao Chen ដោយ​ឈ្នះ​ពិន្ទុ​ជា​ឯកច្ឆន្ទ​កាល​ខែ កុម្ភៈ ហើយ​បន្ទាប់មក​ផ្ដួល​ម្ចាស់​ខ្សែក្រវាត់​គុន​ខ្មែរ នៅ ស្រី​ពៅ ត្រឹម​ទឹក​ទី​២​កាល​ខែតុលា​។ មិនយូរប៉ុន្មាន​រយៈពេល ៥ សប្ដាហ៍​ក្រោយមក អ្នកជំនាញ​ចំបាប់​មកពី​ឥណ្ឌា​បានបញ្ចប់​កីឡាការិនី​ជើងចាស់ Jomary “The Zamboanginian Fighter” Torres ត្រឹម​ទឹក​ទី​១​ដោយ​ក្បាច់​កណ្ដាប់ដៃ​សំពង​ពីលើ​ក្នុងការ​ប្រកួត​ទម្ងន់ atomweight​។

​ក្រោយ​ធ្វើបាន​កំណត់ត្រា​ល្អឥតខ្ចោះ​នេះ Phogat កំពុង​ក្រឡេកមើល​ឆ្នាំ​២០២១ ដ៏​រីករាយ និង​ដាក់​គោលដៅ​ក្លាយជា​អ្នកលេង​គុន​ចម្រុះ​ឥណ្ឌា​ដំបូង​គេ​ដែល​ឈ្នះ​ខ្សែក្រវាត់​ពិភពលោក​។
​ក្នុង​បទសម្ភាសន៍​ផ្ដាច់មុខ កីឡាការិនី​ដែល​ហ្វឹកហាត់​នៅ​សិង្ហ​បុរី​បាន​រំលឹក​អំពី​ឆ្នាំ​ចាស់ និង​ថ្លែង​សារ​សម្រាប់​ឆ្នាំ​ថ្មី​លើ​ការប្រកួត​ក្នុង​ប្រភេទ​ទម្ងន់ atomweights ដូចខាងក្រោម​។

ONE Championship: តើ​មាន​អ្វី​រំលឹក​អំពី​ឆ្នាំ​២០២០ ក្នុងការ​បង្ហាញខ្លួន​លើស​ង្វៀន​កន្លងមក​?
Ritu Phogat: ឆ្នាំ​២០២០ ពិតជា​ល្អ​ណាស់​សម្រាប់​ខ្ញុំ​។ ខ្ញុំ​ប្រកួត​បាន ៣ លើក​ជាប់​គ្នា ហើយ ការប្រកួត​នីមួយៗ​សុទ្ធតែ​ធ្វើ​ឲ្យ​ខ្ញុំ​រីកចម្រើន​។

នា​ការប្រកួត​ដំបូង​របស់ខ្ញុំ​នៅ​ឆ្នាំ​២០២០ ខ្ញុំ​ចំណាយពេល​អស់​៣​ទឹក​, ប្រកួត​ទី​២​ប្រើពេល ២​ទឹក និង ទី​៣ ប្រើពេល​ត្រឹម ១ ទឹក​ប៉ុណ្ណោះ​។ ដូច្នេះ ខ្ញុំ​គិតថា​វា​ពិតជា​ការរីកចម្រើន​ខ្លាំង​មែន​។ ឆ្នាំ​ចាស់​កន្លង​ទៅបាន​បង្រៀន​ខ្ញុំ​យ៉ាងច្រើន ហើយ​ខ្ញុំ​ក៏មាន​អារម្មណ៍ល្អ​ដែរ​។ វា​ជា​ឆ្នាំ​អស្ចារ្យ​បំផុត​សម្រាប់​ខ្ញុំ​។ ខ្ញុំ​គិតថា បើ​មិន​បិទ​ប្រទេស ខ្ញុំ​អាច​នឹង​ប្រកួត​លើស​នេះ​ផង​។ វា​ជា​ឆ្នាំ​ជោគជ័យ​ណាស់​សម្រាប់​ខ្ញុំ​។
ONE: ការប្រកួត​ដំបូង​ទល់ Wu Chiao Chen ប្រើពេល​ដល់ ៣​ទឹក​និង​យូរ​ជាងគេ​នៅ​សង្វៀន ONE តើ​មានមតិ​អ្វី​ជុំវិញ​រឿងនេះ​?

RP: ខ្ញុំ​បាន​រៀនសូត្រ​រឿងរ៉ាវ​ក្នុងការ​ប្រកួត​ច្រើន​ដែរ​។ ស្នៀត​ប្រយុទ្ធ​របស់ខ្ញុំ​ចាញ់​ប្រៀប​គូប្រជែង​បន្តិច​។ ក្នុងនោះ ការប្រកួត​ក្នុង​ជំហរ​ដេក​ក៏​មិនទាន់​ល្អ​ប៉ុន្មាន​។ ប៉ុន្តែ ខ្ញុំ​អភិវឌ្ឍ​ខ្លួន​បន្តបន្ទាប់​តាំងពី​ពេល​នោះមក​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ONE: កាលនោះ​ឪពុក​ម្ដាយ​របស់ Ritu បង្ហាញខ្លួន​ក្នុងការ​ទស្សនាការ​ប្រកួត​លើកដំបូង​នៅក្នុង​ពិភព​គុន​ចម្រុះ តើ Ritu មាន​អារម្មណ៍​យ៉ាងណា​?
RP: វា​ជា​អារម្មណ៍ល្អ​បំផុត​ពេល​គ្រួសារ​មក​គាំទ្រ​បែបនេះ​។ ឪពុក​ម្ដាយ​របស់ខ្ញុំ​បានធ្វើ​ដំណើរ​មក​សិង្ហ​បុរី​ដើម្បី​ទស្សនាការ​ប្រកួត​ផ្សាយ​ផ្ទាល់​។ នោះ​ជាការ​ចងចាំ​ដ៏​ល្អ​បំផុត​មួយ​។ ពីមុន​ឳ​ពុក​របស់ខ្ញុំ​មិនដែល​ទស្សនា​ការប្រកួត​ចំបាប់​របស់ខ្ញុំ​ទេ​។ នេះ​ជា​លើកដំបូង​ដែល​គាត់​បង្ហាញ​វត្តមាន​។

https://web.facebook.com/watch/?v=495161711157917
ONE: ចុះ​ការប្រកួត​ជាមួយ នៅ ស្រី​ពៅ វិញ តើ Ritu គិត​យ៉ាងណាដែរ​?
RP: ខ្ញុំ​ពិតជា​រំភើប​ក្នុង​ការប្រកួត​នេះ​។ ខ្ញុំ​ចាប់ផ្ដើម​ប្រកួត​យ៉ាង​អង់អាច ហើយ​វា​បានបង្ហាញ​ឲ្យ​ឃើញ​នូវ​លទ្ធផល​ល្អ​បំផុត​មួយ​។

ONE: ពេល​ផ្ដួល Jomary Torres នៅ​ទឹក​ទី​១ តើ​អាច​ប្រាប់​បានទេ​អំពី​ផែនការ​មុនពេល​ឡើង​ប្រកួត​?
RP: ខ្ញុំ​ចង់​បញ្ចប់​ការប្រកួត​ឲ្យ​ល្អ​បំផុត​។ ខ្ញុំ​ចាប់ផ្ដើម​ប្រយុទ្ធ ប៉ុន្តែ​នៅពេល​គេ​ចាប់ផ្ដើម​វាយប្រហារ​លើ​ខ្ញុំ វា​ធ្វើ​ឲ្យ​ខ្ញុំ​ងាយស្រួល​ក្នុង​ការចូល​ផ្ដួល​ដៃគូ​ទៅវិញ​។ ខ្ញុំ​គ្រប់គ្រង​ការប្រកួត​បានល្អ និង​បញ្ចប់​ការប្រកួត​នេះ​តែម្ដង​។

វា​ជា​ប្រកួត​ដ៏​តានតឹង​មួយ ព្រោះ​គេ​ជា​កីឡាការិនី​អស្ចារ្យ​ម្នាក់ ប៉ុន្តែ ខ្ញុំ​មិន​ផ្ដល់ឱកាស​ឲ្យ​គេ​ឡើយ​។ ប្រហែលជា វា​ជា​ថ្ងៃ​ល្អ​របស់ខ្ញុំ​។ ខ្ញុំ​បាន​ត្រៀម​ខ្លាំង​សម្រាប់​ការប្រកួត​នេះ ហើយ​ខ្ញុំ​ជឿជាក់​លើ​ការ​ខំប្រឹង​របស់ខ្ញុំ​។ ខ្ញុំ​រីករាយ​នឹង​លទ្ធផល​ដែល​ដើរ​តាម​ផែនការ​។

ONE: កីឡាការិនី​រូប​ណា​ដែល Ritu ចង់​ជួប​នាពេល​បន្ទាប់​?
RP: ខ្ញុំ​ដឹងថា ខ្ញុំ​នឹង​ឡើង​ជួប​កីឡាការិនី​កម្រិត​កំពូល​នៅ​ឆ្នាំ​២០២១​។ ខ្ញុំ​នឹង​ត្រៀមខ្លួន​រួចជាស្រេច​ដោយ​ហ្វឹកហាត់​ទាំង​ជំនាញ​ប្រយុទ្ធ និង គូប្រកួត​ក្នុង​ជំហរ​ដេក​។ ខ្ញុំ​ធានាថា ពេល​ខ្ញុំ​ជួប​គូប្រជែង​ល្អៗ​បំផុត ខ្ញុំ​នឹង​ត្រៀមខ្លួន​រួចរាល់​។

https://youtu.be/-MbiMyYe_-I
ONE: អ្វី​ទៅជា​បញ្ហា​ប្រឈម​របស់ Ritu នៅ​ឆ្នាំ ២០២០? តើ កូ​វីដ​-១៩ ជះឥទ្ធិពល​ដល់ Ritu ដោយ​របៀប​ណា​?

RP: ការរស់នៅ​ក្រៅប្រទេស​កំ​ណើ​ត ឆ្ងាយ​ពី​គ្រួសារ និង​អំឡុងពេល​នៃ​ការបិទ​ប្រទេស គឺជា​បញ្ហា​ប្រឈម​របស់ខ្ញុំ​។ វា​លំបាក​ជាង​ការ​តតាំង​គូប្រជែង​លើស​ង្វៀន​ទៅទៀត​។ យ៉ាងណាក្ដី ខ្ញុំ​នៅតែ​រក្សា​កម្លាំង​ស្មារតី​របស់ខ្ញុំ​ដើម្បី​ជម្នះ​រាល់​ឧបសគ្គ​ទាំងនេះ​។

ហើយ​អ្វីដែល​ខ្ញុំ​ខកខាន​នោះ​គឺ​មិនបាន​ចូលរួម​ក្នុង​ថ្ងៃ​មង្គលការ​របស់​ប្អូនស្រី​ខ្ញុំ​។ ខ្ញុំ​បានដាក់​ផែនការ​ច្រើន​ក្នុង​ថ្ងៃ​មង្គល​របស់​នាង ប៉ុន្តែ សំណាងអាក្រក់ ខ្ញុំ​មិនអាច​ចូលរួមបាន​។ ពេល​វិបត្តិ​កូ​វីដ​-១៩ ប្រែ​ទៅ​ល្អ​ធម្មតា​វិញ ខ្ញុំ​នឹង​ត្រលប់​ទៅសួរសុខទុក្ខ​គ្រួសារ​របស់ខ្ញុំ​នៅ​ប្រទេស​ឥណ្ឌា​។

ONE: ក្រៅពី​ក្បាច់គុន តើ​អ្វី​ទៅជា​រឿង​សំខាន់​ដែល Ritu បាន​រៀន​កាល​ឆ្នាំមុន​?
RP: ឆ្នាំ​២០២០ បាន​បង្រៀន​ខ្ញុំ​ឲ្យ​មាន​ស្មារតី​កាន់តែខ្លាំង​ឡើង​។ ទោះ​កាលៈទេសៈ​បែបណា ក៏​យើង​មិនគួរ​បាត់បង់​ក្ដីសង្ឃឹម​ដែរ និង មិនត្រូវ​បាក់​ទឹកចិត្ត​ឡើយ​។
ONE: មើល​ឆ្ពោះទៅមុខ អ្វី​ទៅជា​គោលដៅ​សម្រាប់​ឆ្នាំ​២០២១?
RP: សម្រាប់​គោលដៅ​ឆ្នាំ​២០២១ ខ្ញុំ​ចង់​ក្លាយជា​ផ្នែក​មួយ​នៃ​ការដណ្ដើម​ជើងឯក ONE Atomweight World Grand Prix​។ ពេល​អ្នក​ផ្គូផ្គង ប្រកាស​កីឡាការិនី​ចំនួន ៨ នាក់ ខ្ញុំ​សង្ឃឹមថា​មានឈ្មោះ​ខ្ញុំ​មួយ​ក្នុងចំណោម​នោះ​។

​គ្រូបង្វឹក​របស់ខ្ញុំ​រប​ស់​ខ្ញុំ និង​ខ្ញុំ​ធ្វើ​ការងារ​ខ្លាំងក្លា​ណាស់​។ ខ្ញុំ​នឹង​រក្សា​កំណត់ត្រា​មិន​ឲ្យ​ចាញ់​ក្នុងការ​ប្រកួត​ដូច​បានធ្វើ​កន្លងមក​។ ខ្ញុំ​រំពឹង ថា កំណត់ត្រា​ល្អ [​ឥតខ្ចោះ​] របស់ខ្ញុំ​មិនត្រូវ​ខូចខាត​ទេ​។

ONE: ចុងក្រោយ តើ Ritu មាន​សារ​អ្វី​និយាយ​ទៅកាន់​គូប្រជែង​ក្នុង​ទម្ងន់ atomweights ដូចគ្នា​?
RP: អ្នកគាំទ្រ​បាន​ហៅ​ឈ្មោះ​ខ្ញុំ​ថា “The Indian Tigress”​។ ខ្ញុំ​ចង់​និយាយថា “​ខ្លា​ញី​” បានមក​ដល់​ហើយ ហើយ​គូប្រជែង​ទម្ងន់ atomweight ត្រូវតែ​បារម្ភ​អំពី​រូបខ្ញុំ​៕


សូមចុចអាន ៖ សេដ្ឋី​នី​ទាំង​បី រំលេច​គុណសម្បត្តិ​ធំៗដែល​ស្ត្រី​គ្រប់រូប​គួរ​មាន​ក្នុង​ជីវិត
សូមចុចអាន ៖ តែ​បៃតង​ផ្ដល់​សុខភាព​ តែ​បើ​ផឹក​៤​ពេល​នេះ អាច​បង្ក​ជា​គ្រោះ​ថ្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២៣ នាទី មុន

មរតកបសេដ្ឋ៖ ប្រែក្លាយតំបន់ចងគោរបស់កសិករ ទៅជាកន្លែងកសិទេសចរណ៍​

ព័ត៌មានជាតិ៣៦ នាទី មុន

កម្ពុជា ថ្កោលទោសចំពោះការវាយប្រហារភេរវកម្ម នៅសាលមហោស្រពនាទីក្រុងមូស្គូ ប្រទេសរុស្ស៊ី

ព័ត៌មានជាតិ១ ម៉ោង មុន

សម្ដេច ហ៊ុន ម៉ាណែត អំពាវនាវដល់តួអង្គពាក់ព័ន្ធបន្តសហការគ្នាអនុវត្តឯកសារគតិយុត្តគោល ទាក់ទងនឹងវិទ្យាសាស្រ្ដ បច្ចេកវិទ្យា និងនវានុវត្តន៍

ព័ត៌មានជាតិ២ ម៉ោង មុន

ខេត្តកែប បានបញ្ចប់ការវាស់វែងចុះបញ្ជីដីធ្លីមានលក្ខណៈជាប្រព័ន្ធឱ្យពលរដ្ឋ រួចរាល់ ១០០%

វប្បធម៌ ជំនឿ២ ម៉ោង មុន

សាលាមធ្យមវិចិត្រសិល្បៈ ត្រូវបានជ្រើសរើសជាទីតាំងទស្សនកិច្ចរបស់ប្រតិភូស្ត្រីចក្រវាឡអន្តរជាតិ ២០២៤

ព័ត៌មានជាតិ១៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៤ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៣ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម