កីឡា
កីឡាការ៉ាតេកម្ពុជាទៅប្រកួតជើងឯកពិភពលោកនៅឥណ្ឌូនេស៊ី
សហព័ន្ធកីឡាការ៉ាតេកម្ពុជា បានបញ្ចូនគ្រូបង្វឹក និងអត្តពលិក ១៧រូប ទៅប្រកួតជើងឯកការ៉ាតេពិភពលោក WKF Championship Series A 2022 ចាប់ពីថ្ងៃទី១៨-២០ ខែវិច្ឆិកា ខាងមុខ នៅទីក្រុងហ្សាកាតា ប្រទេសឥណ្ឌូនេស៊ី។
លោក ហេង ផេង ប្រធានគ្រូជម្រើសជាតិកីឡាការ៉ាតេកម្ពុជា បានប្រាប់ថា ការប្រកួតនេះ ពិតជាពិសេសណាស់ ពីព្រោះមានប្រទេសយ៉ាងហោច៦៥ប្រទេសចូលរួម។ វាជាឱកាសមួយដ៏ល្អ សម្រាប់កីឡាករ កីឡាការិនីការ៉ាតេកម្ពុជា បញ្ចេញសមត្ថភាពដើម្បីវាស់ស្ទង់គុណភាព និងដកស្រង់បទពិសោធន៍ បន្ទាប់ពីពួកគេបោះជំរំហ្វឹកហាត់រយៈពេល៣ខែ នៅជប៉ុន កាលពីថ្មីៗ។
តាមសន្ទស្សន៍របស់គណៈកម្មាធិការជាតិរៀបចំការប្រកួតកីឡាស៊ីហ្គេម ឆ្នាំ២០២៣ បានដាក់ឲ្យសហព័ន្ធកីឡាការ៉ាតេកម្ពុជាដណ្តើមបានមេដាយមាសហោចណាស់១គ្រឿង ដូច្នេះសហព័ន្ធបានដាក់គោលដៅដណ្ដើមមេដាយមាសស៊ីហ្គេម ឆ្នាំ២០២៣ ពី១ដល់៤គ្រឿង។
សូមបញ្ជាក់ថា មុនចេញទៅប្រកួតជើងឯកពិភពលោកនៅប្រទេសឥណ្ឌូនេស៊ីនេះ សហព័ន្ធបានបញ្ចូនអត្តពលិករបស់ខ្លួនទៅហ្វឹកហាត់នៅប្រទេសជប៉ុន៣ខែចាប់ពីខែមិថុនា ដល់ខែកញ្ញាកន្លងទៅ។ ដូច្នេះការប្រកួតជើងឯកពិភពលោក Series A គឺជាឱកាសដែលអត្តពលិកបង្ហាញសមត្ថភាពរបស់ខ្លួនសម្រាប់ការត្រៀមខ្លួនឲ្យបានល្អចំពោះកីឡាស៊ីហ្គេមនៅកម្ពុជាឆ្នាំក្រោយ។
បន្ថែមលើនេះទៀត សហព័ន្ធគ្រោងបញ្ជូនអត្តពលិកទៅចូលរួមប្រកួតការ៉ាតេជើងឯកអាស៊ី នៅប្រទេសអូបេគីស្ថាន នាពាក់កណ្ដាលខែធ្នូ ឆ្នាំ២០២២ មុនពេលប្រកួតជើងឯកអាស៊ាន អំឡុងខែមីនា ឆ្នាំ២០២៣៕
អត្ថបទ៖ វីរបុត្រ
ប្រភពរូបថត៖ Cambodia 2023
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ